कोलोस्से 1:5 - पुना गच्छरना NT (BSI)

⁵ धर्मेस निमा गे मेर्ख़ा नू उइय्का रहचका ही मइय्याँ ता असरा तिम ई पत्त'अना अरा चोन्हा बर'ई। ई असरा ही पत्त नू मानी ही कत्था दौ कत्‍थन पत्ताचका बारी नू नीम मेंज ख़च्चकादर।

कोलोस्से 1:5 ပူးပေါင်းရင်းမြစ်များ

लू‍कस 12:33

औंगे निम्‍है खुर्जिन बीसा चि'आ अरा कीड़र गे चि'आ। अरा मल पच्‍चना ढिबा झोला अरा मल खंगर'ओ खुर्जी आबोन मेर्ख़ा नू बेन्‍द'आ। असन ख़लबर मल ख़ड़नर अरा सुरही मल मूख़ी।

त‍इरकर 10:36

नीम अख़दर का धर्मेस इस्राऎल आलर गे तंग्‍है दौ कत्‍था त‍इय्यस अरा येसु मसीस ती नॆ ओर्मर ही उर्बस हिकदस कोड़े ही दौ कत्‍था तिंगियस।

त‍इरकर 13:26

अना भ‍ईरो, अब्राहमसी जंईपुंई आलारो, अरा धर्मेसिन इल्‍चू नन-यहूदी आलारो, मेना। ई बछरना ही पत्त ता कत्‍था नम्‍है गुसन त‍इरकी र'ई।

त‍इरकर 23:6

फिन पौलुस अबड़र नू ओन्‍टा खोंड़हा सदुकीर ही अरा नन्ना खोंड़हा फरिसीर ही एन्ने अक्‍खस ती कोहाँ सभा नू चिच्चि‍यारस ती बाचस, “अना भ‍ईरो, ऎन फरिसी आलन अरा फरिसीर ही ख़द्द हिकदन, केचका आलर ही उज्‍जा चो'ओर एन्ने एंग्‍है असरा ही पत्त नू एंग्‍है नेंव‍ई मना लगी।”

त‍इरकर 24:15

एंगा धर्मेस ती असरा र'ई, एकासे ईर गे हूँ र'ई का, उजगो आलर अरा पपहर इरबर ही उज्‍जा चो'अना मनो।

रोमी 10:8

लिकिन नेम्‍हा पुथी एन्ने ब'ई, “क‍त्‍था निम्‍है हेद्दे र'ई, ब‍ई नू अरा जिया नू र'ई।” ईद पत्त'अना ही कत्‍था हवे, एकदन ऎम तेंगा कुद्दम।

1 कोरिन्‍थ 13:13

अक्‍कु गा पत्त'अना, असरा, अरा चोन्‍हा इबड़ा तीनो उर्मी उल्ला बन्चकी र'ओ, लिकिन इबड़ा ती चोन्‍हा दिम कोहाँ र'ई।

1 कोरिन्‍थ 15:19

नाम ई ख़ॆख़ेल ही उज्‍जना गूटी गे लेका मसीस नू असरा उइय्यू र'अदत होले, नाम उर्मी आलर ती कोड़हे खत्रका दसा नू र'अदत।

2 कोरिन्‍थ 5:19

ईद एन्ने हिके का धर्मेस ख़ॆख़ेल ता ओर्मा आल जातियर ही अक्‍का-बलका गुट्ठिन मल गन'अरकी आरिन मसीस नू तंग्‍है गने मेसाबाचस ती ई मेसाब'अना ही कत्थन एमा सोंपचकादस।

2 कोरिन्‍थ 6:7

मानी कत्थन तेंगा कुद्दना नू, धर्मेसी सवंग नू, अरा उजगो ही कमहड़न तीना अरा डेब्‍बा ख़ेक्खा नू धरना नू ऎम एम्है गोवाह आबोन ऎद्ददम।

गलातिया 2:14

ऎन ईरकन का आर ही उज्‍जना ओक्‍कना दौ कत्‍था ही मानिम ती बिड़दो र'ई। ख़ने ऎन ओर्मर ही मुन्‍दहारे पतरसिन बाचकन, “नीन यहूदीर नू कुन्‍द्रकादय, यहूदीर ही लेक्‍खा मला, लिकिन नन-यहूदीर ही लेक्‍खा उज्‍जदय। होले नीन नन-यहूदीरिन यहूदीर ही नॆग आबोन धर'आ गे एकासे ब'आ ओंग्दय?

गलातिया 2:5

लिकिन ऎम गा दौ कत्‍था ही मानी आबो निम्‍है गने कम्रकी र'आ गे बिद्दकम। औंगे अबड़र ही मुन्‍दहारे ऎम एमन ओन घड़ी गे हूँ आर ही किइय्या मना मल चिच्‍कम।

गलातिया 5:5

एन्‍देरगेका ऎम गा नेम्‍हा बॊलता ती पत्त'अना गने धर्मेस नमा गच्छरका उजगो ख़क्‍खा गे पाब ऎरदम।

इफेसुस 1:13

अन्नेम नीम हूँ गा मानिम कत्‍थन एन्ने हवे का निमा गे नाड़रनन चि'ऊ दौ कत्‍थन मेंजकर ख़ने, मसीस नू मंजकर केरकर। अरा नीम मसीसिन पत्ताचकर ख़ने, धर्मेस चि'आ गे गच्छरका नेम्‍हा बॊलतस ती आस निम्‍है मइय्याँ मरका नंजस।

इफेसुस 4:21

नीम मानिम नुम आसी पत्त नू मेंजकर। अरा येसुस नू र'ऊ मानी ही लेक्खा आसी पत्त नू नीम सिखाबाचका केरका रहचकर।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

1 थेस्‍सलोनिकॆयर 2:13

ई चड्डे निमा गे ऎम धर्मेसी दौ कत्‍थन तिंकम, ख़ने नीम अदिन आलर ही मला धर्मेसी कत्‍था अक्‍कर ती इं‍झरकर। अरा ईद मानिम नू धर्मेसी कत्‍था हवे, एकदा नीम पत्त'ऊ आलर ही जिया नू उज्‍जाली। औंगे ऎम सगर घड़ी धर्मेसी धन्‍यवाद नन्‍दम।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

1 तीमोथियुस 1:15

ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।

2 तीमोथियुस 4:8

अक्‍कु एंगा उजगो ही मुकुट इनाम उइरकी र'ई। उजगो गने रायबड़ी ननू धर्मेस अदिन रायबड़ी उल्‍ला नू एंगा चि'ओस। एंगा लेका मला आसी बरनन पाब ईरू ओर्मर गे चि'ओस।

तीतुस 1:2

ई पत्त'अना अरा लूर जनमजुग उज्‍जना ही असरा नू ती बर'ई एकाद धर्मेस ख़ॆख़ेलन गढ़ना ही मुन्‍द तिम गच्‍छरकादस। अरा धर्मेस मल ठकदस।

इब्रानी 7:19

मूसासी नॆग एन्‍द्रन हूँ बड़ियर नना पोल्‍ला। लिकिन अक्‍कुन नमा गे ओन्‍टा कोड़हे असरा चितारकी र'ई, आद ती नाम धर्मेस गुसन अंड़सदत।

1 पतरस 2:2

अरा पुना कुन्‍द्रका ख़द्दर दुदही गे तरसारनर अदही लेक्‍खा नीम हूँ सुध बॊलता ही दुदही गे तरसारना नू र'आ, होले आद ती नीम निम्है नाड़रना नू पूरा परद'ओर।

1 पतरस 3:15

लिकिन नीम मसीसिन निम्‍है उज्जना नू उर्बस ब'अरकी इंझ्ररकी आसिन मईन नना। अरा नेकईम मसीसी मइय्याँ ता निम्है असरा ही पत्त नू इन्द्रिइम मेन्नर होले, आर गे अदही पत्त नू बुझुरत'आ गे सगरो सपड़ारका र'आ।

2 पतरस 1:12

औंगे इबड़ा कत्था गुट्ठिन सगरो सुरता नन्ताते र'ओन। नीम इबड़न मुन्द तिम अक्कादर, अरा अक्कुन इबड़ा कत्था गुट्ठी नू मानिम नू बन्चका र'अदर। अन्नु हूँ अउरिम सुरता नन्त'आ बेद्ददन।

1 यॊहन 3:3

एका ओर्तस आस मइय्याँ एन्ने लेक्खा असरा उइय्दस, आस मसीस नेम्हा र'अना लेक्खा तंगन नेम्हा उइय्दस।