कोलोस्से 2:15 - पुना गच्छरना NT (BSI)

¹⁵ ई लेक्खम धर्मेस अक्स'ऊ अरा अदिया उइय्यू मलदौ बॊलता गुट्ठी ही सवंगन ओथ्रस चिच्चस। अरा मसीस क्रुस नू केच्चस ती धर्मेस अबड़न जितचस ती अबड़ा सवंग मलका एन्ने ख़ॆख़ेल गे ऎदस।

कोलोस्से 2:15 ပူးပေါင်းရင်းမြစ်များ

मत्तायोस 12:29

एकासे ओर्तस ओन्‍टा बहंगर आलासी एड़पा नू कोर'अरकी आसी जिनिसन बच्‍चा ओंग्‍दस? एका गूटी आस आ बहंगर आलासिन मल हें'ओस हो'ओस, होलेम आस आ बहंगरसी एड़पन बच्‍चा ओंगोस।

लू‍कस 10:18

येसुस आरिन बाचस, “ऎन सैतान आबोन बिल्‍चत'अना लेक्‍खा मेर्ख़ा ती खत्तरनन ईरकन।

लू‍कस 11:22

लिकिन आसिन ती कोड़हे सवंगियस बरदस ती आसिन ती जितदस होले आसी अबड़ा कमहड़ नू आसी असरा र'ई अबड़न बच्‍चदस अरा आसी खुर्जी गुट्ठिन हो'अदस कादस।

यॊहनस 16:11

अरा ई ख़ॆख़ेल ही उर्बस नेंव‍ई मंज ख़च्चिका ती नेंव‍ई ही पत्त नू आस तेंगोस।

यॊहनस 19:30

येसुस तिस्‍सा अंगुर रासिन ख़क्‍खियस ख़ने, आस बाचस, “ईद पूरचकी र'ई।” अरा तंग्‍है कुक्‍कन तुरऊ नंजस ती तंग्‍है जियन बिच्‍छरस।

1 कोरिन्‍थ 15:24

इदही ख़ॊख़ा ख़ॆख़ेल ही मुंज्रना मनो। आ बारी मसीस उर्मी उर्ब ननुरिन अरा उर्मी अदिया गुट्ठिन अरा उर्मी सवंग गुट्ठिन नठाब'अरकी राजिन धर्मे बंगासी ख़ेक्खा नू सोंप'ओस चि'ओस।

2 कोरिन्‍थ 2:14

लिकिन धर्मेसी धन्‍यावाद मनन, आस सगरो जित'आ गे मसीस नू नमन कड़हाब'अदस, अरा आसी पत्त ता लूरन एम्‍है ती गोट्टा अड्डा नू महकारना लेक्खा बींड़दस।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

इफेसुस 3:10

धर्मेसी उर्मी रकम ही लूर मेर्ख़ा अड्डा गुट्ठी नू राजी ननू बॊलता गुट्ठी गे अरा अदिया ननू आलॊ गुट्ठी गे अक्‍कु कलीसिया ती दहदर नन्तारना र'ई। ईद दिम धर्मेसी चिताबुता हवे।

इफेसुस 4:8

औंगेम नेम्हा पुथी नू एन्ने लिख्रकी र'ई का, “आस मेच्‍छा नू मइय्याँ अरगियस ख़ने, आस तंग्है गने बग्गे हॆंरकारिन होच्चस केरस, अरा आलर गे इनाम गुट्ठिन हूँ चिच्‍चस।”

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

कोलोस्से 1:16

एन्‍देरगेका आस तिम उर्मी आलॊ गढ़रा। मेर्ख़ा ता अरा ख़ॆख़ेल ता उर्मी, ऎथ्रना अरा मल ऎथ्रना उर्मी, बॆल-गदिया गुट्ठी मलता सवंग गुट्ठी, अक्स'उर मलता अदिया गुट्ठी उर्मी आस तिम अरा आस गेम गढ्रकी र'ई।

कोलोस्से 2:10

अरा आस नू नीम निंद्रकादर, एकास उर्मी अक्स'उर अरा अदिया गुट्ठी ही अक्स'ऊ हिकदस।

इब्रानी 2:14

एन्‍देरगेका धर्मेसी ख़द्दर अहड़ा अरा ख़ॆंस ती कम्रका मनवा आलॊ हिकनर, औंगे येसुस हूँ आर लेक्‍खा अहड़ा अरा ख़ॆंस नू मंजस। तंग्‍है खे'अना ती खे'अना ही अदिया उइय्यू सैतान आबोन नास नना गे आस एन्ने मंजस।

दहदर मंजका कत्‍था 12:9

अरा आ नगदे कोहाँ डेना र'ऊ नेर्रे किइय्या हेबड़तारा। ईदिम गोट्‌टा ख़ॆख़लन ठक'ऊ नाद अरा सैतान बारना पच्चा नेर्रे हवे। आद ख़ॆख़ेल नू हेबड़तारा अरा अदही उर्मी पैकर हूँ अदही गनेम ख़ॆख़ेल नू हेबड़तारर।

दहदर मंजका कत्‍था 20:10

अरा अबड़ा आलारिन ठकचका आ नाद गन्धक लघरना चिच्‍ची ही समुदर नू हेबड़तार'ओस क'ओस, एकइय्या आ मेक्‍खो अरा ठकवा धर्मेसी कत्था तिंगुस र'अनर। अइय्या आर उल्‍ला माख़ा जनमजुग कलपार'ओर।