कोलोस्से 4:8 - पुना गच्छरना NT (BSI)

⁸ नीम एम्है दसा गुट्ठिन अख़'आ गे अरा आस निम्‍है जिया गे सान्‍ति चि'आ गेम, आसिन ऎन निम्‍है गुसन तइय्कादन।

कोलोस्से 4:8 ပူးပေါင်းရင်းမြစ်များ

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

2 कोरिन्‍थ 1:4

आस दिम उर्मी कलपारना ती नमन जिया सालत'अदस। औंगे ऎम धर्मेस तरती ख़क्ख्रका जिया सालना ती, एकअम कलपारना नू र'उरिन जिया सालत'आ ओंग्‍दम।

2 कोरिन्‍थ 12:18

ऎन तीतुसिन निम्है गुसन बर'आ गे आनकन अरा आस गने एम्है नन्ना ओर्त भईसिन हूँ तइय्कन। एन्देर नीम ब'आ ओंग्दर का तीतुस निम्है ती इन्द्रिइम नफा होच्चस? ऎम इरबारिम ओन्टेम बॊलता नू मल उज्जकम उक्कम का? अरा ओन्टे डहरे नू मल ईक्‍कम का?

2 कोरिन्‍थ 2:7

औंगे अक्‍कु नीम आसिन छमा नन्‍ना ती जिया सालत'अना र'ई। मला होले आस कोड़हे दुक्‍ख नू मुलख़ोस क'ओस।

इफेसुस 6:22

आसिन ऎन निम्‍है गुसन इदगेम तइय्यालदन का नीम एम्‍है पत्त नू अख़'आ ओंगोर, अरा आस निमन जिया सालत'आ ओंगोस।

फिलिप्‍पी 2:28

कोड़हे गा ऎन आसिन इदगे तइय्या गे पत्तारदन का, नीम आसिन ऎरोर ती रिझ्रर'ओर अरा एंग्है घोख हूँ जुक्‍की मनो।

कोलोस्से 2:2

नीम हूँ अरा आर हूँ रिझ्रारकी चोन्‍हा ती मेस्रका र'अना र'ई, ईद दिम एंग्है मने हवे। होले नीम उर्मी बुझुरना गने अजगुत आसीसन ख़क्‍खोर ती धर्मेसी गम आबोन अख़'ओर चि'ओर। आ गम मसीस दिम हवे।

1 थेस्‍सलोनिकॆयर 2:11

नीम अख़दर का एकासे ओर्त बंगस तंग्‍है ख़द्द-ख़र्रन नन्‍दस। अन्नेम निमा ओर्त ओर्त गे नंजकम।

1 थेस्‍सलोनिकॆयर 3:2

अरा ऎम तीमोथियुसिन निम्‍है हेद्दे तइय्कम। आस एम्‍है भईस अरा मसीसी दौ कत्‍था तेंगना नू धर्मेसी जॊंख़स हिकदस। अरा आस निम्‍है पत्त'अना नू निमन बड़ियर ननोस अरा रिझ्रत'ओस, इदगे ऎम आसिन तइय्कम।

1 थेस्‍सलोनिकॆयर 3:5

औंगे एंग्‍है नू कयास मल मंजा ख़ने, निम्‍है पत्त'अना ही पत्त नू अख़'आ गे तीमोथियुसिन तइय्कन। इदगेका बिढ़'उस इन्द्रिइम कत्‍था नू बिढ़'ओस अइय्या खत्र'ओर होले, एम्‍है अर्ज'अना अनभनियाँ मनो ई चड्डे ऎन इल्‍चिकन।

1 थेस्‍सलोनिकॆयर 4:18

औंगे इबड़ा कत्‍था गुट्ठी ती ओर्त ओर्तोरिन रिझ्रत'आ।

1 थेस्‍सलोनिकॆयर 5:11

औंगे नीम अक्‍कुन नना लगदर अन्नेम ओर्त ओर्तोरिन रिझाब'आ अरा ओर्त ओर्तोरिन परदा गे संगरा नना।

1 थेस्‍सलोनिकॆयर 5:14

अना भईरो, ऎम निमन गोहरारदम, लंडी र'अनर आरिन चेताब'आ। हेन्‍दवारका आलर गे डिढ चि'आ। पयहारिन सम्ड़ह'आ। ओर्मर गने सह'आ ती र'आ।

2 थेस्‍सलोनिकॆयर 2:17

आस निम्‍है जियन डिढ नन्‍दस अरा निमन उर्मी दौ नलख नू अरा ब'अना नू बड़ियर नन्‍दस नेक‍अन।