कोलोस्से 1:9 - पुना गच्छरना NT (BSI)

⁹ औंगे ऎम निम्है पत्त नू मेंजका उल्ला ती ऎम निमा गे गोहरारनन मल अम्‍बदम। अरा नीम नेम्हा बॊलतासी उर्मी लूर अरा ओर्खना गने धर्मेसी मने अबोन अ‍ख़ना ही लूर ती नीदा गे ऎम धर्मेस ती ने'अदम।

कोलोस्से 1:9 ပူးပေါင်းရင်းမြစ်များ

यॊहनस 7:17

नेक‍ईम धर्मेसी मनेन नना बेद्ददस होले, आस ई सिखाब'अना ही पत्त नू अख़'ओस का ईद धर्मेस तरती र'ई का महले ऎन एंग्‍है ती ब'अदन।

त‍इरकर 12:5

जेहेल नू पतरस गुड़रकाचस ख़ने, कलीसिया आस गे धर्मेस गुसन सौंसे जिया ती नगदे गोहरार'आ लगिया।

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

1 कोरिन्‍थ 1:5

नीम मसीसी र'अना ती नीम निम्‍है उर्मी ब'अना नू अरा निम्‍है उर्मी लूर नू उर्मी मदहे नू उरुब मन्तारका र'अनर,

इफेसुस 1:8

आ मया आबोन आस नमा गे उर्मी लूर अरा बुझ्रना ही सवंग गने बग्गे ती बग्गे चिच्कादस।

इफेसुस 5:10

औंगे उर्बासिन एन्देर रिझ्रत'ई अदिन नीम अख़'आ हो'आ।

इफेसुस 5:17

औंगे नीम बोया अमा मना, लिकिन बुझुर'आ का नीम नना गे उर्बासी मने एन्‍देर र'ई।

इफेसुस 6:6

आरिन पत्तारत'आ गे लेका आर ही ऎरना नू लेका अन्ने मल पॆस्र'अरकी, निम्है उर्मी जिया गने धर्मेसी चिताबुतन ननू मसीसी जॊंख़र लेक्‍खा पॆस्र'आ।

फिलिप्‍पी 1:4

ऎन ननू उर्मी गोहरारना नू सगरो नीम ओर्मर गे रिझ ती गोहरारदन।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

कोलोस्से 4:5

नॆ पत्त'ऊ मलनर आर गने लुरगर गने ओक्‍का इज'आ, अरा उर्मी मोका आबोन दौ गने बउर'आ।

1 थेस्‍सलोनिकॆयर 1:3

अरा एम्‍है धर्मे अरा बबासी मुन्‍दहारे निम्‍है पत्त'अना जॊगे नलख, अरा चोन्‍हा ती नन्ना नलख, अरा नम्‍है उर्बस येसु मसीस नू असरा ख़क्‍खा गे कयास नन्‍दर अदिन सुरता नन्दम।

1 थेस्‍सलोनिकॆयर 5:17

गोहरारनन अमा अटक'आ।

2 थेस्‍सलोनिकॆयर 1:11

ईदन सुरता ननरकी ऎम निमा गे सगरो गोहरारदम का नम्‍है धर्मेस निमन तंग्‍है मॆख़ना ही जॊगे सोचदस नेक‍अन, अरा निम्‍है उर्मी दौ मने अरा पत्त'अना ती उर्मी नलखन आसी सवंग ती पूरा नन्‍दस नेक‍अन।

फिलॆमॊन 1:4

अना फिलॆमॊन, नीन उर्बस येसु मसीस नू उइय्का पत्त'अनन अरा उर्मी नेम्‍हा आलर मइय्याँ ता निंग्हा चोन्हा पत्त नू ऎन मेन्दन। औंगे ऎन एंग्है गोहरारना गुट्ठी नू निंगन सुरता नन्दन ख़ने, उर्मी बेड़ा एंग्है धर्मेसिन धन्यवाद नन्दन।

फिलॆमॊन 1:6

अरा निंग्है पत्त'अनन नन्नर ही गने ख़ट्टना नू कोड़हे बड़ियर गने र'आ गे ऎन गोहरारदन। इत्रु तिम मसी येसुस नू नम्हा ख़क्खका उर्मी दौ ही पत्त नू नीन उर्मिन बुझुर'ओय।

इब्रानी 10:36

निमा सहना ती र'अना चाड़ र'ई। होले नीम धर्मेसी मनेन नंज ख़च्चिका ती आसी गच्‍छरका ख़ंजपन ख़क्‍खोर।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।

याकॊब 1:5

निम्‍है ती एकअम ओर्तस लूर नू खंग्रका र'अदस होले, आस धर्मेस गुसले ने'अना र'ई। ख़ने आद आस गे चीतार'ओ। धर्मेस बिगर केबर'अरकी ओर्मर गे हरकट ती बग्गे ती बग्गे चि'ऊ र'अदस।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

1 पतरस 2:15

एन्देरगेका नीम निम्‍है दौ नलख ती लूर मलका आलर ही मलदौ कत्‍था कछनख्रनन मुढ़'आ गे धर्मेस बेद्ददस।

1 पतरस 4:2

इदही चड्डेम आस ख़ॆख़ेल नू अउर उज्जना तंग्है उज्जना नू आल सुबहा ती बरना मलदौ सुख-सौंरत गुट्ठी गे मल उज्जदस। लिकिन धर्मेसी मने लेक्खा नना गेम आस उज्जदस।

1 यॊहन 2:17

ख़ॆख़ेल अरा अदही चिबाख़ारना आबो मुंजुर'ओ क'ओ। लिकिन धर्मेसी मनेन ननुस गा जनमजुग गे बन्चका र'ओस।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।