कोलोस्से 3:23 - पुना गच्छरना NT (BSI)

²³ इन्द्रिइम हूँ नीम नन्दर, अदन आलर गे नन्ना बेसे मला उर्बा येसुस गे नन्ना बेसे सौंसे जिया कया ती नना।

कोलोस्से 3:23 ပူးပေါင်းရင်းမြစ်များ

मत्तायोस 6:16

नीम उपास ननो बारी उतुरमाड़ुर लेक्‍खा मुहिन हेन्दव'अके ती उपास अमके नना। आर तम्‍है मुहिन मड़ख़नर चि'अनर, एकत्रु आलर अख़'ओर का आर उपास र'अनर। ऎन निमन मानिमन ब'अदन का आर तम्‍है आसीस ख़क्‍खा ख़च्‍चियर।

रोमी 14:6

एका ओर्तस एका उल्‍लन नन्ना उल्‍ला ती बॆस मनदस आस उर्बस गे मनदस। अरा एका ओर्तस उर्मी ओन्ना-मॊख़नन ओन्दस मॊख़दस आस उर्बस गे इदिन नन्‍दस, एन्‍देरगेका आस धर्मेसी धन्‍यवाद नन्दस। अरा एकास मल ओन्दस मॊख़दस आस उर्बस गे इदिन नन्‍दस। अरा आस धर्मेसी धन्‍यवाद नन्‍दस।

रोमी 14:8

नाम उज्‍जा लगदत होले उर्बस गे उज्‍जा लगदत, अरा नाम खे'अदत होले उर्बस गे खे'अदत। औंगे नाम उज्‍जदत मलता खे'अदत नाम उर्बासी दिम हिकदत।

इफेसुस 5:22

अना मुक्‍कारो, नीम एकासे निमन उर्बासी तबे नू चिच्का र'अदर, अन्नेम नीम निमन तम्है तम्है मॆतासी तबे नू चि'आ।

कोलोस्से 3:17

अरा कत्‍था ती मलता नलख ती इन्द्रिइम ननोर, उर्मिन उर्बा येसुसी नामे ती नना, अरा आसी तरतिम धर्मे बंगासी धन्‍यवाद नन्नुम अबड़न नना।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 2:13

नीम उर्बासी पॆसकन पॆस्र'उर र'अना ती आलर गे चीरका ओन्टे ओन्टे अदिया ही तबे नू र'आ। उर्मी ती कोड़हे अदिया उइय्यू बॆलस गे,

1 पतरस 2:15

एन्देरगेका नीम निम्‍है दौ नलख ती लूर मलका आलर ही मलदौ कत्‍था कछनख्रनन मुढ़'आ गे धर्मेस बेद्ददस।