इफेसुस 2:15 - पुना गच्छरना NT (BSI)

¹⁵ अरा यहूदी नॆगन अदही पॆसका अरा नेगचार गुट्ठी गने मेटचस चिच्‍चस। ई लेक्खम आस यहूदीरिन अरा नन-यहूदीरिन तंग्‍है नू मेसाबाचस ती ओन्टा पुना आल खोंड़हा गढ़चस ती कोड़े ओन्द्रस।

इफेसुस 2:15 ပူးပေါင်းရင်းမြစ်များ

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

गलातिया 3:10

औंगे एवंदा आलर नाड़र'आ गे नॆग नू असरा नन्नर, आर ओर्मर सर्पारनर। एन्‍देरगेका नेम्हा पुथी नू लिख्रकी र'ई, “नॆ नॆग ता लिख्रका उर्मी कत्‍था ही बेसे मल मन्‍नर, आस ओर्त ओर्त सर्पारदस।”

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

गलातिया 6:15

नाम खतना मंजकत महले मल मंजकत, ईद मुध मला। लिकिन नमा पुना आल मन्ना ईद मुध र'ई।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 2:14

एकासे का मसीस दिम नम्है मइय्याँ कोड़े ओन्द्रस, आसिम यहूदीरिन अरा नन-यहूदीरिन मेसाबाचस ती इरबर ही मझी नू रहचका बैरी ही भीत आबोन तंग्है मॆदन दाँड़े चिच्का ती धंस्‍सस चिच्‍चस।

इफेसुस 2:16

आस तान क्रुस नू केचका ती यहूदीरिन अरा नन-यहूदीरिन ओन्टे गुना कया लेक्खा धर्मेस गने मेसाबाचस। ई लेक्‍खा आर ही बैरी आबोन नठाबाचस।

इफेसुस 4:16

आसी तबे नू सौंसे मॆद ओन संगे पखड़ जोड़र'ई। अरा उर्मी अंग तंग्है तंग्है मुध नलखन ननी, इत्रु ती नन्ना अंग गुट्ठी हूँ पर्दी क'ई। होले सौंसे मॆद कोड़ेम पर्दी अरा चोन्हा नू निन्दनुम क'ई।

कोलोस्से 2:14

अरा मूसासी पॆसका ही लेक्खा नम्‍है बिड़दो नू लिखचका पाप ही लिखन धर्मेस मेटचस चिच्‍चस। अरा धर्मेस आ लिखन जम्मन मसीसिन क्रुस नू ठोकचस ती नटचस।

कोलोस्से 2:20

नीम मसीस गने केचकादर, ख़ने आस निमन ख़ॆख़ेल ता बॊलता गुट्ठी ही सवंग ती अम्तारका केरकादस। औंगे नीम एन्देरगे अक्कु गूटी ख़ॆख़ेल ता आलर लेक्खा अदही नॆग गुट्ठी नू एन्ने ऎकालदर का,

कोलोस्से 3:10

अरा निमन गढ़'उसी रूपे लेक्‍खा आसी पत्त नू ठौका गने अख़'आ गे नीम पुना मंजका पुना आल सुबहन अत्तकादर।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।

कोलोस्से 3:15

मसीसी सान्‍ति निम्‍है जिया नू राजी ननी नेकअन। एन्देरगेका ई सान्ति गेम नीम ओन्‍टा मॆद ही बग्गे अंग लेक्खा मॆख़्रकादर। अरा नीम धन्‍यवाद चि'ऊ मना।

इब्रानी 7:16

लेवी गोतर ती बरना एन्ने ब'ऊ आलर ही नॆग चाल ही लेक्‍खा मल्‍ला, लिकिन मल नठारना उज्‍जना ही सवंग ती येसुस नैग मंजस।

इब्रानी 8:13

धर्मेस इदन पुना गच्‍छरना बाचस। ख़ने आस मुन्‍द ता गच्‍छरनन पच्चा नंजकादस। औंगे आद अक्‍कुन मल ब‍उरारना नू अरा पच्चा मन्‍ना नू अरा तेभरना काना नू र'ई।

इब्रानी 9:23

ई चड्डे मेर्ख़ा ता मानिम जिनिस ही रूपे लेक्‍खा नू र'ऊ कोहाँ कुम्‍बा अरा अदही जिनिस जम्मा ई लेक्‍खा दाँड़े गुट्ठी ती सुध मन्‍तारना ही चाड़ र'ई। अन्ने होले मेर्ख़ा ता मानिम जिनिस गा इबड़ा ती कोड़हे बॆस दाँड़े गुट्ठी ती सुध मन्‍तारना र'ई।