कोलोस्से 2:12 - पुना गच्छरना NT (BSI)

¹² अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

कोलोस्से 2:12 ပူးပေါင်းရင်းမြစ်များ

लू‍कस 17:5

बारो तइरकर उर्बासिन बाचर, “एमन कोड़हे बड़ियर पत्त'आ गे संगरा नना।”

त‍इरकर 14:27

असन आर अंड़सियर ती कलीसियन ख़ॊंड़चर ती तिंगियर का धर्मेस आर ही ती एन्‍देर एन्‍देर नलख नंजकाचस, अरा नन-यहूदीर हूँ पत्त'आ गे एकासे बलिन तिसगस चिच्‍चस।

त‍इरकर 2:24

लिकिन धर्मेस आसिन खे'अना ही सस्ती गुट्ठी ही नुंजना ती अम्बताचस ती आसिन उज्‍जताचस चॊदस। खे'अना गा आसिन तंग्‍है तबे नू उइय्या पोल्‍ला।

त‍इरकर 2:32

ई येसुसिन धर्मेस केचका ती उज्‍जताचस चॊदस, ऎम ओर्मम इदही गोवाह हिकदम।

रोमी 4:24

नम्है फैदा गे हूँ लिख्रकी र'ई। नाम हूँ उजगो लेखर'ओत, एन्‍देरगेका नॆ नम्‍है उर्बस येसु मसीसिन केच्‍कर ती उज्‍जताचस आसिन असरा नन्‍दत।

रोमी 7:4

ई लेक्‍खम अना एंग्‍है भ‍ईरो, निमा पच्चा आल सुबहा मसीस गने पॆसका ही सवंग गे केच्‍चा केरा। अरा अक्‍कु नीम एका ओर्तस केचका ती उज्‍जा चॊच्‍चस आसी गने मेसरकत। ई चड्डे नाम दौ नलख ही दौ ख़ंजपा धर्मेस गे चि'आ ओंग्‍दत।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।

1 कोरिन्‍थ 15:20

लिकिन मानिम नू मसीस केचका ती उज्‍जा चॊचकादस, अरा केच्‍चकर मधेर ती उज्‍जा चो'अना नू पहिल आल मंजस।

गलातिया 3:27

निम्‍है ती नॆ नॆ मसी नू नॊड़रकानर, अबड़र तम्‍है उज्‍जना नू मसीसिन ऎदनर।

इफेसुस 2:8

मसीस मइय्याँ ता पत्त'अना ती धर्मेसी सोग्‍गे ती नीम नाड़रदर। ईद निम्‍है चिहुट ती मल्‍ला मंजका, लिकिन ईद धर्मेसी इनाम हवे।

इफेसुस 3:17

अरा मसीस मइय्याँ ता निम्है पत्त'अना ही चड्डे मसीस निम्‍है जिया नू ओक्करदस नेकअन, अरा नीम चोन्‍हा नू मन्न ही पादा ख़ोड़ख़ा एत्तना लेक्खा मनरकी बन्चका र'अन नेकअन।

इफेसुस 3:7

धर्मेसी सवंग एंग्हा नू नलख नन्ना ती एंगा चिच्का आसी मया ही इनाम ती ऎन ई दौ कत्‍था तेंगा गे सुसर'ऊ मंजकन।

इफेसुस 4:5

अरा ओन्टे गुना उर्बस र'अस। अरा ओन्टे गुना पत्त'अना, अरा ओन्टे गुना नॊड़्रना र'ई।

इफेसुस 5:14

एन्देरगेका बिल्ली दिम उर्मिन ईद'ई चि'ई। ई चड्डेम एन्ने लिख्रकी र'ई का, “अना ख़न्‍द्र'ऊ, एज्र'आ, केचकार ती उज्‍जा चो'आ, होले मसीस निंग्‍है मइय्याँ बिल्‍चोस।”

फिलिप्‍पी 1:29

एन्‍देरगेका मसीस नू पत्त'आ गे लेका मला, लिकिन आसी चड्डे सस्ती अरा खिलपत हूँ सह'आ गे हूँ ईद निमा गे चीरकी र'ई।

कोलोस्से 1:29

अदगेम ऎन एंग्है नू सवंग गने नलख ननू आसी पया लेक्‍खा जिया कया ती अर्ज'अदन।

कोलोस्से 2:13

नीम निम्है अक्‍का-बलका गुट्ठी ती अरा खतना मल मंजका निम्है पाप ही सुबहा ती केचका रहचकर ख़ने, धर्मेस निमन मसीस गने उज्‍जताचस ती नम्‍है उर्मी अक्‍का-बलका गुट्ठिन छमा नंजस।

इब्रानी 12:2

नम्‍है पत्त'अनन ऒर ननू अरा पखड़ ननू येसुस तरा मॆन ऎरदत नेक‍अन। आस तंगा गे उइय्का रहचका रिरयारना ही चड्डे क्रुस ही लज्‍जेन मल सोच्‍चस ती क्रुस नू दुक्‍खेन चॊदस ती केच्‍चस। अक्‍कु धर्मेसी बॆल-गदिया ही तीना पक्‍खा उक्‍कदस।

इब्रानी 6:2

अरा नॊड़ना मंजना गुट्ठी ही पत्त ता सिखाब'अना, अरा पत्त'ऊ आलर ही म‍इय्याँ ख़ेक्खा गुट्ठी उइय्ना, अरा केच्‍कर ही उज्‍जा चो'अना, अरा धर्मेसी रायबड़ी ती जनमजुग ख़क्‍ख्रना ही पत्त ता कत्‍था।

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।