इफेसुस 1:3 - पुना गच्छरना NT (BSI)

³ धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।

इफेसुस 1:3 ပူးပေါင်းရင်းမြစ်များ

लू‍कस 2:28

सुमेयॊनस ख़द्दासिन पक्‍कियस ती धर्मेसी ओहमा नंजस ती बाचस,

यॊहनस 14:20

इकला ऎन उज्‍जा चो'ओन, आ उल्‍लम नीम अख़'ओर का ऎन एम्‍बस नू र'अदन, अरा नीम एंग्‍है र'अदर, अरा ऎन निम्‍है नू र'अदन।

यॊहनस 17:21

अना बंगायो, एकन्ने नीन एंग्‍है नू र'अदय, अरा ऎन निंग्‍है नू र'अदन, अन्नेम आर हूँ नम्‍है नू ओंटम मना गे गोहरारदन। होले नीन एंगन त‍इय्‍कय, एन्ने ख़ॆख़ेल पत्त'आ ओंगो।

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

रोमी 12:5

अन्ने नाम हूँ ओन कुदहा र'अदत, मसी नू ओन्टा कया मनरकी नम्‍है मझी नू ओरोत ओरोत ही अंग हिकदत।

रोमी 15:6

तहाँ नीम ओन जिया अरा ओन सड़ा ती नम्‍है उर्बस येसु मसीसी बंगस धर्मेसी ओहमा ननोर।

1 कोरिन्‍थ 1:30

आसी तिम नीम मसी येसुस नू र'अदर। मसीस दिम नमा गे धर्मेस तरती बरचका लूर। आस दिम नमन धर्मेस गने उजगो कमदस, अरा आस नमन नेम्‍हा कमदस, अरा आस नमन पाप ती अम्‍बत'अदस।

1 कोरिन्‍थ 12:12

एकासे का आलर ही मॆद ओन्‍टा र'ई, अन्नु हूँ अदही कैनो गोटंग अंग मनी। अरा उर्मी अंग कैनो गोटंग र'ई, अन्नु हूँ ओन्‍टा मॆद मनी काली। एन्ने लेक्‍खम मसीस हूँ र'अस।

2 कोरिन्‍थ 1:3

नम्‍है उर्बस येसु मसीसी धर्मे अरा बंगस गे ओहमा मनन नेकअन। आस सोग्‍गे ही बंगस अरा उर्मी रकम ही जिया सालना चि'ऊ धर्मेस हिकदस।

2 कोरिन्‍थ 11:31

हुल्‍लो ती हुल्‍लो गूटी ओहमा ख़क्ख'ऊ धर्मेस अरा उर्बा येसुसी बंगस अख़दस का ऎन मल ठकदन।

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

2 कोरिन्‍थ 5:21

धर्मेस नमा गे इकला हूँ पाप मल नंजका येसुसिन पाप ही दाँड़े कमचस। नाम मसीस नू धर्मेसी उजगो मना गे दिम आस एन्ने नंजस।

गलातिया 3:9

औंगे नॆ पत्त'अना नू र'अनर, आर पत्त'ऊ अब्राहमस संगे आसीस ख़क्‍खनर।

इफेसुस 1:10

मेर्ख़ा अरा ख़ॆख़ेल नू र'ऊ उर्मिन मसीसी अदिया ही किय्या ख़ॊंड़रना दिम आ गम हिके। बेड़ा गुट्ठी अदही पूरा मन्ना बारी आस अदिन पूरा ननोस।

इफेसुस 1:17

अरा नीम धर्मेसिन अउरिम कोड़हे अख़'आ गे, आस निमन लूर अरा चलख़रनन चि'ऊ नेम्हा बॊलतस ती नीदा गे गोहरारदन। इदगे नम्है उर्बस येसु मसीसी धर्मेस महबा ही बंगस गुसन गोहरारते र'अदन।

इफेसुस 2:6

धर्मेस मसीस गने नमन उज्‍जताचस चॊदस ती मसी येसुस गने नमा मेस्रना चड्डे मेर्ख़ा ही कोहाँ अड्डा नू तंग्है गने ओक्‍ताचस।

इफेसुस 3:10

धर्मेसी उर्मी रकम ही लूर मेर्ख़ा अड्डा गुट्ठी नू राजी ननू बॊलता गुट्ठी गे अरा अदिया ननू आलॊ गुट्ठी गे अक्‍कु कलीसिया ती दहदर नन्तारना र'ई। ईद दिम धर्मेसी चिताबुता हवे।

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

फिलिप्‍पी 2:11

अरा धर्मे बंगसी महबा गे उर्मी ततख़ा तेंग्र'ओ का येसु मसीस दिम उर्बस।

इब्रानी 8:5

आर मेर्ख़ा नू र'ऊ नेम्‍हा अड्डा ही रूप नू अरा ऎख़ ही लेक्‍खा इसन र'ऊ नेम्‍हा अड्डा नू सुसर नन्नर। मूसस गा नेम्‍हा कोहाँ कुम्‍बा कम'आ गे सपड़ारना नू रहचस ख़ने, आस गे धर्मेस ती एन्ने चेताब'अना ख़क्‍ख्रा का, “ऎरा, एका नमुना निंगा परता नू ऎदका रहचकन अदही लेक्‍खम उर्मिन कम'आ गे चिहुंक र'आ।”

इब्रानी 9:23

ई चड्डे मेर्ख़ा ता मानिम जिनिस ही रूपे लेक्‍खा नू र'ऊ कोहाँ कुम्‍बा अरा अदही जिनिस जम्मा ई लेक्‍खा दाँड़े गुट्ठी ती सुध मन्‍तारना ही चाड़ र'ई। अन्ने होले मेर्ख़ा ता मानिम जिनिस गा इबड़ा ती कोड़हे बॆस दाँड़े गुट्ठी ती सुध मन्‍तारना र'ई।

1 पतरस 1:3

नम्है उर्बस येसु मसीसी बंगस धर्मेस गे उर्मी ओहमा मनन नेकअन। आस तंग्‍है कोड़हे सोग्‍गे ही चड्डे येसु मसीसिन केच्‍चकर ती उज्‍जत'अना ती नमा गे ओन्टा पुना कुन्द्रनन चिच्कादस। इदही चड्डे नाम कोड़हे असरा गने उज्‍जदत।