कोलोस्से 3:24 - पुना गच्छरना NT (BSI)

²⁴ एन्‍देरगेका नीम उर्बा मसीस गे सुसर नन्दर, नीम अख़दर का इदही इनाम बेसे नीम उर्बस ती आसीस आबोन ख़क्खोर।

कोलोस्से 3:24 ပူးပေါင်းရင်းမြစ်များ

मत्तायोस 10:41

एकास धर्मेसी कत्‍था तिंगुसिन धर्मेसी कत्‍था तिंगुस ब'अरकी आसिन इंझ्रदस, आस धर्मेसी कत्था तिंगुर ही लेक्‍खा मूल्‍लीन ख़क्‍खोस। अरा एकास उजगो आलासिन उजगो आलस ब'अरकी आसिन इंझ्रदस आस उजगो आलस लेक्‍खा मूल्‍लीन ख़क्‍खोस।

मत्तायोस 5:12

औंगे नीम रिझ्रके, रिरयारके, एन्‍देरगेका निमा गे मेर्ख़ा नू कोहाँ इन‍म र'ई। अरा सुरता नाना का चिरान ता धर्मेसी कत्‍था तिंगुरिन हूँ आर एन्नेम खिलपत नंजका रहचर।

मत्तायोस 5:46

नीम निम्‍है गने चोन्‍हा ननुर ती लेका नीम चोन्‍हा नन्‍दर होले धर्मेस ती एन्‍देर इनाम ख़क्‍ख'ओर? मालगुजारी ऊज'उर हूँ एन्नेम अदिन नन्नर।

मत्तायोस 6:16

नीम उपास ननो बारी उतुरमाड़ुर लेक्‍खा मुहिन हेन्दव'अके ती उपास अमके नना। आर तम्‍है मुहिन मड़ख़नर चि'अनर, एकत्रु आलर अख़'ओर का आर उपास र'अनर। ऎन निमन मानिमन ब'अदन का आर तम्‍है आसीस ख़क्‍खा ख़च्‍चियर।

मत्तायोस 6:5

एकाबारी नीम गोहरारदर, उतुरमाड़ुर लेक्‍खा अमके गोहरार'आ। आर गा गोड़हा एड़पा नू अरा दोप्‍फा डहरे नू इजनर ती गोहरार'आ गे पत्तारनर, होले आलर आरिन ऎरोर। ऎन निमन मानिमन ब'अदन, आर गे तम्‍है इनाम ख़क्‍ख्र'आ ख़च्‍चिया।

लू‍कस 14:14

एन्‍देरगेका आर निंगा गे मल किर्रत'ओर, होले नीन आसीस ख़क्‍खोय। लिकिन उजगो आलर ही उज्‍जा चो'अना उल्‍ला नू नीन आसीस ख़क्‍खोय अरा निंगा किर्रतार'ओ।”

लू‍कस 6:35

औंगे अपन बैरीरिन चोन्‍हा नना अरा आर गे दौ नना। अरा ख़क्‍खना ही असरा मल ननरकी नहड़ा चि'आ। होले निमा गे बग्‍गे इनाम ख़क्‍ख्र'ओ, अरा नीम उर्मी ती मेच्‍छा नू र'ऊ धर्मेसी ख़द्दर लेक्‍खा मनोर। सुरता ननके का धर्मेस गा धन्‍यबाद मल नन्नुर अरा मलदौ आलर मइय्याँ हूँ सोग्‍गे ऎरदस।

यॊहनस 12:26

नॆ एंगन सुस्र'आ बेद्ददस आस एंग्‍है गने चॊंख़्रदस नेकअन, अरा एसन ऎन र'ओन असन एंग्‍है जॊंख़स हूँ र'ओस। नॆ एंगन सुस्र'अदस, आसिन एम्‍बस मईन ननोस।

त‍इरकर 20:32

अक्‍कु ऎन निमन धर्मेस गे अरा आसी मया ही कत्‍था नू अम्‍बदन, आद निमन परद'आ उंगी, अरा धर्मेस नेम्‍हा मंजका उर्मी आलर नू मेस्र'अरकी आसीस चि'आ उंगी।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

रोमी 14:18

एका ओर्तस ई लेक्‍खा मसीसी तेतर-सुसर नन्‍दस, आस धर्मेसिन रिझाब'अदस अरा आलर आसिन सहरारनर।

1 कोरिन्‍थ 11:23

एन्‍देरगेका ऎन ई कत्‍थन उर्बस ती ख़क्‍खन, अरा ऎन इदन निमा गे हूँ अंड़सताचकन। उर्बा येसुस एका माख़ा पिटर'आ गे धरतारस, आस असमन होच्‍चस,

1 कोरिन्‍थ 3:8

इद'उस अरा अम्म टेड़'उस इरबर ही मूल्‍ली ओन्‍टा दिम र'ई। आर ओर्त ओर्त तंग्‍‍हा तंग्‍हा अर्ज'अना लेक्‍खा बनी ख़क्‍खोर।

1 कोरिन्‍थ 7:22

एन्‍देरगेका ओर्तस उर्बासी मॆख़ना बेड़ा नू बिट्ठी ननू जॊंख़ रहचस होले, आस उर्बस नू छछिन्‍द आल मन्‍दस। अन्नेम ओर्तस उर्बासी मॆख़ना बेड़ा नू छछिन्‍द रहचस होले, आस मसीसी बिट्ठी ननू जॊंख़ मन्‍दस।

गलातिया 1:10

अक्‍कु ऎन नॆख'आ सोग्‍गे ख़क्‍खा बेद्ददन आलर ही मलता धर्मेसी? महले ऎन आलारिन रिझाब'आ बेद्ददन का? ऎन आलारिन रिझाब'आ बेद्दना होले, मसीसी जॊंख़ मल र'ओन दने।

इफेसुस 6:6

आरिन पत्तारत'आ गे लेका आर ही ऎरना नू लेका अन्ने मल पॆस्र'अरकी, निम्है उर्मी जिया गने धर्मेसी चिताबुतन ननू मसीसी जॊंख़र लेक्‍खा पॆस्र'आ।

इफेसुस 6:8

एन्‍देरगेका नीम अख़दर का नेकईम बिट्ठी ननू जॊंख़ महले छछिन्द र'अस, तंग्है तंग्है नन्ना दौ नलख ही लेक्खा उर्बस ती इनामन ख़क्खोस।

कोलोस्से 2:18

नॆ हूँ निमन ठकना लुदऊ नू अरा मेर्ख़ा पैकारिन ओहमा मन्ना नू मन्दस ती नीम निम्है इनाम आबोन मल ख़क्खना ही जॊगे मना गे अड्डा अमा चि'आ। ई लेक्खा आलस तंग्है ईरका देखार ही पत्त नू बग्गे बुझुरत'अदस। बॊलता ही सुबहा मलका आसी जिया अनभनियाँ सोच ती फुलई मनी।

इब्रानी 10:35

औंगे नीम उर्बस नू र'ऊ निम्‍है बड़ियर असरा आबोन अमा अम्‍बा, आद निमा गे कोड़हे ख़ंजपन उन्‍द्र'ई।

इब्रानी 11:6

बिगर पत्त'अना ती धर्मेसिन नॆ हूँ इकला हूँ रिझ्रत'आ पोल्‍लोर। एन्‍देरगेका धर्मेस गुसन बरना आलर पत्त'अना र'ई का धर्मेस र'अस अरा आस तंगन बिद्दू आलर गे इनाम चि'ओस।

इब्रानी 9:15

मसीस दिम पुना गच्‍छरना ही धर्मेस अरा आलर ही मझी आलस र'अस, औंगे धर्मेस ती मॆख़्रका आलर ओर्मर आसी गच्‍छरका जनमजुग आसीस आबोन ख़क्‍खा ओंगनर। एन्‍देरगेका आलर मुन्‍द ता गच्‍छरना ही बेड़ा नू नंजका पाप गुट्ठी ती आरिन अम्‍बत'आ गे मसीस केच्‍चस।

1 पतरस 1:4

इदही गने धर्मेस निमा गे ओन्टा कोड़हे आसीसन मेर्ख़ा नू उइय्कादस। आद इकला हूँ मल नठार'ई अरा सोतरा मल मनी अरा मल चड़मी।

2 पतरस 1:1

ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।

यहूदा 1:1

येसु मसीसी जॊंख़ अरा याकॊबसी भईस ऎन यहूदा, धर्मे बंगासी दुलार अरा येसु मसीसी ख़ापना नू र'ऊ धर्मेस ती मॆख़्रका आलर गे ई चिठिन लिखदन।