इफेसुस 2:1 - पुना गच्छरना NT (BSI)

¹ नीम गा मुन्द निम्‍है अक्‍का-बलका गुट्ठी नू अरा पाप गुट्ठी नू केचका रहचकर।

इफेसुस 2:1 ပူးပေါင်းရင်းမြစ်များ

मत्तायोस 8:22

लिकिन येसुस आसिन बाचस, “अक्‍कु एंग्‍है गने चॊंख़्र'आ, केचकारिन तम्‍है बॊलता नू केचका आलर माड़नर नेकअन।”

लू‍कस 15:24

ई एंग्‍दस केचका बेसे रहचस, लिकिन आस अक्‍कु उज्‍जालदस, अरा एबस्रका रहचस, लिकिन अक्‍कु ख़क्‍खरस।’ ख़ने आर रिरयार'आ हेलरर।

लू‍कस 15:32

लिकिन अक्‍कु नमा रिरयारना अरा रिझ्रना चाड़ र'ई। एन्‍देरगेका ईद एन्ने बेसे का निंग्‍ड़िस केचका रहचस, लिकिन अक्‍कु उज्‍जदस, अरा एबस्रका रहचस, लिकिन अक्‍कु ख़क्‍खरस।’”

यॊहनस 10:10

ख़लबस गा ख़ड़'आ पिटा अरा नठाब'आ गे बरदस। लिकिन ऎन आर उज्‍जनन ख़क्‍खा गे अरा आ उज्‍जनन अख लगय ख़क्‍खा गे बरचकन।

यॊहनस 14:6

येसुस आसिन बाचस, “डहरे अरा मानिम अरा उज्‍जना ऎनिम हिकदन। एंग्‍है त्रु बिगर नॆ हूँ बंगस गुसन काला पोलनर।

यॊहनस 5:21

एकन्ने एम्‍बस केचका आलारिन चॊद्दस ती आर गे उज्‍जना चि'अदस, अन्नेम ऎन हूँ नॆकन ऎन बेद्ददन आर गे उज्‍जना चि'अदन।

यॊहनस 5:25

ऎन निमन मानिम ब'अदन, बेड़ा बर'आ लगी, अरा आद अक्‍कुन बरचकी र'ई। आ बेड़ा नू बॊलता नू केचका आलर ऎन धर्मेसी ख़द्दन ही सड़न मेनोर। अरा अदन नॆ मेनोर आर उज्‍जोर।

रोमी 8:2

एन्‍देरगेका नेम्‍हा बॊलतासी नॆग एकदा मसी येसुस नू उज्‍जना चि'ई, आद निंगन पाप दरा खे'अना ही नॆग ती नाड़की र'ई।

1 कोरिन्‍थ 15:45

औंगे नेम्‍हा पुथी नू एकासे लिख्रकी र'ई अन्ने, “पहिल आलस आदमस उज्‍जना आल मंजस।” लिकिन छेद्द ता आदमस गा उज्‍जना चि'ऊ बॊलता मंजस।

2 कोरिन्‍थ 5:14

मसीसी चोन्‍हा गा एमन तंग्है तबे ननी, एन्देरगेका ऎम इदन बुझुरकम का ओर्तोस ओर्मर गे केचकादस, ख़ने ईद एन्ने लेक्खा ईद'ई का, ओर्मर केचकानर।

इफेसुस 4:18

आर मानिम कत्थन बुझुरना नू पैहा र'अनर, अरा आर धर्मेसी चि'अना उज्‍जना ती छिन्‍डरका केरका ती उज्जनर। ईद तम्है जिया बेड़हा चड्डे मंजका आर ही लूर मलका ती मंजा।

इफेसुस 5:14

एन्देरगेका बिल्ली दिम उर्मिन ईद'ई चि'ई। ई चड्डेम एन्ने लिख्रकी र'ई का, “अना ख़न्‍द्र'ऊ, एज्र'आ, केचकार ती उज्‍जा चो'आ, होले मसीस निंग्‍है मइय्याँ बिल्‍चोस।”

कोलोस्से 2:13

नीम निम्है अक्‍का-बलका गुट्ठी ती अरा खतना मल मंजका निम्है पाप ही सुबहा ती केचका रहचकर ख़ने, धर्मेस निमन मसीस गने उज्‍जताचस ती नम्‍है उर्मी अक्‍का-बलका गुट्ठिन छमा नंजस।

1 तीमोथियुस 5:6

लिकिन एका रड़ियाही ख़ॆख़ेल ता सुख-सौंरतन पत्तार‍'ई होले, आद उज्‍जनुम उज्‍जनुम किच्‍चकी र'ई।

1 यॊहन 3:14

नाम अख़दत का नाम नम्है संगे मसी भईर गने चोन्हा नन्ना ही चड्डे खे'अना ती उरखकत ती उज्जना नू कोरचकत। लिकिन एका ओर्तस तंग्है संगे मसी भईर गने चोन्हा मल नन्दस, आस अक्कु गूटी खे'अना ही तबे नू र'अदस।

दहदर मंजका कत्‍था 3:1

सरदीस नगरे ता कलीसिया ही पैकस गे नीन एन्ने लिख'आ का: नॆ धर्मेसी सतियो बॊलतन अरा सतियो बीनकोन धरचकादस, आस इबड़ा कत्थन ब'अदस। ऎन निंग्‍है नलख गुट्ठिन अख़दन। आलर निंगन उज्‍जालदय ब'अनर, लिकिन नीन गा केचका र'अदय।