इफेसुस 1:17 - पुना गच्छरना NT (BSI)

¹⁷ अरा नीम धर्मेसिन अउरिम कोड़हे अख़'आ गे, आस निमन लूर अरा चलख़रनन चि'ऊ नेम्हा बॊलतस ती नीदा गे गोहरारदन। इदगे नम्है उर्बस येसु मसीसी धर्मेस महबा ही बंगस गुसन गोहरारते र'अदन।

इफेसुस 1:17 ပူးပေါင်းရင်းမြစ်များ

मत्तायोस 11:25

आ बारी येसुस बाचस, “अना बबा होय! मेर्ख़ा दरा ख़ॆख़ेल ही उर्बायो! ऎन निंगन महबा नन्‍दन का नीन इबड़ा कत्‍था गुट्ठिन तमन अख़'उर अरा लूरगर आलर लेक्‍खा सोचनर आर ती नुड्डकादय, अरा तमन लुदऊ लेक्‍खा सन्नी ख़द्दर गे ऎदकय।

मत्तायोस 11:27

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।

मत्तायोस 16:17

येसुस आसिन आनाकिर्ताचस, “अना सिमॊन यॊनासी ख़द्दय नीन आसीस ख़क्‍ख्रका आलय, एन्‍देरगेका एक‍अम आलस मला लिकिन एकास मेर्ख़ा नू र'ऊ एंग्‍है बंगस ई कत्‍थन निंगा गे दहदर नंजकादस।

मत्तायोस 20:33

अन्‍धहर आसिन बाचर, “अना उर्बायो! ऎम ऎरा बेद्ददम।”

मत्तायोस 6:13

अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

लू‍कस 12:12

आ बारिम एन्‍देर ब'अना मनो अदिन नेम्‍हा बॊलतस निमन तेंगोस।”

लू‍कस 2:14

“मेर्ख़ा नू धर्मेसी महबा मनन, अरा ख़ॆख़ेल नू नॆ धर्मेसिन खुसमारत'अनर अबड़ा ओर्मर गे सान्‍ति मनन।”

लू‍कस 21:15

एन्‍देरगेका ऎन निमन एन्ने ब'अना अरा लूर चि'ओन का निम्‍है जम्मा बैरिर निम्‍है बिड़दो नू खंडा अरा इज'आ पोल्‍लोर।

यॊहनस 14:17

आस दिम उर्मी मानिमन दहदर ननू नेम्‍हा बॊलतस हिकदस। आसिन ई ख़ॆख़ेल ता आलर मल इंझर'ओर, एन्‍देरगेका आर आसिन मल ऎरनर महले आसिन बलनर। लिकिन नीम आसिन अख़दर, एन्‍देरगेका आस निम्‍है गने उज्‍जदस अरा निम्‍है नू र'ओस।

यॊहनस 14:26

लिकिन सालत'उस, नेम्‍हा बॊलतस नॆकन बंगस एंग्‍है नामे ती तइय्योस, आस निमन उर्मी कत्‍थन सिखाब'ओस अरा एंग्‍है आनका उर्मी कत्‍थन निमन सुरता नन्‍त'ओस।

यॊहनस 16:3

आर इबड़न इदगे ननोर, एन्‍देरगेका आर बंगासिन हूँ बलनर अरा एंगन हूँ बलनर।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

यॊहनस 20:17

येसुस अदिन बाचस, “एंगन अमय ऎसड़'अय, ऎन अक्‍कु गूटी बंगस गुसन मइय्याँ मल अरगकन। लिकिन कलय ती एंग्‍है भइय्योरिन तेंगय, ऎन एंग्‍है बंगस निम्‍है बंगस अरा एंग्‍है धर्मेस निम्‍है धर्मेस गुसन मइय्याँ अरगदन कालदन।”

त‍इरकर 6:10

लिकिन स्‍तेफनोस एका लूर अरा बॊलतस ती बाचस अदही बिड़दो नू आर ब'आ पोल्‍लर।

त‍इरकर 7:2

आस आनाकिर्ताचस, “भ‍ईरो अरा बंगारो, एंग्‍हैन मेना। नम्‍है बंगस अब्राहमस ख़र्रान नगरे नू ओक्रना ही मुन्‍द मेसोपोतामिया देस नू र'अना बेड़ा नू महबा ती निन्‍द्रका धर्मेस आस गे ऎथ्रस।

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

रोमी 15:6

तहाँ नीम ओन जिया अरा ओन सड़ा ती नम्‍है उर्बस येसु मसीसी बंगस धर्मेसी ओहमा ननोर।

1 कोरिन्‍थ 12:8

एकासे का ओर्तस गे नेम्‍हा बॊलतस ती हया ही कत्‍था, अरा नन्‍नस गे आ बॊलतस तिम लूर ही कत्‍था चीरकी र'ई।

1 कोरिन्‍थ 14:6

अना भईरो! ऎन निम्‍है गुसन बरदन ती कैनो मदहे बकना भखा गुट्ठिन कछनख्रदन होले, आद ती निमा गे इन्द्रिइम फैदा मनो का? लिकिन ऎन धर्मेस ती दहदर मन्‍ना कत्‍थन मलता लूरन मलता धर्मेसी कत्‍थन मुन्‍द तेंगनन मलता सिखाब'अनन निमा गे ओन्‍द्रदन होले, आद ती फैदा मनो।

1 कोरिन्‍थ 2:10

लिकिन धर्मेस तंग्‍है नेम्‍हा बॊलतस ती अबड़न नमा गे दहदर नंजस, एन्‍देरगेका नेम्‍हा बॊलतस उर्मी कत्‍थन अरा धर्मेसी ख़ोड़ख़ा गम कत्‍थन हूँ अगम'ई।

1 कोरिन्‍थ 2:8

लिकिन इदन ई ख़ॆख़ेल ता राजी ननुर नॆ हूँ बल्‍लर। आर अक्‍का होले महबा ती निन्‍द्रका उर्बासिन क्रुस नू मल ठोक'ओर दने।

2 कोरिन्‍थ 12:1

एंगा अउर हूँ फुलई मना गे चाड़ र'ई होले, ऎन फुलई मनोन, लिकिन अत्रु ती एन्द्रा हूँ दौ मल्‍ली। अन्नु हूँ उर्बस ती एंगा ख़क्ख्रका देखार अरा दहदर गुट्ठिन ऎन तेंगोन।

इफेसुस 1:3

धर्मेस गे अरा नम्‍है उर्बस येसु मसीसी बंगस गे ओहमा मनन नेकअन। आस नमन मेर्ख़ा अड्डा गुट्ठी ती बरना बॊलता ही उर्मी आसीस गुट्ठी ती मसीस नू आसीस नंजकादस।

इफेसुस 3:5

धर्मेस ई गम आबोन मुन्द ता परिया गुट्ठी ता आलर गे दहदर मल नंजका रहचस। लिकिन अक्कु गा धर्मेस तंग्है नेम्हा तइरकर गे अरा धर्मेसी कत्था तिंगुर गे इदन नेम्हा बॊलतस ती दहदर नंजका र'अदस।

इफेसुस 4:13

एका गूटी नाम पत्त'अना नू अरा धर्मेसी ख़द्दासी लूर नू ओन्टे मंज ख़च्‍चोत आ गूटी ईद मन्तेम र'ओ का, नाम मसीस नू पखड़ आल मनोत, अरा उर्मी रकम नू मसीस लेक्खा मनोत क'ओत।

फिलिप्‍पी 3:15

औंगे नम्‍है नू एवंदा आलर बड़ियर मंज ख़च्चकानर, आर ओर्मर एन्नेम सोचनर नेकअन। अरा एकअम कत्‍था नू नीम नन्नम सोच नू र'अदर होले, अदिन हूँ धर्मेस दिम फरी ननोस।

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

तीतुस 1:1

ऎन पौलुस धर्मेसी जॊंख़न अरा येसु मसीसी त‍इरकन। ऎन धर्मेसी चज्जिका आलर गे पत्त'अना ही अरा मानिम लूर अरा महबा डहरे नू कड़हाब'अना कत्‍था ही पत्त नू तेंगा गे, ई नलख नू एंगन सोंपचकादन।

याकॊब 2:1

अना एंग्हा भईरो, नम्‍है महबा जोक्खा उर्बस येसु मसीस नू पत्त'अना उइय्यू निमा तीना मल ख़ाँड़ना र'ई।

2 पतरस 1:3

भगती उज्जना उज्जा गे चाड़ र'अना उर्मिन आसी धर्मे मन्ना सवंग नमा गे चिच्की र'ई। आसी पत्त नू नमा गे र'अना लूर ती इबड़ा नमा गे चीरकी र'ई। आस दिम नमन तंग्है महबा अरा दौ गुन्न ती मीख़का र'अदस।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।

दहदर मंजका कत्‍था 7:12

अरा अबड़र बाचर, “आमेन! नम्‍है धर्मेस गे ओहमा, अरा महबा, अरा लूर, अरा धन्यवाद, अरा मईन, अरा सवंग, अरा पया हुल्‍लो ती हुल्‍लो गूटी मनन नेकअन, आमेन।”