इफेसुस 1:1 - पुना गच्छरना NT (BSI)

¹ धर्मेसी मने ती मसी येसुसी तइरकन पौलुस [इफेसुस नगरे ता] मसी येसुसिन पत्त'ऊ नेम्‍हा आलर गे ई चिठिन लिखदन।

इफेसुस 1:1 ပူးပေါင်းရင်းမြစ်များ

लू‍कस 16:10

एकास जुक्‍की नू पत्त'अना जॊगे र'अस आस बग्‍गे नू हूँ पत्त'अना जॊगे र'अस, अरा एकास जुक्‍की नू उजगो मल र'अदस आस बग्‍गे नू हूँ उजगो मल र'अदस।

त‍इरकर 16:15

आद तंग्‍‍है गोट्टा एड़पातर गने नॊड़रा। ख़ने आद एमन गोहरार'आ, “नीम एंगन उर्बासी पत्त'ऊ आली बुझ्रदर होले, एंग्‍है गुसन गुचा ती र'आ।” अरा आद एमन बड़पेलहा ती होच्‍चा केरा।

त‍इरकर 18:19

आर इफेसुस नगरे अंड़सियर। फिन पौलुस प्रिसका अरा अकुलासिन असानिम अम्‍बियस। अरा तान यहूदीर ही गोड़हा एड़पा नू केरस ती यहूदीर गने कत्‍था बरता ननालियस।

त‍इरकर 18:21

अरा आस आर ही ती बिदा मंजस ती बाचस, “धर्मेसी मने र'ओ होले ऎन अउरिम बर'ओन।” आस इफेसुस नगरे ती कोहाँ डोंगा ती उरखस।

त‍इरकर 9:13

लिकिन हनानियास आनाकिर्ताचस, “उर्बायो! ऎन कैनो बग्‍गे आलर ती मेंजकादन का ईस येरुसलॆम नू निंग्‍है नेम्‍हा आलारिन नगदे डाहचकाचस।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

रोमी 8:1

औंगे अक्‍कु नॆ मसी येसुस नू र'अनर आर गे एन्‍द्रा हूँ दंडे पॆस्रका मल्‍ला।

1 कोरिन्‍थ 4:12

अरा एम्‍है ख़ेक्खा ती कोड़हे नलख नन्‍दम। आलर एमन हींड़नर ख़ने, ऎम आर गे आसीस चि'अदम। आर एमन सताब'अनर ख़ने, ऎम सहदम।

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

गलातिया 1:1

ई चिठी त‍इरकन पौलुस एंग्हा तरती र'ई। ऎन एक‍अम आलर ही खोंड़हा तरती मला महले एकअम अक्स'ऊ आलर ती तइरका मल्‍ला मंजका। लिकिन येसु मसीस ती अरा धर्मे बंगस ती तइरका मंजकादन, एकास येसुसिन केचका ती उज्‍जा चॊदस।

गलातिया 3:26

अरा नीम ओर्मर गा मसी येसुस म‍इय्याँ ता पत्त'अना ती धर्मेसी ख़द्दर मंजकादर।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

गलातिया 3:9

औंगे नॆ पत्त'अना नू र'अनर, आर पत्त'ऊ अब्राहमस संगे आसीस ख़क्‍खनर।

इफेसुस 1:15

ई चड्डेम उर्बा येसुस नू निम्‍है पत्त'अना अरा उर्मी नेम्हा आलर मइय्याँ ता निम्है चोन्‍हा ही पत्त नू ऎन मेंजकन ती

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 2:13

ओन बेड़ा नू नीम धर्मेस ती गेच्‍छा रहचकर, अक्‍कु गा मसी येसुस गने मेस्रना ती र'अना ती मसीसी ख़ॆंस ती धर्मेसी हेद्दे बरचकर केरकर।

इफेसुस 2:6

धर्मेस मसीस गने नमन उज्‍जताचस चॊदस ती मसी येसुस गने नमा मेस्रना चड्डे मेर्ख़ा ही कोहाँ अड्डा नू तंग्है गने ओक्‍ताचस।

इफेसुस 6:21

अक्कु एम्है चोन्हा भईस उर्बस नू पत्त'अना जॊगे जॊंख़स तुख़िखोस एंग्है पत्त नू उर्मिन निमा गे तेंगोस। होले नीम हूँ ऎन एकासे र'अदन अरा एन्देर ननालदन उर्मिन अख़'आ ओंगोर।

कोलोस्से 1:2

कोलोस्से नगरे नू मसीसी चड्डे नेम्‍हा अरा पत्त'अना जॊगे र'अना धर्मेसी आलर गे ई चिठिन लिखदम। नम्‍है धर्मे बंगस ती निमा गे मया अरा सान्‍ति मनन नेकअन।

दहदर मंजका कत्‍था 17:14

इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 2:10

एका दुक्‍खे निंगा भोगना मनो अत्रु नीन अमकेम एल्‍चा। सैतान निमन बिढ़'आ गे निम्‍है ती जोक्कोरिन जेहेल नू सजत'ओ। अरा नीम दस उल्ला गूटी दुक्‍खे भोग'ओर। जिया क'ओ आ गूटी हूँ पत्त'अना जॊगे र'आ। ख़ने ऎन निंगा उज्‍जना ही मुकुट चि'ओन।

दहदर मंजका कत्‍था 2:13

ऎन अख़दन का नीन एक्‍सन र'अदय, असन दिम सैतान ही बॆल-गदिया र'ई। अन्नु हूँ नीन एंग्है नू मानी गने जिटजिटने र'अदय, अरा नीन एंग्‍है मइय्याँ ता पत्त'अनन मल अम्‍बकय। सैतान ही र'अना अड्डा निम्है नगरे नुम एंग्है पत्त'अना जॊगे गोवाह अन्तिपास पिटतारस, आ बेड़ा नू हूँ नीन पत्त'अनन मल अम्बकय।