कोलोस्से 3:10 - पुना गच्छरना NT (BSI)

¹⁰ अरा निमन गढ़'उसी रूपे लेक्‍खा आसी पत्त नू ठौका गने अख़'आ गे नीम पुना मंजका पुना आल सुबहन अत्तकादर।

कोलोस्से 3:10 ပူးပေါင်းရင်းမြစ်များ

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

रोमी 13:12

माख़ा नगदे किर्रिम बिच्‍चकी र'ई अरा बिज्‍जना ही बेड़ा र'ई। औंगे नाम ऊख़ा ही नलख गुट्ठी अम्‍बरकी उजगो उज्‍जना गे बिल्‍ली ही कमहड़ आबोन भिड़'आ।

रोमी 13:14

लिकिन उर्बस येसु मसीसिन अत्ता हो'आ, अरा पाप मॆद सुबहा गुट्ठी ही चिबाख़ारनन पूरा नन्ना ही सोच आबोन अम्‍बा चि'आ।

रोमी 6:4

इकला नाम नॊड़रकत नाम मसीस गने माड़रकत अरा आसी खे'अना नू मेसरकत। होले एकासे मसीस बंगासी महबा ती निन्‍द्रका कोड़हे सवंग ती केचका ती उज्‍जा चॊचस, अन्नेम नाम हूँ ओन्टा पुना उज्‍जना उज्‍जा ओंग्‍दत।

रोमी 8:29

धर्मेस आरिन हुल्‍लु तिम अक्‍खस, अरा आस आरिन तंग्‍है ख़द्द बेसे मना गे ओट्‍‍टा ओकताचस। होले येसुस बग्‍गे भ‍ई बहिनर नू जेट्ठा मना ओंगोस।

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

2 कोरिन्‍थ 4:16

औंगे ऎम पछली मल किर्दम। बहरी ता एम्‍है मॆद गा खे'आली, लिकिन भितरी ता एम्है बॊलता उल्‍लन ती पत्ती पुना मन्नुम क'ई।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

गलातिया 3:27

निम्‍है ती नॆ नॆ मसी नू नॊड़रकानर, अबड़र तम्‍है उज्‍जना नू मसीसिन ऎदनर।

गलातिया 6:15

नाम खतना मंजकत महले मल मंजकत, ईद मुध मला। लिकिन नमा पुना आल मन्ना ईद मुध र'ई।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 2:15

अरा यहूदी नॆगन अदही पॆसका अरा नेगचार गुट्ठी गने मेटचस चिच्‍चस। ई लेक्खम आस यहूदीरिन अरा नन-यहूदीरिन तंग्‍है नू मेसाबाचस ती ओन्टा पुना आल खोंड़हा गढ़चस ती कोड़े ओन्द्रस।

कोलोस्से 3:12

औंगे नीम धर्मेसी चाजरका आलर लेक्‍खा, नेम्‍हा अरा दुलार र'अना ती, नीम कोड़हे सोग्गेन अरा दया आबोन अरा लुदऊ मन्नन अरा नर्मियाँ आबोन अरा खतिर मन्नन अत्ता।

कोलोस्से 3:14

अरा इबड़ा उर्मी दौ गुन्न ती कोड़हे, चोन्‍हा आबोन अत्ता। आदिम अबड़ा उर्मिन बड़ियर ओन्टेम मन्ना नू हें'अरकी उइय्की र'ई।

फिलॆमॊन 1:6

अरा निंग्है पत्त'अनन नन्नर ही गने ख़ट्टना नू कोड़हे बड़ियर गने र'आ गे ऎन गोहरारदन। इत्रु तिम मसी येसुस नू नम्हा ख़क्खका उर्मी दौ ही पत्त नू नीन उर्मिन बुझुर'ओय।

इब्रानी 6:6

आर बेहड़ार'ओर क'ओर होले, आरिन अउरिम जिया किर्त'अना नू ओन्‍द्र'आ पोल्‍लो दिम हिके। एन्‍देरगेका आर धर्मेसी ख़द्दासिन तमा गे अउरिम क्रुस नू अरग'अनर अरा आलर ही मुन्‍दहारे आसिन लज्‍जे मॊख़त'अनर।

1 यॊहन 2:3

नाम धर्मेसी पॆसका गुट्ठिन पॆस्र'ओत होले, अत्रु नाम अक्ख ख़च्चोत का नाम आसिन अक्ख ख़च्चिका र'अदत।

1 यॊहन 2:5

लिकिन एकास धर्मेसी कत्थन पॆस्रदस ती उज्जदस, आस ऎद्ददस का धर्मेस आसिन मानिम अरा बड़ियर लगे चोन्हा नन्दस। नाम धर्मेस नू र'अदत एन्ने ईद ती अख़दत।

दहदर मंजका कत्‍था 21:5

फेन बॆल-गदिया नू उक्‍काचस आस बाचस, “ऎरा, ऎन उर्मिन पुना नन्दन चि'अदन।” फेन आस बाचस, “इदन लिख'आ, इवंगेका इबड़ा कत्था गुट्ठी पत्त'अना जॊगे अरा मानिम र'ई।”