कोलोस्से 4:15 - पुना गच्छरना NT (BSI)

¹⁵ लवोदिकेया नगरे ता पत्त'ऊ भईर गे अरा नुम्‍फा अरा अदही एड़पा नू ख़ॊंड़रना कलीसिया गे एंग्है मोंजरा।

कोलोस्से 4:15 ပူးပေါင်းရင်းမြစ်များ

रोमी 16:5

आर ही एड़पा ता कलीसिया गे हूँ एंग्‍है मोंजरा। एंग्‍है बॆस संगेस एपैनेतोस गे मोंजरा एकास आसिया राजी नू मसीस गे पहिल पत्त'ऊ आलस रहचस।

1 कोरिन्‍थ 16:9

एन्‍देरगेका एंगा गे इसन ओन्‍टा कोड़हे नलख गे ओन्‍टा कोहाँ बली तिसगिरकी र'ई, लिकिन अइय्या छेंका ओरदू आलर हूँ बग्‍गेर र'अनर।

कोलोस्से 2:1

निमा गे अरा लवोदिकेया नगरे ता कलीसिया गे अरा एंगन मल ईरका अउर नन्ना ओर्मा पत्त'ऊ आलर गे ऎन एका कोड़हे चिहुट नन्दन एन्ने नीम अख़'आ गे ऎन बेद्ददन।

कोलोस्से 4:13

आस निमा गे अरा लवोदिकेया अरा हिएरापोलिस नगरे गुट्ठी नू र'ऊ पत्त'उर गे कोड़हे नलख नंजस, इदही ऎन गोवाह हिकदन।

कोलोस्से 4:16

अरा ई चिठिन निम्‍है गुसन पढ़के, अरा अदही ख़ॊख़ा इदिन लवोदिकेया ता कलीसिया नू हूँ पढ़त'अके। अन्नेम लवोदिकेया ता कलीसिया गे एंग्हा लिखचका चिठिन हूँ नीम पढ़के।

फिलॆमॊन 1:2

अरा नम्है गने पत्त'ऊ बहिन अपफिया, अरा मसीसी सुसर नलख नू सैनस लेक्खा नम्है संगे भईस अर्ख़िप्पोस गे, अरा निंग्है एड़पा नू ख़ॊंड़र'ऊ कलीसिया गे हूँ ऎम ई चिठिन लिखदम।