कोलोस्से 2:11 - पुना गच्छरना NT (BSI)

¹¹ नीम निम्है पाप ही सुबहा आबोन अम्बका ती नीम हूँ मसीस नू खतना ख़क्खकादर। ई खतना आलर ही ख़ेक्खा ती मल मंजकी र'ई, लिकिन मसीस ती मंजकी र'ई।

कोलोस्से 2:11 ပူးပေါင်းရင်းမြစ်များ

मरकुस 14:58

“ऎम ईसिन एन्ने ब'अना मेंजका र'अदम, ‘ऎन आलर ती कमचका ई धर्मेसी मन्दिर आबोन धस'ओन चि'ओन, अरा तीन उल्‍ला नू ऎन नन्ना कम'ओन, आद आलर ही ख़ेक्खा ती कमरका मल र'ओ’।”

लू‍कस 2:21

ख़द्दासी आठ उल्‍ला पूरचा ख़ने नैगर ती आसी खतना नन्‍ताचर अरा आसी नामे येसु पिंजियर। ई नामे दिम आस मरियम ही ऒदर नू मन्ना ही मुन्‍द मेर्ख़ा पैकस तिंकाचस।

त‍इरकर 17:24

ई धर्मेस गोट्टा ख़ॆख़ेल अरा अइय्या र'ऊ उर्मिन कमचस, अरा आस मेर्ख़ा दरा ख़ॆख़ेल ही उर्बस हिकदस। आस आलर ही ख़ेक्खा ती कमचका मन्‍दिर नू मल र'अदस।

त‍इरकर 7:48

अन्नु हूँ उर्मी ती कोहाँ धर्मेस आलर ही कमचका एड़पा नू मल र'अदस। एकासे का धर्मेसी कत्था तिंगुस बाचस,

रोमी 2:29

लिकिन एकास धर्मेसी पॆसकन पॆस्रदस आस मानिम यहूदी हिकदस। लिख्रका नॆग ती मला लिकिन नेम्‍हा बॊलतस जियन बदलदस आद दिम मानिम खतना हिके। एन्ने आलासी आलर तर‍ती मला धर्मेस तरती म‍ईन मनी।

रोमी 6:6

नाम अख़दत का नम्‍है पच्चा आल सुबहा मसीस गने क्रुस नू केच्‍चा। ख़ने नम्‍है पाप सुबहा नम्‍है म‍इय्याँ राजी पुल्‍ली नना अरा नाम इकला हूँ पाप ही जॊंख़ मल मनोत।

रोमी 7:24

ऎन करम फटरका आलन हिकदन। खे'अना नू हो'ऊ ई कया ती एंगन नॆ नाड़ोर?

2 कोरिन्‍थ 5:1

नाम अख़दत का नम्है मॆद एकदा इसन ई ख़ॆख़ेल नू नाम उज्जना एड़पा धस्‍तार'ओ कालो, लिकिन नमा गे धर्मेस तरती मेर्ख़ा नू आलर ती मल कम्रका ओन्टा एड़पा र'ई, आद जनमजुग र'ओ।

2 कोरिन्‍थ 5:17

औंगे नीकईम मसी नू र'अदस होले, आस पुना गढ़्रना हिकदस। पच्चा कत्‍था गुट्ठी किर्रिम बिच्चिया, पुना उज्जना ऒर मंजकी र'ई।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

गलातिया 5:24

अरा नॆ मसी येसुसी हिकनर, आर तम्है कया ही चिबाख़ारनन अरा जिया ही मने गुट्ठी गने क्रुस नू अरग'आ ख़च्‍चि‍कानर।

इफेसुस 4:22

औंगे नीम निम्है पच्चा उज्‍जना ओक्‍कनन अरा पच्चा आल सुबहन एकदा घुरिय'अना सुख-सौंरत चड्डे बगड़ारनुम काला लगी, अदन अम्बा चि'आ।

फिलिप्‍पी 3:3

एन्‍देरगेका मॆद ही पत्त ता कत्था गुट्ठी नू असरा मल उइय्यदत ती, अरा धर्मेसी बॊलतासी संगरा ती महबा नन्दत ती, अरा मसी येसुस नू फुलई मनू नाम दिम मानिम नू खतना मंजका आलर हिकदत।

कोलोस्से 3:5

औंगे पेहरन ही सोतरा नलख, अरा पाप ती सोतरा मन्ना, अरा चिबाख़ारना, मलदौ मइय्याँ ता मने, अरा मूर्तिन ऒड़ लग्‍गना ही जोक्खा लोभिया, इबड़ा जम्मा पाप ही सुबहा हवे। इबड़ा मलदौ आबोन नन्नन अम्बा चि'आ।

इब्रानी 9:11

लिकिन मसीस बरना दौ आबोन चि'ऊ कोहाँ नैग मंजस ती बरचस ख़ने, आस इत्रु ती कोहाँ अरा कोड़हे पखड़ मेर्ख़ा ता कोहाँ कुम्‍बा नू कोरचकादस, एकदा आलर ही ख़ेक्खा ता कम्रका मल्‍ली अरा ई गढ़्रका सौंसे ही हूँ मल्‍ली।

इब्रानी 9:24

मसीस गा आलर ही ख़ेक्खा ती कम्रका कोड़हे नेम्‍हा अड्डा नू मल कोरचस, एकदा मेर्ख़ा नू र'ऊ मानिम कोड़हे नेम्‍हा अड्डा ही रूपे लेक्‍खा नू र'ई। लिकिन आस मेर्ख़ा नुम कोरचस ती नमा संगरा नना गे अक्‍कु धर्मेसी मुन्‍दहारे र'अदस।