कोलोस्से 4:5 - पुना गच्छरना NT (BSI)

⁵ नॆ पत्त'ऊ मलनर आर गने लुरगर गने ओक्‍का इज'आ, अरा उर्मी मोका आबोन दौ गने बउर'आ।

कोलोस्से 4:5 ပူးပေါင်းရင်းမြစ်များ

मत्तायोस 10:16

ऎरा! कला, ऎन निमन भेंडो लेक्‍खा भुसुड़ गुट्ठी ही मझी नू त‍इय्‍दन। औंगे नेर्रे गुट्ठी लेक्‍खा लूरगर अरा पेरवाँ गुट्ठी लेक्‍खा लुद‍ऊ मना।

मरकुस 4:11

आस आरिन बाचस, “धर्मेस आलर ही उज्‍जना नू राजी नन्ना ही पत्त नू आलर मुन्‍द मल बुझ्रर। ऎन निमा गे अदन अख़'आ गे अरा बुझुर'आ गे नन्‍दन। लिकिन नॆ तम्है उज्‍जनन धर्मेसिन राजी नना मल चि'अनर आर गे ऎन उर्मी कत्‍थन जोक्‍खा ख़ीरी रूपे लेका ब'अदन।

रोमी 16:19

निम्‍है मनना ही पत्त ओर्मा आलर नू बीड़रकी किरकी र'ई, औंगे ऎम निम्‍है पत्त नू रिझ्रदन। लिकिन ऎन बेद्ददन का नीम दौ गे लूरगर अरा मलदौ गे भ‍कुवा मना।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

1 थेस्‍सलोनिकॆयर 4:12

तहाँ निम्‍है उज्‍जना ती सौंसार ता आलर ती मईन ख़क्‍ख्र'ओ, लिकिन निमा निम्‍है चाड़ गे आरिन असरा नन्‍ना ती उज्‍जना मल्‍ला।

1 तीमोथियुस 3:7

आस सौंसरिहर नू हूँ बॆस नामे ख़क्ख्रका आलस मन्ना र'ई। औंगे आस निन्‍दा ख़क्‍ख्रकी सैतान ही फंदा नू मल खत्र'ओस।

याकॊब 1:5

निम्‍है ती एकअम ओर्तस लूर नू खंग्रका र'अदस होले, आस धर्मेस गुसले ने'अना र'ई। ख़ने आद आस गे चीतार'ओ। धर्मेस बिगर केबर'अरकी ओर्मर गे हरकट ती बग्गे ती बग्गे चि'ऊ र'अदस।

याकॊब 3:13

निम्है मझी नू नॆ लूरगर अरा बुझुर'ऊ र'अदस? आस तंग्है दौ उज्जना ओक्कना ती अदन ऎद्ददस नेकअन। अरा अदन लूर ती बरना लुदऊ मन्ना ती तंग्है दौ नलख गुट्ठिन नन्दस ऎद्ददस नेकअन।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

1 पतरस 3:1

अन्नेम अना मुक्‍कारो! नीम हूँ तम्है तम्‍है मॆतर ही आकुस नू र'आ। होले आर ती नेकईम धर्मेसी कत्थन मल पत्त'उर र'अना ती हूँ, नीम आर गे धर्मेसी पत्त नू तेंगना ती मला लिकिन नीम निम्है दौ उज्‍जना ओक्‍कना ती आरिन धर्मेस तरा किर्रत'आ ओंगोर दने।