कोलोस्से 3:20 - पुना गच्छरना NT (BSI)

²⁰ अना ख़द्दारो, उर्मी कत्‍था नू तम्है तम्है अयंग बंगर ही पॆसकन मेना, एन्‍देरगेका ईद उर्बस गे दौ लग्‍गी।

कोलोस्से 3:20 ပူးပေါင်းရင်းမြစ်များ

मत्तायोस 19:19

तंग्‍है अयंग बंगन मईन नना, अरा तंग्‍है अरबर-परबर गने तंग्‍है लेक्‍खा चोन्‍हा नना।”

इफेसुस 5:24

अरा कलीसिया एकासे तंगन मसीसी तबे नू चिच्की र'ई, अन्नेम मुक्‍कर हूँ उर्मी कत्‍था नू तमन तम्है तम्है मॆतासी तबे नू चि'अना र'ई।

फिलिप्‍पी 4:18

ऎन नीम तइय्का उर्मिन ख़क्खकन, ईद एंग्है चाड़ ती बग्गे र'ई। नीम एपाफ्रोदितोस ती तइय्का इनाम गुट्ठिन ख़क्‍खकन ती ऎन उड़चकन केरकादन। आद गा महकारना दान अरा इंझ्रना जॊगे दाँड़े बेसे हवे, एकदा धर्मेस गे दौ लग्‍गी।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 3:22

अना बिट्ठी ननू जॊंख़ारो, निम्है ई ख़ॆख़ेल ता उर्बर गे उर्मी कत्था नू पॆस्र'आ। आरिन पत्तारत'आ गे लेका आर ही ऎरना नू लेका मला, लिकिन उजगो जिया ती उर्बा येसुसिन मईन नन्ना ती आरहिन पॆस्र'आ।

तीतुस 2:9

बिट्ठी ननू जॊंख़ारिन ब'आ का आर गे सगरो तम्‍है उर्बर ही उर्मी कत्‍था नू गदन'ऊ मन्‍ना र'ई, अरा आरिन खुसमारत'अना र'ई। अरा आरिन अम्‍बोर किर्रा बिड़द'आ।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।