कोलोस्से 4:10 - पुना गच्छरना NT (BSI)

¹⁰ अरिस्‍तरख़ोस नॆ एंग्‍है गने जेहेल नू हॆंरकादस, आस निमा गे मोंजरा नन्दस। अरा मरकुस नॆ बरनबासी अंड़सका भई मन्दस, आस निमा गे मोंजरा नन्दस। मरकुसी पत्त नू नीम मुन्द दिम पॆसका ख़क्‍खका रहचकर, आस निम्है गुसन बर'ओस होले, नीम आसिन परघ'अके।

कोलोस्से 4:10 ပူးပေါင်းရင်းမြစ်များ

त‍इरकर 12:12

इदिन अक्‍खस ती आस मरकुस बारना यॊहनसी तंगियो मरियम ही एड़पा बरचस। असन बग्‍गे आलर ख़ॊंड़रर ती गोहरार'आ लगियर।

त‍इरकर 12:25

बरनबास अरा स‍उलस तम्‍है नलखन मुंजियर अरा येरुसलॆम ती किर्रियर। अरा तम्‍है गने मरकुस बारना यॊहनसिन ओन्‍द्रर बरचर।

त‍इरकर 13:13

अक्‍कु पौलुस अरा आसी संगेर कोहाँ डोंगा ती पाफोस ती पम्‍फुलिया ता पेरगॆ नगरे बरचर। असन यॊहन मरकुस आरिन अम्‍बियस ती येरुसलॆम किर्रियस।

त‍इरकर 13:5

अरा आर सलामिस नगरे अंड़सियर ती यहूदीर ही गोड़हा एड़पा गुट्ठी नू धर्मेसी कत्‍था तिंगियर। यॊहन मरकुस आर ही गने रहचस ती आर ही सहाड़ा नना लगियस।

त‍इरकर 19:29

अरा सौंसे नगरे नू हुलहुली मंजा केरा। आर पौलुस गने डहरे ऎकना नू संगे मंजका मकेदोनिया ता आलर गायोस अरा अरिस्‍तरख़ोसिन धरचर ती अखड़ा टोंका नू बोंगर।

त‍इरकर 20:4

बेरोया नगरे ता पुर्रोसी तंग्‍दस सॊपत्रोस, अरा थेस्‍सलोनिकॆ नगरे ता अरिस्‍तरख़ोस अरा सेकुन्‍दोस अरा देरबै नगरे ता गायोस अरा तीमोथियुस अरा आसिया ता तुख़िखोस अरा त्रुफिमोस आसी गने केरर।

त‍इरकर 27:2

आसिया देस ही पिंडी पिंडी कालू अद्रमुत्तॆनोस नगरे ती बरचका ओन्‍टा कोहाँ डोंगा रहचा, आद काना बारी रहचा। अइय्या नू ऎम अरगकम। अरा अरिस्‍तरख़ोस नामे थेस्‍सलोनिकॆ नगरे ता ओन्‍टा मकेदोनिया ता आलस एम्‍है गने रहचस।

त‍इरकर 4:36

यॊसॆफस नामे कुप्रियोस टापू ता लेवी गोतोर ता ओर्तोस रहचस, आस गे त‍इरकर बरनबास नामे पिंजकाचर इदही माने “रिझ्रत'ऊ ख़द्दस” हवे।

रोमी 16:2

नीन अदिन उर्बस नू इंझ्र'आ एकासे नेम्‍हा आलर गे म‍ईन नन्ना मनी। अरा एकअम कत्‍था नू अदगे निम्‍है चाड़ मनो, अदही सहाड़ा नना। एन्‍देरगेका आद कुदहा आलर ही अन्नेम एंग्‍है हूँ सहाड़ा नंजकी र'ई।

रोमी 16:7

अन्‍द्रोनिकोस अरा यूनिया नॆ एंग्‍है जातियर हिकनर अरा एंग्‍है गने गुड़ुरका रहचर अरा त‍इरक‍र ती नामे ख़क्ख्रका र'अनर। अरा एंग्है ती मुन्‍द मसीसिन इंझ्रका रहचर, आर गे मोंजरा।

2 तीमोथियुस 4:11

लूकस लेका एंग्‍है गने र'अदस। नीन बर'ओ बारी मरकुसिन निंग्‍है गने ओन्‍द्र‍'आ, एन्‍देरगेका आस एंग्‍है इसला नलख नू संगरा नना ओंगोस।

फिलॆमॊन 1:23

मसी येसुसी पत्त ता दौ कत्थन तेंगना ही चड्डे एंग्है गने जेहेल नू गुड़रका र'ऊ एपाफ्रास निंगन मोंजरा नन्दस।

फिलॆमॊन 1:24

अन्नेम एंग्है गने सुसर नलख ननू मरकुस, अरा अरिस्‍तरख़ोस, अरा दॆमस, अरा लूकस हूँ निंगन मोंजरा नन्नर।

1 पतरस 5:13

निम्है गने चज्जरका र'अना बाबुलॊन ही कलीसिया हूँ निमन मोंजरा ननी। अन्नेम एंग्है ख़द्द लेक्खा चोन्हा ही मरकुस निमन मोंजरा नन्दस।