इफेसुस 2:10 - पुना गच्छरना NT (BSI)

¹⁰ एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 2:10 ပူးပေါင်းရင်းမြစ်များ

मत्तायोस 5:16

एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

यॊहनस 3:21

लिकिन नॆ मानी गने उज्‍जनर, आर बिल्‍ली हेद्दे बरनर, अत्रु ईद दहदर मनी का आर ही नलख धर्मेस ती मंजकी र'ई।”

त‍इरकर 9:31

आ उल्‍ला सौंसे यूदेया गलिलेया अरा समारिया नू कलीसिया नू सान्‍ति ख़क्‍खरा अरा बड़ियर मन्नुम केरा। अरा पत्त'उर उर्बासी एल्‍चना नू उज्‍जा लगियर। अरा आर नेम्‍हा बॊलतासी जिया सालना ख़क्‍खियर ती गन्‍ती नू परदनुम काला लगियर।

त‍इरकर 9:36

अक्‍कु योप्‍पॆ नगरे नू तबिता नामे ओन्टा पत्त'ऊ आली रहचा। युनानी भखा नू इदही नामे दोरका हवे। आद नगदे दौ नलख नना लगिया अरा कीड़र गे संगरा नना लगिया।

रोमी 8:1

औंगे अक्‍कु नॆ मसी येसुस नू र'अनर आर गे एन्‍द्रा हूँ दंडे पॆस्रका मल्‍ला।

रोमी 8:29

धर्मेस आरिन हुल्‍लु तिम अक्‍खस, अरा आस आरिन तंग्‍है ख़द्द बेसे मना गे ओट्‍‍टा ओकताचस। होले येसुस बग्‍गे भ‍ई बहिनर नू जेट्ठा मना ओंगोस।

1 कोरिन्‍थ 3:9

ऎम गा धर्मेस गने नलख ननू हिकदम, अरा नीम धर्मेसी ख़ल्ल अरा एड़पा लेक्खा हिकदर।

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

2 कोरिन्‍थ 5:5

इदगे नमन सपड़'उस धर्मेस दिम हिकदस, अरा बयाना लेक्खा आस तंग्है नेम्‍हा बॊलतासिन नमा गे चिच्कादस।

2 कोरिन्‍थ 9:8

धर्मेस उर्मी बरकतन निन्दका ती निमा चि'आ गे उंगू र'अस। औंगे निमा चाड़ र'ई अबड़ा उर्मिन उर्मी उल्ला ख़क्खोर, अरा उर्मी दौ नलख नू नीन्द्र'ओर क'ओर।

गलातिया 6:15

नाम खतना मंजकत महले मल मंजकत, ईद मुध मला। लिकिन नमा पुना आल मन्ना ईद मुध र'ई।

इफेसुस 1:1

धर्मेसी मने ती मसी येसुसी तइरकन पौलुस [इफेसुस नगरे ता] मसी येसुसिन पत्त'ऊ नेम्‍हा आलर गे ई चिठिन लिखदन।

इफेसुस 1:4

नाम आसी ऎरना नू नेम्हा अरा बिगर बदी र'आ गे ख़ॆख़ेल ही गढ़्रना ती मुन्द दिम आस नमन मसीस नू चज्जियस। आस तंग्है चोन्‍हा ही चड्डे

इफेसुस 2:13

ओन बेड़ा नू नीम धर्मेस ती गेच्‍छा रहचकर, अक्‍कु गा मसी येसुस गने मेस्रना ती र'अना ती मसीसी ख़ॆंस ती धर्मेसी हेद्दे बरचकर केरकर।

इफेसुस 2:15

अरा यहूदी नॆगन अदही पॆसका अरा नेगचार गुट्ठी गने मेटचस चिच्‍चस। ई लेक्खम आस यहूदीरिन अरा नन-यहूदीरिन तंग्‍है नू मेसाबाचस ती ओन्टा पुना आल खोंड़हा गढ़चस ती कोड़े ओन्द्रस।

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

इफेसुस 2:6

धर्मेस मसीस गने नमन उज्‍जताचस चॊदस ती मसी येसुस गने नमा मेस्रना चड्डे मेर्ख़ा ही कोहाँ अड्डा नू तंग्है गने ओक्‍ताचस।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 4:24

अरा धर्मेसी सुबहा लेक्‍खा मना गे मानी उजगो अरा नेम्हा नू कम्रका पुना आल सुबहन नीम अत्ता।

फिलिप्‍पी 1:6

अरा एंगा असरा र'ई का ई लेक्खा दौ नलखन धर्मेस निम्‍है नू ऒड़ नंजस, आस मसी येसुसी बरना उल्ला गूटी अदिन मुंजत'ओस चि'ओस।

फिलिप्‍पी 2:13

एन्देरगेका धर्मेस निम्है नू नलख नन्दस, अरा तंग्‍है दौ चिताबुता ही लेक्खा नीम निम्है बॆस मने ती पॆस्र'आ गे अरा नना गे आस दिम सवंग चि'अदस।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 3:10

अरा निमन गढ़'उसी रूपे लेक्‍खा आसी पत्त नू ठौका गने अख़'आ गे नीम पुना मंजका पुना आल सुबहन अत्तकादर।

2 थेस्‍सलोनिकॆयर 2:17

आस निम्‍है जियन डिढ नन्‍दस अरा निमन उर्मी दौ नलख नू अरा ब'अना नू बड़ियर नन्‍दस नेक‍अन।

1 तीमोथियुस 2:10

लिकिन धर्मेसिन मानिम गने ओहमा महबा ननू मुक्‍कर बेसे बॆस नलख गुट्ठी ती तमन सिंगर'अना र'ई।

1 तीमोथियुस 5:10

अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

1 तीमोथियुस 5:25

अन्नेम जोक्‍क जोक्‍क आलर ही बॆस नलख गुट्ठी सेब्‍बा ती ईथर'ई, लिकिन जोक्‍क आलर बॆस नलख गुट्ठिन ऎथ्रना बेसे मल नन्नर, आद हूँ उन्‍दुल ईथर'ई दिम।

1 तीमोथियुस 6:18

अरा आरिन तेंगा का आर गे तंग्‍है खुर्जिन दौ नलख नू ब‍उर'अना र'ई, अरा दौ नलख गुट्ठी नू उरुब मन्ना र'ई। अरा चाड़ र'ऊ आलर गे मुट्ठी बिछर'अरकी चि'आ गे अरा सौंसे जिया ती तम्‍है खुर्जिन ख़ट्टा गे सपड़ारका र'अना र'ई।

2 तीमोथियुस 2:21

एक‍अम ओर्तस मलदौ नलखन अम्‍बदस ती तंगन निमन ननोस होले, आस महबा ही संजगी मनोस, अरा आस नेम्‍हा मनोस ती उर्बासी नलख नू ब‍उरार'ओस। अरा एकअम मदहे बॆस नलख गे सपड़ारका र'ओस।

2 तीमोथियुस 3:17

इत्रु धर्मेसी आलस बड़ियर मन्दस अरा उर्मी दौ नलख नना गे सपड़ारका र'अदस।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

तीतुस 2:7

नीन उर्मी रकम ही दौ नलख नना ती नीन नीनिम आर गे चिन्‍हा ऎद'आ। निंग्‍है सिखाब'अना नू फुर्फुर'आ अरा चिहुट र'आ।

तीतुस 3:1

पत्त'ऊ आलारिन सुरता नन्‍त'आ का आर गे राजी ननुर अरा अक्‍स'उर ही आकुस नू र'अना र'ई। अरा आरहीन पॆस्रना ती उर्मी दौ नलख गे सपड़ारका र'अना र'ई।

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

इब्रानी 10:24

नाम चोन्‍हा नन्ना नू अरा दौ नलख नन्ना नू एकासे तंग्‍है ती नन्नारिन रिझ्रत'आ ओंगोत अदही पत्त नू सोचना र'ई।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।

1 यॊहन 2:6

औंगे एकास तान धर्मेस नू बन्चका र'अदन ब'अदस, आस येसुस एकासे नना लगियस अन्नेम तान हूँ उज्जना र'ई।