कोलोस्से 3:25 - पुना गच्छरना NT (BSI)

²⁵ एकास मलदौ नन्दस, आस तंग्है नंजका मलदौ ही लेक्खा ऊजिन ख़क्‍खोस। अरा नॆख'आ हूँ तीना माल ख़ड़ना मल मनी।

कोलोस्से 3:25 ပူးပေါင်းရင်းမြစ်များ

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

लू‍कस 20:21

अबड़ा जोह'ऊ आलर येसुसिन मेंजर, “अना गुरु! ऎम अख़दम का नीन मानिम आबोन ब'अदय अरा सिखाब'अदय, अरा तीना मल ख़ाँड़दय, लिकिन धर्मेसी डहरेन मानिम गने सिखाब'अदय।

त‍इरकर 10:34

पतरस ब'आ हेलरस, “ऎन अक्‍कु बड़ियर लगे बुझ्रकन का धर्मेस नॆकन हूँ तीना मल ख़ाँड़दस।

रोमी 2:11

एन्‍देरगेका धर्मेस नॆख'आ तरा हूँ मल मन्‍दस।

2 कोरिन्‍थ 5:10

एन्‍देरगेका नाम ओर्मत मसीसी नेंवई बॆल-गद्दी ही मुन्दहारे इज्जना मनो। ख़ने नाम ओर्त ओर्त कया नू र'अना बेड़ा नंजका दौ मलता मलदौ ही ऊजिन ख़क्‍खोत।

इफेसुस 6:8

एन्‍देरगेका नीम अख़दर का नेकईम बिट्ठी ननू जॊंख़ महले छछिन्द र'अस, तंग्है तंग्है नन्ना दौ नलख ही लेक्खा उर्बस ती इनामन ख़क्खोस।

इफेसुस 6:9

अना उर्बारो, नीम हूँ घुड़कानन अम्‍बरकी आर ही गने अन्नेम नना, एन्‍देरगेका नीम अख़दर का आर अरा नीम इरबर ही उर्बस मेर्ख़ा नू र'अदस, अरा आस नॆकन हूँ तीना मल ख़ाँड़दस।

कोलोस्से 4:1

अना उर्बारो, निमा गे हूँ मेर्ख़ा नू ओन्टा उर्बस र'अदस एन्ने अख़'अरकी नीम निम्है बिट्ठी ननू जॊंख़र गे एन्देर एन्देर ठौका अरा बॆस र'ई अदिन चि'आ हो'आ।

1 थेस्‍सलोनिकॆयर 4:6

इबड़ा कत्‍था गुट्ठी ती नॆ हूँ तंग्‍है भईरिन अरा ताक अम्‍बोर ऎरा अरा अम्‍बोर ठक'आ। एन्‍देरगेका उर्बस इबड़ा उर्मी कत्‍थन ननुर गे दंडे चि'ऊ र'अदस। ई पत्त नू ऎम मुन्‍द तिम आनका अरा तिगाबाचका चिच्का रहचकम।

2 थेस्‍सलोनिकॆयर 1:6

धर्मेस उजगो र'अदस का आस नॆ निमन सस्‍ती नन्‍नर आर गे सस्‍ती चि'ओस।

फिलॆमॊन 1:18

लिकिन आस निंगा गे इन्द्रिइम मलदौ नंजकादस महले आस निंगा इन्द्रिइम नहड़ा चि'अना र'ई होले, अदिन एंग्‍है नामे नू लिख'आ उइय्या।

इब्रानी 2:2

एन्‍देरगेका एका कत्‍था मेर्ख़ा पैकर ती बातारकी रहचा आद मानिम बन्चकी रहचा, अरा एका ओर्तर अदिन मल नंजर अरा मल पॆस्रर आर गे ठौका दंडे ख़क्‍खरा।

1 पतरस 1:17

अरा बिगर तीना ख़ाँड़ना ती उर्मी आलारिन अपन अपन नंजका नलख ही लेक्खा नेंवई ननू मेर्ख़ा बंगासिन नीम गोहरारदर। औंगे इसन ख़ॆख़ेल नू नीम जोक्क उल्ला गे र'उर लेक्खा उज्जना बेड़ा गूटी इल्चका अरा कोड़हे मईन गने उज्जा ऎका।

यहूदा 1:16

ईर कुटमुटर'ऊ हिकनर, अरा नन्नर ही मइय्याँ गुन्हा बिद्दू हिकनर। अरा आर तम्है मलदौ चिबाख़ारना ही लेक्खम ऎकनर। अरा आर तम्है पत्त नू फुलई ही कत्थन मन्नर। अरा आर तम्है फयदा गे नन्नारिन हक'आ कुद्दनर।