इफेसुस 1:5 - पुना गच्छरना NT (BSI)

⁵ नमन येसु मसीस ती आसी गोद उइय्का ख़द्द मना गे मुन्द दिम ओकताचस। आस इदन तंग्‍है चिताबुता ती अरा तंग्है मने ती नंजस।

इफेसुस 1:5 ပူးပေါင်းရင်းမြစ်များ

मत्तायोस 1:25

लिकिन ख़द्दासी अरगी कुन्‍द्रना गूटी मरियम गुसन मल केरस अरा आसी नामे येसु पिंजयस।

मत्तायोस 11:26

हाँ, अना बंग, निंगा ईदिम बॆस लग्‍गिया।

लू‍कस 10:21

आ बारिम येसुस नेम्‍हा बॊलतस नू खुसमारस ती बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन अख़'उर अरा लूरगर आलर लेक्‍खा तमन सोचनर आर ती नुड्डकादय, अरा लुदऊ लेक्‍खा ई सन्नी ख़द्दर गे ऎदकय। हाँ, अना बंग, निंगा ईदिम बॆस लग्‍गिया।

लू‍कस 11:32

निनवे नगरे ता आलर यॊनासी कत्थन मेंजर ती जियन किर्ताचर। अरा ऎरा, इसन यॊनास ती हूँ कोहाँ ओर्तस र'अदस। औंगे रायबड़ी उल्‍ला नू निनवे ता आलर ई बेड़ा ता आलर गने चो'ओर ती आरिन दोस'ओर।

लू‍कस 12:32

अनय सन्नी गोंहड़ा, अमय एल्‍चय। एन्‍देरगेका निम्‍बस निमा गे तंग्‍है गने मेर्ख़ा राजी नू राजी नना गे आकुस चि'आ गे मने नन्‍दस।

यॊहनस 1:12

लिकिन जेतेक आलर आसिन इंझ्रर अरा आसी नू पत्ताचर, अबड़ा ओर्मर गे आस धर्मेसी ख़द्द मना गे अदिया चिच्‍चस।

यॊहनस 11:52

अरा आ राजी गे लेका मला, छितिर बितिर मंजका धर्मेसी आलारिन हूँ ख़ॊंड़'अरकी ओन्‍टम मना गे हूँ खे'आ कादस।

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

त‍इरकर 13:48

नन-यहूदीर इदिन मेंजर ख़ने, रिझ्र'आ हेलरर अरा धर्मेसी कत्‍था ही ओहमा नना लगियर। एका बग्‍गे आलर मुंजा मलका गुटी उज्‍जना गे चज्रकाचर, अबड़र दौ कत्‍थन पत्ताचर।

रोमी 8:23

ई ख़ॆख़ेल लेका मला, लिकिन नाम हूँ पाब ऎरना ती भितरी भितरी रेक'आ लगदत। नाम गा नेम्‍हा बॊलतासिन ख़क्‍खकादत एकदा धर्मेसी गच्छरका ही पहिल ख़ंजपा हिके। औंगे नाम धर्मेसी गोद होच्चका ख़द्द मंज ख़च्‍चना ही पाब ऎरा लगदत। इदही माने का नम्‍है कया पाप अरा खिलपत ती नाड़रना।

1 कोरिन्‍थ 1:1

धर्मेसी मने ती मसी येसुसी त‍इरका मना गे मॆख़्रका पौलुस एंग्है तरती अरा नम्है भ‍ईस सॊस्‍थेनॆसी तरती ई चिठी र'ई।

1 कोरिन्‍थ 1:21

एकासे का ख़ॆख़ेल तंग्‍है लूर ती धर्मेसिन मल अख़ना लेक्‍खा, तंग्‍है लूर ती धर्मेस इदन नंजकादस। औंगे खईता लेक्‍खा ईथर'ऊ एम्‍‍है दौ कत्‍था तेंगना ती पत्त'उरिन नाड़ा गे धर्मेस मने नंजस।

2 कोरिन्‍थ 6:18

ऎन निमा बंग र'ओन, अरा नीम एंगा ख़द्दर अरा ख़द्दो र'ओर, उर्मी ती सवंगिय उर्बन ब'अदन।”

गलातिया 3:26

अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।

इफेसुस 1:11

तंग्है उर्मी चिताबुतन तंग्है मने ही लेक्खा पूरा ननू धर्मेसी चिताबुता ही लेक्खम नाम मुन्द दिम ठंचका ती मसीस नू चजका र'अदत।

इफेसुस 1:9

आस तंग्‍है चिताबुता ही गम आबोन नमा गे चलख़स। आद आस तंग्है दौ मने ही लेक्खा तान मसीस नू नन्ना चिताबुता रहचा।

फिलिप्‍पी 2:13

एन्देरगेका धर्मेस निम्है नू नलख नन्दस, अरा तंग्‍है दौ चिताबुता ही लेक्खा नीम निम्है बॆस मने ती पॆस्र'आ गे अरा नना गे आस दिम सवंग चि'अदस।

कोलोस्से 1:19

एन्‍देरगेका धर्मेस तंग्है उर्मी निंद्रका आस नू ओक्कर'आ गे बिद्दियस।

2 थेस्‍सलोनिकॆयर 1:11

ईदन सुरता ननरकी ऎम निमा गे सगरो गोहरारदम का नम्‍है धर्मेस निमन तंग्‍है मॆख़ना ही जॊगे सोचदस नेक‍अन, अरा निम्‍है उर्मी दौ मने अरा पत्त'अना ती उर्मी नलखन आसी सवंग ती पूरा नन्‍दस नेक‍अन।

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।

1 यॊहन 3:1

ऎरा, नाम धर्मेसी ख़द्दर एन्ने बारना ती, धर्मे बंगस नम्है मइय्याँ नंजका चोन्हा एका कोहाँ र'ई एन्ने सोच'आ। मानिम नू नाम आसी ख़द्दत हिकदत। सौंसार धर्मेसिन बलना ती नमन हूँ धर्मेसी ख़द्दर एन्ने आद बल्ली।

दहदर मंजका कत्‍था 21:7

नॆ मलदौ ही मइय्याँ जीत ख़क्‍खोस आस इबड़ा उर्मी आसीसन ख़क्खोस, अरा ऎन आसी धर्मे मनोन, अरा आस एंग्‍है ख़द्द मनोस।