इफेसुस 1:19 - पुना गच्छरना NT (BSI)

^19-20 अरा पत्त'ऊ आलर नमा गे आसी चि'अना मल जोक्खना तंग्है कोड़हे सवंग आबोन नीम अख़'ओर चि'ओर। ई सवंग आसी कोड़हे पया लेक्खम र'ई का धर्मेस मसीस नू ऎदस, एका बेड़ा आस मसीसिन केचका ती उज्‍जताचस चॊदस ती मेर्ख़ा नू तंग्‍है तीना चोक्‍ख ओक्‍ताचस।

इफेसुस 1:19 ပူးပေါင်းရင်းမြစ်များ

यॊहनस 3:6

कया कया ही उज्‍जनन लेका कुन्‍द्रत'आ ऊंगी, लिकिन नेम्‍हा बॊलतस बॊलता ही उज्‍जनन कुन्‍द्रत'अदस।

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

रोमी 1:16

ऎन गा दौ कत्‍थन मेन्‍त'आ गे मल लज्‍जरदन। ईदिम पत्त'ऊ आलर ओर्मर गे मुन्‍द यहूदीर गे अरा ख़ॊख़ा नन-यहूदी आलर गे नाड़रना ही धर्मेसी सवंग ही डहरे हिके।

2 कोरिन्‍थ 4:7

लिकिन ई खुर्जिन ख़ज्‍ज ही संजगी लेक्खा र'उर ऎम ख़क्खकादम। इत्रु अख़तार'ओ का ई कोहाँ सवंग एम्‍है ती मला धर्मेस ती हवे।

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 3:20

अक्कु नाम ने'अना ती महले सोचना ती कोड़हे बग्गे, नम्है नू नलख ननू आसी सवंग ही लेक्खा नमा गे नना गे सवंगिय र'अस, आस गे

इफेसुस 3:7

धर्मेसी सवंग एंग्हा नू नलख नन्ना ती एंगा चिच्का आसी मया ही इनाम ती ऎन ई दौ कत्‍था तेंगा गे सुसर'ऊ मंजकन।

इफेसुस 6:10

छेद्द नू ऎन एन्देर ब'अदन का उर्बस नू अरा आसी कोड़हे पया नू सवंगिय मना।

फिलिप्‍पी 2:13

एन्देरगेका धर्मेस निम्है नू नलख नन्दस, अरा तंग्‍है दौ चिताबुता ही लेक्खा नीम निम्है बॆस मने ती पॆस्र'आ गे अरा नना गे आस दिम सवंग चि'अदस।

फिलिप्‍पी 3:21

आस नम्है पैहा नठारना ही मॆदन तंग्है महबा ही मॆद लेक्‍खम कम'ओस चि'ओस। उर्मी आलॊ गुट्ठिन तंग्है तबे नू ओन्द्रना गे पया चि'ऊ सवंग ती आस इदन ननोस।

कोलोस्से 1:29

अदगेम ऎन एंग्है नू सवंग गने नलख ननू आसी पया लेक्‍खा जिया कया ती अर्ज'अदन।

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

1 थेस्‍सलोनिकॆयर 1:5

एम्‍है दौ कत्‍था निम्‍है गुसन कत्‍था लेका नू मल्‍ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्‍है मझी नू एकासे नंजकम ती रहचकम।

2 थेस्‍सलोनिकॆयर 1:11

ईदन सुरता ननरकी ऎम निमा गे सगरो गोहरारदम का नम्‍है धर्मेस निमन तंग्‍है मॆख़ना ही जॊगे सोचदस नेक‍अन, अरा निम्‍है उर्मी दौ मने अरा पत्त'अना ती उर्मी नलखन आसी सवंग ती पूरा नन्‍दस नेक‍अन।

याकॊब 1:18

आस तान गढ़चका उर्मी नू नाम ओन मदहे ती पहिल ख़ंजपा मना गे तंग्‍है मने ती तंग्है मानी कत्‍था ती नमन पुना गढ़चस।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।