16 आस तान क्रुस नू केचका ती यहूदीरिन अरा नन-यहूदीरिन ओन्टे गुना कया लेक्खा धर्मेस गने मेसाबाचस। ई लेक्खा आर ही बैरी आबोन नठाबाचस।
एन्देरगेका नाम धर्मेसी बैरी र'ओ बारी नाम धर्मेस गने आसी ख़द्दासी खे'अना ती निभ्रदत। अक्कुन नाम धर्मेस गने निभ्रकत ख़ने आस नमन तंग्दासी उज्जना ती दंडे ती नाड़ोस दिम।
नाम अख़दत का नम्है पच्चा आल सुबहा मसीस गने क्रुस नू केच्चा। ख़ने नम्है पाप सुबहा नम्है मइय्याँ राजी पुल्ली नना अरा नाम इकला हूँ पाप ही जॊंख़ मल मनोत।
नमा पाप मॆद सुबहा ही चड्डे मूसासी नॆग लेड़पोंयहा मंजा, ख़ने आद तंग्है नलखन मुंज ख़च्चा गे पोल्ला। लिकिन धर्मेस गा अदिन नंजस एकदा मूसासी नॆग नना पोल्ला। आस तंग्है ख़द्दासिन नाम पपहर ही कया बेसे ता कया नू पाप दाँड़े चि'आ गे तइय्यस। ई बेसे धर्मेस ओन्टा आल कया नू पाप आबोन दंडे चिच्चस।
एन्देरगेका इकला आलर ही मने पाप मॆद सुबहा ही तबे नू र'ई, आर धर्मेसी बिड़दो नू र'अनर। आर धर्मेसी नॆग आबोन मल पॆस्रनर, अरा पॆस्र'आ हूँ पोलनर।
नाम ओर्मत आ ओन्टे असमन ख़ट्टरदत, ई चड्डे नाम बग्गेम र'अदत, अन्नु हूँ ओन्टे असमा ओन्टे मॆद हिकदत।
ऎन मसीस गने क्रुस नू ठोकरकादन, अक्कु ऎन मल्ला उज्जना, लिकिन मसीस एंग्है नू उज्जा लगदस। अक्कु ऎन एंग्है कया नू उज्जा लगदन होले धर्मेसी तंग्दस येसु मसीस नू पत्त'अना ती उज्जा लगदन, एकास एंगन चोन्हा नंजस अरा एंगा गे तंग्है उज्जनन चिच्चस।
अरा यहूदी नॆगन अदही पॆसका अरा नेगचार गुट्ठी गने मेटचस चिच्चस। ई लेक्खम आस यहूदीरिन अरा नन-यहूदीरिन तंग्है नू मेसाबाचस ती ओन्टा पुना आल खोंड़हा गढ़चस ती कोड़े ओन्द्रस।
ई गम ईद र'ई का दौ कत्था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।
नीम मॆख़्रकर ख़ने ओन्टे असरा गे मॆख़्रकर। अन्नेम ओन्टे गुना मॆद र'ई, अरा ओन्टे गुना नेम्हा बॊलतस र'अस।
अरा मूसासी पॆसका ही लेक्खा नम्है बिड़दो नू लिखचका पाप ही लिखन धर्मेस मेटचस चिच्चस। अरा धर्मेस आ लिखन जम्मन मसीसिन क्रुस नू ठोकचस ती नटचस।
मसीसी सान्ति निम्है जिया नू राजी ननी नेकअन। एन्देरगेका ई सान्ति गेम नीम ओन्टा मॆद ही बग्गे अंग लेक्खा मॆख़्रकादर। अरा नीम धन्यवाद चि'ऊ मना।