कोलोस्से 1:6 - पुना गच्छरना NT (BSI)

⁶ निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

कोलोस्से 1:6 ပူးပေါင်းရင်းမြစ်များ

मत्तायोस 24:14

अरा धर्मेसी राजी ही ई दौ कत्‍था सौंसे ख़ॆख़ेल नू मेन्‍द्र'ओ का उर्मी राजी ता आलर इदन मेनोर, फिन मुंज्रना अंड़सा ख़च्‍चो।

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

मरकुस 16:15

अरा आस आरिन आनियस, “सौंसे ख़ॆख़ेल नू कला अरा उर्मी आलर गे दौ कत्‍थन मेन्‍त'आ।

मरकुस 4:8

लिकिन जोक्को बिहनी उपजा ख़ॆख़ेल नू खत्तरा, अरा आद कुन्‍दिया परदिया अरा ख़ंजा अरा जोक्को तीस गुना ख़ंजा अरा जोक्को साट गुना ख़ंजा अरा जोक्को सौ गुना ख़ंजा।”

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 17:19

अरा ऎन आर ही चड्डे एंगन नेम्‍हा दाँड़े बेसे निमा गे चि'अदन, का आर हूँ निंग्‍है मानी ती नेम्‍हा मना ओंग्‍नर।

यॊहनस 4:23

लिकिन बेड़ा बर'आली, अरा अक्‍कुन बरचकी र'ई। मानी ती महबा ननू आलर, आ बारी तम्‍है बॊलता गने अरा मानी जिया ती धर्मे बंगासिन महबा ननोर। धर्मे बंगस एन्नेम महबा ननुरिन बेद्ददस।

त‍इरकर 11:18

अबड़ा कत्‍थन मेंजर ख़ने, आर कलेकले मंजर केरर। अरा आर एन्ने ब'अनुम धर्मेसी ओहमा नंजर, “धर्मेस नन-यहूदीर गे हूँ जियन किर्त'अना ती उज्‍जनन ख़क्‍खा गे मोका चिच्‍चस।”

त‍इरकर 12:24

धर्मेसी कत्‍था बढ़रनुम अरा बिंड़रनुम केरा।

त‍इरकर 16:14

थुअतीरा नगरे ता लुदिया नामे ही बैजनी किचरी बीसू धर्मेसिन महबा ननू आली अदिन मेना लगिया। पौलुसी कत्‍थन मेना गे धर्मेस अदही जिया बलिन तिसगस।

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

रोमी 1:13

अना भ‍ईरो! ऎन निमन अख़त'आ बेद्ददन का ऎन घड़ी घड़ी निम्‍है गुसन बर'आ गे चिता बुता नंजकन का निमन बॊलता ही उज्‍जना नू परदा गे सहाड़ा नना ओंगोन एकासे ऎन नन्ना नन-यहूदी आलर गे सहाड़ा नंजकन, लिकिन ऎन बर'आ पोलकन।

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

रोमी 15:28

औंगे ऎन ई नलखन नंज ख़च्‍चोन ती आर गे इबड़ा बरार आबोन सोंप'ओन ती निम्‍है गुसन कुरनुम स्‍पानिया क'ओन।

रोमी 16:26

ईद गा अक्‍कुन जनमजुग धर्मेसी पॆसका ती धर्मेसी कत्‍था तिंगुर ही पुथी गुट्ठी ती ईद उर्मी जातियर नू चलख़रा अरा अख़तारा, औंगे उर्मी जातियर इदिन पत्त'अना ती आस गे मन'आ ओंगनर।

2 कोरिन्‍थ 10:14

ऎम एम्‍है सिवान ती मल चाड़दम, अन्नु हूँ ऎम निम्है गुसन बरचकम रहचकम। नीम एम्‍है सिवान ही भितरी र'अदर, एन्‍देरगेका ऎम मुन्द तिम निम्‍है गुसन मसीसी दौ कत्‍थन ओन्द्रकम बरचकम।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

इफेसुस 3:2

मानिम नू नीम मेंजका र'अदर का धर्मेस तंग्है मया ती ई नलखन निमा गे संगरा नना गे एमा चिच्का र'अदस।

इफेसुस 4:21

नीम मानिम नुम आसी पत्त नू मेंजकर। अरा येसुस नू र'ऊ मानी ही लेक्खा आसी पत्त नू नीम सिखाबाचका केरका रहचकर।

इफेसुस 4:23

अरा निम्‍है जिया अरा बॊलता नू पुना मन्नुम कला।

इफेसुस 5:9

एन्‍देरगेका बिल्‍ली ही ख़ंजपा नू उर्मी दौ अरा उजगो अरा मानिम र'ई।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

फिलिप्‍पी 4:17

ईद एन्ने मला का ऎन निम्है ती इनाम बेद्ददन, लिकिन ऎन इदन बेद्ददन का निम्है खता नू निम्है दौ नलख ही ख़ंजपा बग्गे बॆन्दनुम क'ओ।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

1 थेस्‍सलोनिकॆयर 1:5

एम्‍है दौ कत्‍था निम्‍है गुसन कत्‍था लेका नू मल्‍ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्‍है मझी नू एकासे नंजकम ती रहचकम।

1 थेस्‍सलोनिकॆयर 2:13

ई चड्डे निमा गे ऎम धर्मेसी दौ कत्‍थन तिंकम, ख़ने नीम अदिन आलर ही मला धर्मेसी कत्‍था अक्‍कर ती इं‍झरकर। अरा ईद मानिम नू धर्मेसी कत्‍था हवे, एकदा नीम पत्त'ऊ आलर ही जिया नू उज्‍जाली। औंगे ऎम सगर घड़ी धर्मेसी धन्‍यवाद नन्‍दम।

2 थेस्‍सलोनिकॆयर 2:13

अना उर्बासी चोन्‍हा भईरो, एमा निम्‍है पत्त नू सगरो धर्मेसी धन्‍यवाद चि'अना र'ई। एन्‍देरगेका निमन नाड़र'आ गे हुल्‍लो ती धर्मेस चज्‍जिकादस। नीम निमन नेम्‍हा ननू बॊलता ती अरा मानिमन पत्त'अदर ती नाड़रदर।

1 पतरस 5:12

ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।