इफेसुस 2:14 - पुना गच्छरना NT (BSI)

¹⁴ एकासे का मसीस दिम नम्है मइय्याँ कोड़े ओन्द्रस, आसिम यहूदीरिन अरा नन-यहूदीरिन मेसाबाचस ती इरबर ही मझी नू रहचका बैरी ही भीत आबोन तंग्है मॆदन दाँड़े चिच्का ती धंस्‍सस चिच्‍चस।

इफेसुस 2:14 ပူးပေါင်းရင်းမြစ်များ

लू‍कस 1:79

ऊख़ा नू उज्‍जुरिन अरा खे'अना ही एलचना नू र'उरिन बिल्‍ली ऎद'आ गे अरा नम्‍है कोड़े ही डहरे नू ऎकत'आ गे आस बर'ओस।”

लू‍कस 2:14

“मेर्ख़ा नू धर्मेसी महबा मनन, अरा ख़ॆख़ेल नू नॆ धर्मेसिन खुसमारत'अनर अबड़ा ओर्मर गे सान्‍ति मनन।”

यॊहनस 10:16

एंग्‍है अउर हूँ भेंडो र'ई, अबड़ा ई गुहड़ी ता मल्‍ली। अबड़न हूँ एंगा ओन्‍द्रना चाड़ र'ई। अबड़ा एंग्‍है सड़न मेनो। ख़ने ओन्‍टे गुहड़ी मनो अरा ओन्‍टे महरस मनोस।

यॊहनस 11:52

अरा आ राजी गे लेका मला, छितिर बितिर मंजका धर्मेसी आलारिन हूँ ख़ॊंड़'अरकी ओन्‍टम मना गे हूँ खे'आ कादस।

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

त‍इरकर 10:28

अरा आस आरिन बाचस, “नीम गा अख़दर का ओर्त यहूदी आलस गे नन-यहूदीर गने भेंट मन्ना मलता आर ही एड़पा नू कोरना यहूदीर ही नॆग ही बिड़दो र'ई। लिकिन धर्मेस एंगा गे दहदर नंजस का एक‍अम आलारिन नेम्‍हा मलकस मलता सोतबोड़'आ मल ब'अना र'ई।

त‍इरकर 10:36

नीम अख़दर का धर्मेस इस्राऎल आलर गे तंग्‍है दौ कत्‍था त‍इय्यस अरा येसु मसीस ती नॆ ओर्मर ही उर्बस हिकदस कोड़े ही दौ कत्‍था तिंगियस।

रोमी 5:1

औंगे नाम पत्त'अना ती उजगो आल मन्‍तारदत, होले नम्‍है उर्बस येसु मसीस ती धर्मेस गने ओक्‍कना इजना र'ई।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

इफेसुस 2:15

अरा यहूदी नॆगन अदही पॆसका अरा नेगचार गुट्ठी गने मेटचस चिच्‍चस। ई लेक्खम आस यहूदीरिन अरा नन-यहूदीरिन तंग्‍है नू मेसाबाचस ती ओन्टा पुना आल खोंड़हा गढ़चस ती कोड़े ओन्द्रस।

इफेसुस 2:17

अरा आस बरचस ती धर्मेस ती गेच्‍छा रहचका नीम नन-यहूदीर गे हूँ अरा धर्मेसी हेद्दे रहचका ऎम यहूदीर गे हूँ कोड़े ही दौ कत्‍थन मेन्ताचस।

इफेसुस 4:16

आसी तबे नू सौंसे मॆद ओन संगे पखड़ जोड़र'ई। अरा उर्मी अंग तंग्है तंग्है मुध नलखन ननी, इत्रु ती नन्ना अंग गुट्ठी हूँ पर्दी क'ई। होले सौंसे मॆद कोड़ेम पर्दी अरा चोन्हा नू निन्दनुम क'ई।

कोलोस्से 1:20

अरा मसीस क्रुस नू बाहचका ख़ॆंस ती उर्मी आलॊ तंग्है गने सान्ति मना गे डहरे कमचस ती, ख़ॆख़ेल ता अरा मेर्ख़ा ता उर्मी आलॊन मसीस तिम तंग्‍है गने मेसाब'आ गे धर्मेस बिद्दियस।

कोलोस्से 2:20

नीम मसीस गने केचकादर, ख़ने आस निमन ख़ॆख़ेल ता बॊलता गुट्ठी ही सवंग ती अम्तारका केरकादस। औंगे नीम एन्देरगे अक्कु गूटी ख़ॆख़ेल ता आलर लेक्खा अदही नॆग गुट्ठी नू एन्ने ऎकालदर का,

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।

कोलोस्से 3:15

मसीसी सान्‍ति निम्‍है जिया नू राजी ननी नेकअन। एन्देरगेका ई सान्ति गेम नीम ओन्‍टा मॆद ही बग्गे अंग लेक्खा मॆख़्रकादर। अरा नीम धन्‍यवाद चि'ऊ मना।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

इब्रानी 7:2

तहाँ अब्राहमस तान जितचका ती ओन्‍द्रका उर्मी जिनिस ही दसमांस मेलख़िसेदेकस गे चिच्‍चस। मेलख़िसेदेक नामे ही माने “उजगो ही बॆलस”, अरा सालॆम ही बॆलस ही माने “कोड़े ही बॆलस” हवे।