कोलोस्से 2:20 - पुना गच्छरना NT (BSI)

²⁰ नीम मसीस गने केचकादर, ख़ने आस निमन ख़ॆख़ेल ता बॊलता गुट्ठी ही सवंग ती अम्तारका केरकादस। औंगे नीम एन्देरगे अक्कु गूटी ख़ॆख़ेल ता आलर लेक्खा अदही नॆग गुट्ठी नू एन्ने ऎकालदर का,

कोलोस्से 2:20 ပူးပေါင်းရင်းမြစ်များ

यॊहनस 15:19

नीम ख़ॆख़ेल ता रहचकर होले, आद निमन तंग्‍है ब'अरकी निम्‍है गने चोन्‍हा नंजकी र'ओ दने। लिकिन नीम ख़ॆख़ेल ता मलदर, एन्‍देरगेका ऎन निमन ख़ॆख़लन अम्‍बा ती बर'आ गे चज्जिका र'अदन, ख़ने ख़ॆख़ेल निमन हींड़'ई।

2 कोरिन्‍थ 10:3

ऎम ई सौंसार नू उज्जदम, लिकिन सौंसार ता आलर लेक्‍खा चॆत मल नन्दम।

गलातिया 4:3

अन्नेम नाम ख़द्दत रहचकत आ गूटी ख़ॆख़ेल ता उर्मी बॊलता गुट्ठी ही तबे नू रहचकत।

गलातिया 6:14

ऎन गा नम्‍है येसु मसीसी क्रुस आबोन अम्‍बरकी नन्‍ना एकअम कत्‍था नू फुल‍ई मल मन्दन नेक‍अन। मसीसी ई क्रुस ही चड्डे एंगा ख़ॆख़ेल ता मया मॊख़ क्रुस नू ठोकरकी र'ई, अरा ऎन हूँ ई ख़ॆख़ेल ता मया मॊख़ा गे क्रुस नू ठोकरकन।

इफेसुस 2:15

अरा यहूदी नॆगन अदही पॆसका अरा नेगचार गुट्ठी गने मेटचस चिच्‍चस। ई लेक्खम आस यहूदीरिन अरा नन-यहूदीरिन तंग्‍है नू मेसाबाचस ती ओन्टा पुना आल खोंड़हा गढ़चस ती कोड़े ओन्द्रस।

कोलोस्से 2:14

अरा मूसासी पॆसका ही लेक्खा नम्‍है बिड़दो नू लिखचका पाप ही लिखन धर्मेस मेटचस चिच्‍चस। अरा धर्मेस आ लिखन जम्मन मसीसिन क्रुस नू ठोकचस ती नटचस।

कोलोस्से 2:16

औंगे नीम एन्द्रन ओन्दर मॊख़दर, अरा नीम मल मन्ना परब मलता पुना चन्दो मलता ख़न्न ऎख़ना उल्‍ला गुट्ठी ही पत्त नू नॆ हूँ निमन बदी नना गे मोका अमा चि'आ।

कोलोस्से 2:21

“इदिन अमा एंवसड़'आ, अमा टट्टे ऎरा, अरा अमके टुडर'आ?”

कोलोस्से 2:8

चिहुंक र'आ का नीकईम निमन अनभनियाँ अरा ठगना तत्व लूर ती अम्‍बोर फफड़'आ हो'आ, एकदा पुरखौती अरा ख़ॆख़ेल ता बॊलता गुट्ठी ही सवंग ता सिखाब'अना लेक्‍खा गा र'ई, लिकिन मसीसी लेक्‍खा मलकी।

कोलोस्से 3:3

एन्‍देरगेका नीम गा केचकादर, अरा निम्‍है उज्‍जना मसीस गने धर्मेस नू नूख़ूरकी र'ई।

इब्रानी 13:9

कैनो रकम ही नन्ना नन्ना सिखाब'अना ती अमा बेहड़ार'आ। अरा चाल ही ओन्ना-मॊख़ना गुट्ठी ती मला धर्मेसी मया ती नम्‍है जिया बड़ियर मन्ना बॆस हवे। ई चाल ही ओन्ना-मॊख़ना गुट्ठिन मूख़ू आलर गे अबड़ा ती एन्‍द्रा हूँ फयदा मल्‍ला।

याकॊब 4:4

अना नन्ना आली गुसन कालू आलारो, एन्देर नीम बलदर का ख़ॆख़ेल ता कत्था गुट्ठी मइय्याँ चोन्हा नन्ना धर्मेस गने बैर नन्ना ही जोक्खा हवे? औंगे एकास ख़ॆख़ेल गने सखी मना बेद्ददस, आस धर्मेसी बैरी मन्दस।

1 यॊहन 5:19

नाम अख़दत का, नाम धर्मेसी हिकदत, अरा सौंसार ता उर्मी मलदौ आलर मलदौ आबोन नन्त'ऊ सैतान ही तबे नू र'अनर।