कोलोस्से 2:13 - पुना गच्छरना NT (BSI)

¹³ नीम निम्है अक्‍का-बलका गुट्ठी ती अरा खतना मल मंजका निम्है पाप ही सुबहा ती केचका रहचकर ख़ने, धर्मेस निमन मसीस गने उज्‍जताचस ती नम्‍है उर्मी अक्‍का-बलका गुट्ठिन छमा नंजस।

कोलोस्से 2:13 ပူးပေါင်းရင်းမြစ်များ

लू‍कस 15:24

ई एंग्‍दस केचका बेसे रहचस, लिकिन आस अक्‍कु उज्‍जालदस, अरा एबस्रका रहचस, लिकिन अक्‍कु ख़क्‍खरस।’ ख़ने आर रिरयार'आ हेलरर।

लू‍कस 15:32

लिकिन अक्‍कु नमा रिरयारना अरा रिझ्रना चाड़ र'ई। एन्‍देरगेका ईद एन्ने बेसे का निंग्‍ड़िस केचका रहचस, लिकिन अक्‍कु उज्‍जदस, अरा एबस्रका रहचस, लिकिन अक्‍कु ख़क्‍खरस।’”

लू‍कस 9:60

लिकिन येसुस आसिन बाचस, “केचकारिन तम्‍है बॊलता नू केचका आलर माड़नर नेकअन। लिकिन नीन कला ती धर्मेस आलर ही उज्‍जना नू राजी नन्ना ही पत्त नू मेन्‍त'आ।”

यॊहनस 5:21

एकन्ने एम्‍बस केचका आलारिन चॊद्दस ती आर गे उज्‍जना चि'अदस, अन्नेम ऎन हूँ नॆकन ऎन बेद्ददन आर गे उज्‍जना चि'अदन।

यॊहनस 6:63

नेम्‍हा बॊलतस दिम उज्‍जनन चि'अदस, आल सवंग ती ईद मना पुल्ली, एका कत्‍था गुट्ठी निमन तिंकन अबड़ा उज्‍जना चि'ऊ बॊलतस ती हवे।

रोमी 4:17

एकासे नेम्‍हा पुथी नू लिख्रकी र'ई, “ऎन निंगन अजम बग्‍गे जातियर ही बंग कमचकादन।” ई गच्‍छरका अब्राहमस गे आस धर्मेसी म‍इय्याँ नंजका पत्त'अना ती ख़क्‍खरा। धर्मेस दिम केचकारिन उज्‍जत'अदस अरा एन्‍द्रा हूँ मलकी अइय्या तिम पुना जिनिसन गढ़दस।

रोमी 6:13

नीम निम्‍है मॆद ही अंग गुट्ठिन मलदौ ही कमहड़ मना गे पाप गे अमा थोप'आ। ऊजी नू निमन धर्मेस गे थोप'आ। एन्‍देरगेका नीम केच्चकर केरकर, लिकिन अक्‍कु निमा पुना उज्‍जना र'ई। औंगे निमा मॆद ही अंग गुट्ठिन दौ नन्ना कमहड़ बेसे धर्मेस गे बउर'आ।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

1 कोरिन्‍थ 15:36

अना बोया आलायो, इन्द्रिइम लॊ नीन चाँख़दय एका गूटी आद मल खि'ई आद मल कुन्‍दी।

1 कोरिन्‍थ 15:45

औंगे नेम्‍हा पुथी नू एकासे लिख्रकी र'ई अन्ने, “पहिल आलस आदमस उज्‍जना आल मंजस।” लिकिन छेद्द ता आदमस गा उज्‍जना चि'ऊ बॊलता मंजस।

2 कोरिन्‍थ 3:6

आस एमन तंग्है पुना गच्छरना ही सुसर'ऊ मना गे जॊगे मंजकादस। आ गच्छरना लिख्रका नॆग ती मल्‍ली, लिकिन बॊलतस ती मन्रकी र'ई। एन्‍देरगेका लिख्रका नॆग गा पिटी, लिकिन बॊलतस गा उज्‍जना चि'अदस।

2 कोरिन्‍थ 5:19

ईद एन्ने हिके का धर्मेस ख़ॆख़ेल ता ओर्मा आल जातियर ही अक्‍का-बलका गुट्ठिन मल गन'अरकी आरिन मसीस नू तंग्‍है गने मेसाबाचस ती ई मेसाब'अना ही कत्थन एमा सोंपचकादस।

इफेसुस 2:1

नीम गा मुन्द निम्‍है अक्‍का-बलका गुट्ठी नू अरा पाप गुट्ठी नू केचका रहचकर।

इफेसुस 2:11

औंगे सुरता नना का मुन्द नीम नन-यहूदीर रहचकर, अरा कया नू आलर ही ख़ेक्खा ती खतना मंजका अबड़ा आलर ती नीम खतना मल्‍ला मंजका बारतारकर।

इफेसुस 5:14

एन्देरगेका बिल्ली दिम उर्मिन ईद'ई चि'ई। ई चड्डेम एन्ने लिख्रकी र'ई का, “अना ख़न्‍द्र'ऊ, एज्र'आ, केचकार ती उज्‍जा चो'आ, होले मसीस निंग्‍है मइय्याँ बिल्‍चोस।”

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

1 तीमोथियुस 5:6

लिकिन एका रड़ियाही ख़ॆख़ेल ता सुख-सौंरतन पत्तार‍'ई होले, आद उज्‍जनुम उज्‍जनुम किच्‍चकी र'ई।

1 तीमोथियुस 6:13

ओर्मर गे उज्‍जना चि'ऊ धर्मेसी अरा पोन्‍तियु पिलातुसी मुन्‍दहारे तंग्‍है बॆस गोवाह चिच्का मसी येसुसी मुन्‍दहारे ऎन निंगा गे जिमा चि'अदन।

इब्रानी 6:1

औंगे बरा, नाम मसीसी पत्त ता ऒर ही सिखाब'अना नू लेका मला इज्‍जका ती बड़ियर मन्ना ही तरा मुन्‍द ऎकोत क'ओत। मसी उज्‍जना ही नेव ही मुध कत्‍था गुट्ठिन घड़ी घड़ी अदिनिम तेंगना ही चाड़ मलकी: मलदौ नलख ती जियन किर्त'अना, अरा धर्मेस म‍इय्याँ पत्त'अना,

इब्रानी 9:14

अन्ने होले मसीसी ख़ॆंस नमा लखनन मलदौ नलख गुट्ठी ती एका कोड़हे सुध ननो दने, औंगे नाम उज्‍जना धर्मेसिन सुसर नना ओंग्दत। एन्‍देरगेका मसीस जनमजुग ही बॊलतासी सवंग ती तंगन नम्‍है पाप गुट्ठी गे पखड़ दाँड़े बेसे धर्मेस गे अरगस।

याकॊब 2:17

अन्‍नेम पत्त'अना हूँ अदही लेक्खा नलख मल नन्ना ती तान लेका र'ओ होले, आद केच ख़च्चका पत्त'अना हवे।

याकॊब 2:20

अना बयहा आलयो, एन्‍देर नीन बुझुर'आ पोलदय का, नलख बिगर पत्त'आना अनभनियाँ हवे?

याकॊब 2:26

बिगर बॊलता ही मॆद केचका मॆद हवे, अन्‍नेम बिगर नलख ही पत्त'अना केचका पत्त'अना दिम हवे।

1 यॊहन 2:12

अना चोन्हा ख़द्दारो, येसुसी नामे ती निम्है पाप गुट्ठी छमा मन्तारका ती ऎन निमा लिखदन।