कोलोस्से 3:13 - पुना गच्छरना NT (BSI)

¹³ अरा नीम ओर्त ओर्तोरिन सह'आ। अरा ओर्तोसी बिड़दो नू निमा गे इन्द्रिइम नालिस र'ई होले, अदिन आस गे छमा नना। उर्बस निमा गे छमा नंजका लेक्खा नीम हूँ ओर्त ओर्तारिन छमा नना।

कोलोस्से 3:13 ပူးပေါင်းရင်းမြစ်များ

मत्तायोस 5:44

लिकिन ऎन निमन ब'अदन, ‘निम्‍है बैरीरिन चोन्‍हा नना, अरा निम्‍है भख'उर गे बिन्‍ती नना।

मत्तायोस 6:12

अरा एकासे ऎम एम्‍है उर्मी अक्‍का-बलकारिन अम्‍बदम चि'अदम अन्नेम एम्‍है अक्‍का-बलकन हूँ अम्‍बा चि'आ।

मरकुस 11:25

इकल‍अम नीम बिन्‍ती नन्‍दर होले, निम्‍है जिया नू नॆख‍अम बिड़दो नू आर ही इन्द्रिइम अक्‍का-बलका र'ई होले आसिन छमा नना, होले निम्‍है मेर्ख़ा ता बंगस हूँ अन्नेम निम्‍है अक्‍का-बलकन छमा ननोस।

लू‍कस 11:4

अरा एकासे ऎम एम्‍है उर्मी अक्‍का-बलकारिन अम्‍बदम चि'अदम अन्ने एम्‍है अक्‍का-बलकन अम्‍बा चि'आ, अरा एमन पाप नन्ना ही चिबाख़ारना नू खतर'आ अमा चि'आ।’”

लू‍कस 23:34

[ख़ने येसुस बाचस, “अना बबा, ईरिन छमा नना, ईर गा एन्‍देर नन्नर अदिन बलनर।”] अरा सैनर चिठी टिड्डर ती आसी किचरी गुट्ठिन ख़ट्टरर।

रोमी 15:7

औंगे एकासे मसीस निमन इंझ्रकादस अन्नेम नीम अपन ती नन्नारिन इंझ्र'आ। इत्रु ती धर्मेसी म‍ईन मनो।

2 कोरिन्‍थ 2:10

अक्‍कुन नीम नॆकन इन्द्रिइम छमा नन्‍दर, आसिन ऎन हूँ छमा नन्‍दन। ऎन छमा नना गे इन्द्रिइम र'ई होले, अदिन ऎन निम्‍है चड्डे मसीसी मुन्‍दहारे छमा नंजकादन।

2 कोरिन्‍थ 6:6

नेम्हा र'अना नू, लूर नू, सहना नू, सोग्गे ऎरना नू, नेम्‍हा बॊलतस एम्है नू र'अना नू, मानी चोन्‍हा नू,

गलातिया 6:2

एन्ने ओत्‍था चिरखीन चेड़'आ गे ओर्त ओर्त ही सहाड़ा नना। अरा एन्ने नन्‍दर होले, मसीसी पॆसका आबोन नन्‍दर।

इफेसुस 4:2

नीम सगरो निमन सन्नी नना ती लुदऊ गने अरा खतिर मन्ना ती र'आ, अरा ओर्त ओर्तोरिन सहना ती चोन्‍हा गने ऎका।

इफेसुस 4:32

अरा ओर्त ओर्तारिन मया नना अरा सोग्गे ऎरा। अरा एकासे धर्मेस मसीसी चड्डे निम्‍है अक्‍का-बलकन छमा नंजस, अन्नेम नीम हूँ ओर्त ओर्तारिन छमा नना।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

याकॊब 2:13

एन्देरगेका नॆ सोग्‍गे मल ईरियस, आसी नेंवई बेगर सोग्‍गे गने मनो। नॆ नन्नर मइय्याँ सोग्‍गे ऎरदस, आस नेंवई उल्ला गे मल एलच्दस।

1 पतरस 2:21

इदगेम नीम मॆंख्रका हूँ र'अदर। एन्‍देरगेका मसीस हूँ निमा गे सस्‍ती सारचस ती नीम आसी उज्जना ओक्कना लेक्‍खा उज्जा ऎका गे निमा गे ओन्टा चिन्हा आबोन अम्बका केरकादस।