इफेसुस 1:23 - पुना गच्छरना NT (BSI)

²³ आ कलीसिया दिम मसीसी मॆद लेक्खा र'ई। ईद उर्मी अड्डा नू उर्मी नू तंग्है र'अना ती निंद'ऊ मसीस ती निंदका र'ई।

इफेसुस 1:23 ပူးပေါင်းရင်းမြစ်များ

यॊहनस 1:16

अरा आसी मया ही निंद्रका ती नाम ओर्मत आसीस ही म‍इय्याँ आसीस ख़क्‍खकादत।

रोमी 13:5

औंगे अक्‍स'ऊ आलर ही तबे नू र'अना चाड़ र'ई। दंडे ही इल्चका ती लेका मला नम्‍है लखना ती हूँ नमा एन्ने नन्ना र'ई।

1 कोरिन्‍थ 12:6

अरा धर्मेसी नलख गुट्ठी गा कैनो मदहे र'ई, लिकिन ओन्‍टेम धर्मेस उर्मी आलर नू उर्मी नलखन नन्‍दस।

1 कोरिन्‍थ 15:28

अरा उर्मीदिम आसी तबे नू मनी काली ख़ने, ख़द्दस हूँ उर्मिन तंग्‍है तबे नू चिच्का धर्मेसी तबे नू तंगन ननोस। औंगे धर्मेस दिम उर्मी नू उर्मी मनोस।

इफेसुस 2:16

आस तान क्रुस नू केचका ती यहूदीरिन अरा नन-यहूदीरिन ओन्टे गुना कया लेक्खा धर्मेस गने मेसाबाचस। ई लेक्‍खा आर ही बैरी आबोन नठाबाचस।

इफेसुस 3:10

धर्मेसी उर्मी रकम ही लूर मेर्ख़ा अड्डा गुट्ठी नू राजी ननू बॊलता गुट्ठी गे अरा अदिया ननू आलॊ गुट्ठी गे अक्‍कु कलीसिया ती दहदर नन्तारना र'ई। ईद दिम धर्मेसी चिताबुता हवे।

इफेसुस 3:19

अरा नीम मसीसी चोन्‍हन अख़दर नेकअन, एकदा अख़ना लूर ती गेच्‍छा र'ई। ई लेक्‍खा नीम धर्मेसी उर्मी लेक्खा निंदका ती निंद्रदर नेकअन।

इफेसुस 4:10

नॆ किय्या इत्तियस, आसिम उर्मी मेर्ख़ा गुट्ठी ही मइय्याँ हूँ अरगियस, होले आस गोट्टा सौंसेन तंग्है ती नींद'आ ओंग्दस।

इफेसुस 4:12

सुसर नलखन नना गे नेम्हा आलारिन सपड़'आ गेम आस ई इनाम गुट्ठिन चिच्चस, होले मसीसी मॆद कलीसिया बड़ियर मन्नुम क'ओ।

इफेसुस 4:13

एका गूटी नाम पत्त'अना नू अरा धर्मेसी ख़द्दासी लूर नू ओन्टे मंज ख़च्‍चोत आ गूटी ईद मन्तेम र'ओ का, नाम मसीस नू पखड़ आल मनोत, अरा उर्मी रकम नू मसीस लेक्खा मनोत क'ओत।

इफेसुस 4:4

नीम मॆख़्रकर ख़ने ओन्टे असरा गे मॆख़्रकर। अन्नेम ओन्टे गुना मॆद र'ई, अरा ओन्टे गुना नेम्हा बॊलतस र'अस।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

कोलोस्से 2:19

अरा आस सौंसे मॆद ही कुक्कु मसीस नू जोड़रका मल र'अदस। मसीस तिम सौंसे मॆद ओट्टा ओट्टा अरा अंग अंग जोड़र'ई ती पॊसर'ई ती ओन संगे गुंथर'ई ती धर्मेसी चि'ऊ पर्दना ती पर्दनुम क'ई।

कोलोस्से 3:11

ई पुना उज्जना नू नन-यहूदी अरा यहूदी एन्ने, खतना मंजका अरा खतना मल मंजका एन्ने, नन-राजियर अरा जंगलीर एन्ने, बिट्ठी ननू जॊंख़ अरा छछिन्द एन्ने इन्द्रिइम फरक मल्ला। लिकिन मसीस दिम उर्मी र'अदस, अरा आस इबड़ा ओर्मर नू र'अदस।

कोलोस्से 3:15

मसीसी सान्‍ति निम्‍है जिया नू राजी ननी नेकअन। एन्देरगेका ई सान्ति गेम नीम ओन्‍टा मॆद ही बग्गे अंग लेक्खा मॆख़्रकादर। अरा नीम धन्‍यवाद चि'ऊ मना।