इफेसुस 1:8 - पुना गच्छरना NT (BSI)

⁸ आ मया आबोन आस नमा गे उर्मी लूर अरा बुझ्रना ही सवंग गने बग्गे ती बग्गे चिच्कादस।

इफेसुस 1:8 ပူးပေါင်းရင်းမြစ်များ

मत्तायोस 11:19

लिकिन मनवा ख़द्दस बने उन्नुम मॊख़नुम बरचस। ख़ने आर ब'अनर का ईस पेट पोसा अरा उंखुस अरा मलगुजारी ऊज'उर अरा पपहर ही संगेस हवे। लिकिन धर्मेसी लूर अदही लेक्‍खा ईकुर ही नलख ती आद मानिम एन्ने ईथर'ई।”

रोमी 11:33

बोह! धर्मेसी खुरजी अरा लूर अरा अकिल एवंदा गड्डी र'ई। आसी नेंव‍ई आबोन बेद्दरकी अख़'आ पोल्‍लना र'ई अरा आसी नन्ना ही घत आबोन बुझुर'आ पोल्‍लना र'ई।

रोमी 5:15

लिकिन आदमसी अक्‍का-बलका गने धर्मेसी मया ही इनाम जोक्‍खा मल्ला। ओर्त आलासी अक्‍का-बलका ही चड्डे कोड़हे आलर केच्‍चर। लिकिन धर्मेसी मया कोड़हे कोहाँ र'ई, धर्मेसी मया ही इनाम उज्‍जना आबोन ओर्त आलस येसु मसीसी मया ती कोड़हे आलर ख़क्‍खियर।

1 कोरिन्‍थ 2:7

ऎम गा धर्मेसी लूरन, नूख़्रका गम आबोन लेका तेंगदम। इदन धर्मेस ख़ॆख़ेल ही ऒरे ती मुन्‍द तिम नाम मसीसी महबा नू हिसा मना गे ठनचस।

इफेसुस 1:11

तंग्है उर्मी चिताबुतन तंग्है मने ही लेक्खा पूरा ननू धर्मेसी चिताबुता ही लेक्खम नाम मुन्द दिम ठंचका ती मसीस नू चजका र'अदत।

इफेसुस 1:7

मसीस नू आस बाहताचका ख़ॆंस ती नमा गे नाड़रना र'ई। ईद नम्है अक्‍का-बलका गुट्ठी गे धर्मेसी मया ही निंदका ती ख़क्ख्रना पाप छमा हवे।

इफेसुस 1:9

आस तंग्‍है चिताबुता ही गम आबोन नमा गे चलख़स। आद आस तंग्है दौ मने ही लेक्खा तान मसीस नू नन्ना चिताबुता रहचा।

इफेसुस 3:10

धर्मेसी उर्मी रकम ही लूर मेर्ख़ा अड्डा गुट्ठी नू राजी ननू बॊलता गुट्ठी गे अरा अदिया ननू आलॊ गुट्ठी गे अक्‍कु कलीसिया ती दहदर नन्तारना र'ई। ईद दिम धर्मेसी चिताबुता हवे।

कोलोस्से 2:3

उर्मी लूर अरा अक्किल मसीस नू नूख़्रकी र'ई।

यहूदा 1:25

नम्है नाड़ू ओन्टे लेका धर्मेस गे, नम्है उर्बस येसु मसीस ती महबा अरा कोड़हे मईन अरा सवंग अरा अदिया हुल्लो ती मुन्द अरा अक्कु अरा हुल्लो गूटी र'अन नेकअन। आमेन।

दहदर मंजका कत्‍था 5:12

अरा आर जॊर सड़ा ती चिच्चि‍यार'अरकी ब'आ लगियर, “नॆ पिटतारका भेंडो ख़द्द मसीस र'अस, आस सवंग अरा खुर्जी अरा लूर अरा पया अरा मईन अरा महबा अरा ओहमा ख़क्खा गे जॊगे र'अस।”