कोलोस्से 4:2 - पुना गच्छरना NT (BSI)

² गोहरारतेम र'आ, अरा धर्मेस गे धन्‍यवाद नना ती गोहरारना नू एज्रका र'आ।

कोलोस्से 4:2 ပူးပေါင်းရင်းမြစ်များ

मत्तायोस 26:41

ऎन एन्‍देर बाचकन अदिन नीम नना गे गा बेद्ददर, लिकिन अदिन नन्‍ना बेसे निमा सवंग मलकी। औंगे एज्रका र'आ अरा बिन्‍ती नना का निम्‍है बिड़दो नू इन्द्रिइम बर'ओ होले नीम छेक'आ ओंगोर।”

मरकुस 13:33

नीम एंग्‍है बरना बेड़न बलदर, औंगे नीम एंग्‍है बरना ही पाब ऎरना नू सपड़ारका र'आ।

लू‍कस 18:1

येसुस तंग्‍है चेलर गे मल हेन्‍दवारना ती सगरोम गोहरारते र'अना र'ई इदन तेंगा गे ई जोक्‍खा ख़ीरिन तिंगियस।

लू‍कस 21:36

औंगे उर्मी बेड़ा एज्रका र'आ। अरा गोहरार'आ का बर'ऊ अबड़ा जम्मा खिलपत ती बछर'आ गे सवंग अरा मनवा ख़द्दन एंग्हा मुन्‍दहारे इजना जॊगे मन्‍दर नेक‍अन।”

त‍इरकर 1:14

इबड़ा ओर्मर अरा जोक्‍क मुक्‍कर येसुसी तंग्यो मरियम, अरा आसी भ‍इय्योर गने ओन जिया मंजर ती गोहरारना अरा ने'अना नू र'आलियर।

रोमी 12:12

असरा नू खुसमार'आ, खिलपत नू सहनुम र'आ, गोहरारना नू बोथ्रका र'आ।

इफेसुस 6:18

उर्मी बारी उर्मी रकम ही गोहरारना अरा ने'अना ती नेम्हा बॊलतस नू गोहरार'आ। अरा इदन जिया नू उइय्यरकी एज्रका र'आ। अरा सगरो उर्मी नेम्‍हा आलर गे गोहरारनुम र'आ।

फिलिप्‍पी 4:6

एन्‍देर कत्‍था गे हूँ अमा घोख'आ। लिकिन उर्मी कत्‍था नू निम्‍है ने'अना, गोहरारना अरा जलिय'अना ती धन्‍यवाद गने धर्मेसी मुन्दहारे अंड़सी नेक'आ।

कोलोस्से 1:9

औंगे ऎम निम्है पत्त नू मेंजका उल्ला ती ऎम निमा गे गोहरारनन मल अम्‍बदम। अरा नीम नेम्हा बॊलतासी उर्मी लूर अरा ओर्खना गने धर्मेसी मने अबोन अ‍ख़ना ही लूर ती नीदा गे ऎम धर्मेस ती ने'अदम।

कोलोस्से 2:7

अरा नीम आस नुम पादा हॆंरनुम अरा परदनुम कला, अरा एकासे निमन सिखाबाचका र'ई अन्नेम पत्त'अना नू बड़ियर मन्नुम कला, अरा धर्मेस गे बग्‍गे ती बग्‍गे धन्‍यवाद नन्नुम कला।

कोलोस्से 3:15

मसीसी सान्‍ति निम्‍है जिया नू राजी ननी नेकअन। एन्देरगेका ई सान्ति गेम नीम ओन्‍टा मॆद ही बग्गे अंग लेक्खा मॆख़्रकादर। अरा नीम धन्‍यवाद चि'ऊ मना।

कोलोस्से 3:17

अरा कत्‍था ती मलता नलख ती इन्द्रिइम ननोर, उर्मिन उर्बा येसुसी नामे ती नना, अरा आसी तरतिम धर्मे बंगासी धन्‍यवाद नन्नुम अबड़न नना।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।