कोलोस्से 2:7 - पुना गच्छरना NT (BSI)

⁷ अरा नीम आस नुम पादा हॆंरनुम अरा परदनुम कला, अरा एकासे निमन सिखाबाचका र'ई अन्नेम पत्त'अना नू बड़ियर मन्नुम कला, अरा धर्मेस गे बग्‍गे ती बग्‍गे धन्‍यवाद नन्नुम कला।

कोलोस्से 2:7 ပူးပေါင်းရင်းမြစ်များ

लू‍कस 6:48

आर आसी बेसे र'अनर का एकास गड्डी अरख़ियस ती चचड़ी नू नेव नंजस ती एड़पा कमदस। बहड़ी बरचा ख़ने आ एड़पा नू लग्‍गिया लिकिन आद अदिन नुक'आ पोल्‍ला। एन्‍देरगेका आद चचड़ी नू नेव कमचका रहचा।

रोमी 16:25

धर्मेस गे ओहमा मनन नेकअन। आस दौ कत्‍था ती निमन पत्त'अना नू बड़ियर नना ओंग्दस, एका कत्‍थन ऎन येसु मसीसी पत्त नू निमन तिंकन। ई कत्‍था ही गम हुल्‍लो ती नूख़्रकी रहचा।

1 कोरिन्‍थ 1:8

धर्मेस निमन मुंजा गूटी पत्त'अना नू बड़ियर उइय्योस। औंगे नीम नम्‍है उर्बस येसु मसीसी किर्रना उल्‍ला नू बिगर बदी ही र'ओर।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 1:21

अक्‍कुन धर्मेस निम्‍है गने एमन हूँ मसीस नू बॆस बड़ियर नन्‍दस, अरा आस नमन खस्‍सकादस।

इफेसुस 3:17

अरा मसीस मइय्याँ ता निम्है पत्त'अना ही चड्डे मसीस निम्‍है जिया नू ओक्करदस नेकअन, अरा नीम चोन्‍हा नू मन्न ही पादा ख़ोड़ख़ा एत्तना लेक्खा मनरकी बन्चका र'अन नेकअन।

इफेसुस 4:21

नीम मानिम नुम आसी पत्त नू मेंजकर। अरा येसुस नू र'ऊ मानी ही लेक्खा आसी पत्त नू नीम सिखाबाचका केरका रहचकर।

इफेसुस 5:20

अरा सगर घड़ी उर्मी कत्‍था गे नम्‍है उर्बस येसु मसीसी नामे ती धर्मे बंगासिन धन्यवाद नना।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 3:17

अरा कत्‍था ती मलता नलख ती इन्द्रिइम ननोर, उर्मिन उर्बा येसुसी नामे ती नना, अरा आसी तरतिम धर्मे बंगासी धन्‍यवाद नन्नुम अबड़न नना।

1 थेस्‍सलोनिकॆयर 5:18

उर्मी दसा नू धन्‍यवाद नना। एन्‍देरगेका निमा गे मसी येसुस नू धर्मेसी मने इदिम र'ई।

2 थेस्‍सलोनिकॆयर 2:17

आस निम्‍है जियन डिढ नन्‍दस अरा निमन उर्मी दौ नलख नू अरा ब'अना नू बड़ियर नन्‍दस नेक‍अन।

इब्रानी 13:15

औंगे नाम येसुस ती धर्मेसी नामेन नम्‍है ब‍ई ती ब'अना ही ओहमा नन्ना ही दाँड़ेन धर्मेस गे सगरो नन्‍ते र'अदत नेक‍अन।

इब्रानी 13:9

कैनो रकम ही नन्ना नन्ना सिखाब'अना ती अमा बेहड़ार'आ। अरा चाल ही ओन्ना-मॊख़ना गुट्ठी ती मला धर्मेसी मया ती नम्‍है जिया बड़ियर मन्ना बॆस हवे। ई चाल ही ओन्ना-मॊख़ना गुट्ठिन मूख़ू आलर गे अबड़ा ती एन्‍द्रा हूँ फयदा मल्‍ला।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

यहूदा 1:12

इबड़ा आलर नीम पत्त'ऊ आलर ख़ॊंड़र'अरकी ओन्ना-मॊख़ना मदी गुट्ठी नू बिगर मईन ती निम्है गने ओन्नर मॊख़नर ती निम्है संगती नू ओक्कनर। ईर समुदर नू मुलख़का चचड़ी लेक्खा नूखरका भयभयान र'अनर। ईर तम्है दौ आबोन लेका बिद्दू हिकनर। ईर बिगर पुंइना बदाली गुट्ठी लेक्खा र'अनर, एकदन ताका उढि'ई हुं'ई। ईर अतख़ा खतरका, बिगर ख़ंजना, केचका, अरा पादा ती चडरका मन्न गुट्ठी लेक्खा र'अनर।

यहूदा 1:20

लिकिन अना दुलारो, नीम गा निम्है कोड़हे नेम्हा पत्त'अना नू निम्है उज्जनन परद'आ, अरा नेम्हा बॊलतस नू गोहरारते र'आ।

यहूदा 1:24

मूड़ना ती निमन ख़ापा उंगू, अरा निमन बिगर बदी ती तंग्है महबा निंदका अड्डा ही मुन्दहारे कोड़हे रिझ गने इजत'आ गे उंगू,