कोलोस्से 2:4 - पुना गच्छरना NT (BSI)

⁴ इदन ऎन निमन इदगे तेंगदन का नीकईम निमन लहर'अना कत्‍था गुट्ठी ती अम्‍बोर ठग'आ।

कोलोस्से 2:4 ပူးပေါင်းရင်းမြစ်များ

मत्तायोस 24:24

एन्‍देरगेका जोक्‍कोर फसक‍ट'ओर ती ‘ऎन मसी हिकदन’ ब'ओर अरा जोक्‍कोर फसकट'ओर ती ‘ऎन धर्मेसी कत्‍था तिंगुस’ ब'ओर। अरा बेड़ाब'आ गे आर कोड़हे चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

मत्तायोस 24:4

अरा येसुस आनाकिर्ताचस, “चिहुंक र'आ, निमन नीक‍ईम अम्‍बोर ठक'आ।

मरकुस 13:22

एन्‍देरगेका जोक्‍कोर फसक‍ट'ओर ती ऎन मसी हिकदन ब'ओर अरा जोक्‍कोर फसकट'ओर ती ऎन धर्मेसी कत्‍था तिंगुर ब'ओर। अरा बेड़ाब'आ गे आर चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

त‍इरकर 20:30

निम्‍है मझी तिम एन्ने आलर चो'ओर ती पत्त'ऊ आलारिन तम्‍है तरा नतगा गे टेंको बोंको कत्‍थन सिखाब'ओर।

1 कोरिन्‍थ 2:4

अरा एंग्‍है ब'अना अरा एंग्‍है तेंगा कुद्दना नू लूर ही लोभाब'अना कत्‍था मल्‍ला, लिकिन‍ नेम्‍हा बॊलतासी सवंग ही ऎदना चि'अना रहचा।

2 कोरिन्‍थ 11:3

लिकिन ऎन एल्‍चदन का एकासे नेर्रद तंग्‍है चतरा ती हवा आबोन भुरियाचा, अन्नेम निम्‍है जिया नू मसीस गे र'अना मानिमन ती अरा मानिम भगती ती नीम बेहड़ार'ओर दने।

गलातिया 2:4

ऎम इबड़ा कत्‍थन इदगे तिंकम का जोक्को ठकवा पत्त'ऊ भईर कलेकसे नम्है मझी नू कोरचकाचर अरा आर मसी येसुस नू नमा ख़क्‍ख्रकी र'ई आ छछिन्‍द आबोन हो'आ गे अरा अत्रु ती नमन मूसासी नॆग ही जॊंख़ कम'आ गे अन्‍थन जॊहना लेक्‍खा बरचका रहचर।

इफेसुस 4:14

होले नाम अक्कु ती खद्दत लेक्खा मल र'ओत, अरा ताका अरा लहरा ती अत्र इत्र मन्ना बेसे नाम आलर ही कसरहा अरा लबरा ती चत्रा चाल ही पुना पुना सिखाब'अना ती अत्र इत्र मल मनोत।

इफेसुस 4:17

औंगे ऎन निमन इदन ब'अदन ती उर्बासी नामे नू निमन चेताब'अदन, नीम अक्‍कु ती नन-यहूदीर ही नन्ना लेक्खा आर ही अनभनियाँ सोच नू अमके उज्जा।

इफेसुस 5:6

नॆ हूँ निमन अयंध'आ कत्था गुट्ठी ती ठग'आ गे अड्डा अमा चि'आ। एन्‍देरगेका इबड़ा नलख चड्डेम धर्मेसी कैर आसिन मल पॆस्र'उर मइय्याँ बर'ई।

कोलोस्से 2:18

नॆ हूँ निमन ठकना लुदऊ नू अरा मेर्ख़ा पैकारिन ओहमा मन्ना नू मन्दस ती नीम निम्है इनाम आबोन मल ख़क्खना ही जॊगे मना गे अड्डा अमा चि'आ। ई लेक्खा आलस तंग्है ईरका देखार ही पत्त नू बग्गे बुझुरत'अदस। बॊलता ही सुबहा मलका आसी जिया अनभनियाँ सोच ती फुलई मनी।

कोलोस्से 2:8

चिहुंक र'आ का नीकईम निमन अनभनियाँ अरा ठगना तत्व लूर ती अम्‍बोर फफड़'आ हो'आ, एकदा पुरखौती अरा ख़ॆख़ेल ता बॊलता गुट्ठी ही सवंग ता सिखाब'अना लेक्‍खा गा र'ई, लिकिन मसीसी लेक्‍खा मलकी।

2 तीमोथियुस 2:16

लिकिन महबा मलका ब'अना ती बछ्रका र'आ। एन्‍देरगेका ईद आलारिन धर्मेस ती अउर हूँ गेच्‍छा ननी चि'ई।

2 तीमोथियुस 3:13

लिकिन मलदौ आलर अरा भुरिंयु आलर दगा चि'अनुम अरा दगा मूख़नुम बगड़ारते किर्रिमबि'ओर।

1 यॊहन 2:18

अना ख़द्दारो, ईद छेद्द उल्ला हवे। नीम मेंजकादर का ठकवा मसीस बर'आ लगदस। अक्कु गूटी कैनो ठकवा मसीर चॊचकानर। इत्रु ती नाम अख़दत का छेद्दे बेड़ा अंड़सा ख़च्चकी र'ई।

1 यॊहन 2:26

नॆ निमन बेड़ाब'आ बेद्दनर, आर ही पत्त नू ऎन निमन इबड़ा कत्थन लिखचकादन।

1 यॊहन 4:1

अना दुलारो, ई सौंसार नू नगदे बग्गे ठकवा धर्मेसी कत्था तिंगुर चॊचका र'अनर। औंगे नेम्हा बॊलतस ती ब'अदन ब'ऊ उर्मी आलारिन अमा पत्त'आ। लिकिन बिढ़'आ ती ऎरा का अबड़ा बॊलता गुट्ठी धर्मेस ती बरचका का मल्ली।

2 यॊहन 1:7

ई ख़ॆख़ेल नू बग्गे भुरइ'ऊ आलर चॊचका र'अनर, आर मल पत्त'अनर का येसु मसीस आल कया नू मंजस ती ख़ॆख़ेल नू बरचस। ईरिम भुरइ'ऊ अरा ठकवा मसी हिकनर।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 13:8

अरा ख़ॆख़ेल ही गढ़्रना बेड़ा तिम पिटतारकी र'ई आ भेंडो ख़द्द मसीसी उज्‍जना ही पुथी नू नामे मल्‍ला लिख्रका ख़ॆख़ेल नू ओक्रना ओर्मा आलर आ मेक्‍खोन महबा ननोर।

दहदर मंजका कत्‍था 20:3

अरा आस अदिन भयभयान ख़ोड़ख़ा गड्डी नू हेब्ड़ियस ती मुच्‍चियस चिच्‍चस, अरा अइय्या मरका लौचस चिच्‍चस का हजार बछर मन्ना गूटी आद जाती जाती ता आलारिन अउर अम्‍बो ठग'आ। इदही ख़ॊख़ा चाड़ रई का आद जोक्‍क बेड़ा गे तिसिगतार'ओ कालो।

दहदर मंजका कत्‍था 20:8

अरा आस ख़ॆख़ेल ही ओनबेंड़र'आ र'अना जाती जाती ता आलारिन ठग'आ गे उरखोस। इबड़ा जातियारिन धर्मेसी कत्था तिंगू एजेकिऎलस गोग अरा मगोग एन्ने ब'अदस। ईरिन आस लड़ई गे ख़ोजोस। आर ही गनती समुदर पिंडी ता चलकुर लेक्‍खा र'ई।