कोलोस्से 2:23 - पुना गच्छरना NT (BSI)

²³ इबड़ा नॆग गुट्ठी महबा नन्ना ही चाल, अरा लुदऊ मन्ना, अरा मॆदन सिझा ब'अना लूर लेक्‍खा गा ईथ्र'ई, लिकिन मॆद ही चिबाख़ारना गुट्ठिन छेंक'आ गे इबड़ा ती एन्‍देर हूँ संगरा मल मनी।

कोलोस्से 2:23 ပူးပေါင်းရင်းမြစ်များ

रोमी 13:14

लिकिन उर्बस येसु मसीसिन अत्ता हो'आ, अरा पाप मॆद सुबहा गुट्ठी ही चिबाख़ारनन पूरा नन्ना ही सोच आबोन अम्‍बा चि'आ।

इफेसुस 5:29

एन्‍देरगेका नॆ हूँ तंग्है मॆदन मल हींड़दस, लिकिन अदिन पलदस पॊसदस एकासे मसीस कलीसियन ख़ापदस,

कोलोस्से 2:18

नॆ हूँ निमन ठकना लुदऊ नू अरा मेर्ख़ा पैकारिन ओहमा मन्ना नू मन्दस ती नीम निम्है इनाम आबोन मल ख़क्खना ही जॊगे मना गे अड्डा अमा चि'आ। ई लेक्खा आलस तंग्है ईरका देखार ही पत्त नू बग्गे बुझुरत'अदस। बॊलता ही सुबहा मलका आसी जिया अनभनियाँ सोच ती फुलई मनी।

कोलोस्से 2:22

इबड़ा उर्मी आलॊ बउरारनुम बउरारनुम नठार'ओ, एन्‍देरगेका इबड़ा आलर ही पॆसका अरा सिखाबाचका गुट्ठी हवे।

कोलोस्से 2:8

चिहुंक र'आ का नीकईम निमन अनभनियाँ अरा ठगना तत्व लूर ती अम्‍बोर फफड़'आ हो'आ, एकदा पुरखौती अरा ख़ॆख़ेल ता बॊलता गुट्ठी ही सवंग ता सिखाब'अना लेक्‍खा गा र'ई, लिकिन मसीसी लेक्‍खा मलकी।

1 तीमोथियुस 4:3

आर “अम्‍बोत बेंज्र'आ अरा जोक्‍क जिनिस गुट्ठिन हूँ अम्‍बोत ओना मॊख़ा” एन्ने ब'ओर। धर्मेस गा अबड़ा ओन्ना-मॊख़ना गुट्ठिन इदगे गढ़चस का मानिम आबोन अख़‍'ऊ पत्त‍'ऊ आलर अबड़न धन्‍यवाद गने ओनोर मॊख़ोर।

1 तीमोथियुस 4:8

कया ही हेबाब'अना ती जुक्‍कि धार'ई, लिकिन महबा उर्मी कत्‍था नू धार'ई। ईद ख़ॆख़ेल ता अरा जनमजुग ता उज्‍जनन गच्‍छर'ई।