कोलोस्से 1:29 - पुना गच्छरना NT (BSI)

²⁹ अदगेम ऎन एंग्है नू सवंग गने नलख ननू आसी पया लेक्‍खा जिया कया ती अर्ज'अदन।

कोलोस्से 1:29 ပူးပေါင်းရင်းမြစ်များ

लू‍कस 13:24

“हाँ, औंगे सकुड़ बली ती मेर्ख़ा कोर'आ गे चिहुट नना, ऎन निमन ब'अदन, बग्‍गे आलर गा कोर'आ बेद्दोर, लिकिन कोर'आ पोल्‍लोर।

रोमी 15:20

एसन एसन मसीसी पत्त नू मल्ला मेन्‍तारका असानिम ऎन दौ कत्‍थन मेन्‍त'आ बेद्ददन। नन्नर कलीसिया ऒर नंजका अड्डा नू ऎन दौ कत्‍था मेन्‍त'आ मल बेद्ददन।

रोमी 15:30

अना एंग्‍है भ‍ईरो! नम्‍है उर्बस येसु मसीस ती अरा नेम्‍हा बॊलतासी चोन्‍हा ती ऎन निम्‍है गुसले ने'अदन का, एंगा गे एंग्‍है गने धर्मेसिन गोहरारना नू बोथ्रका र'आ,

1 कोरिन्‍थ 12:11

इबड़ा जम्मा आ ओन्‍टे बॊलतस दिम नन्‍त'अदस, अरा आस तंग्‍है मने लेक्‍खा ओर्त ओर्तोस गे ख़ट्टदस चि'अदस।

1 कोरिन्‍थ 12:6

अरा धर्मेसी नलख गुट्ठी गा कैनो मदहे र'ई, लिकिन ओन्‍टेम धर्मेस उर्मी आलर नू उर्मी नलखन नन्‍दस।

1 कोरिन्‍थ 15:10

अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।

2 कोरिन्‍थ 11:23

आर लेका मसीसी जॊंख़र का? (ऎन लूर मलका बेसे एन्ने ब'अदन।) ऎन आरहिन ती हूँ बड़ियर जॊंख़न हिकदन। ऎन ई सुसर नलख नू कोड़हे अर्जाचकन, अरा बग्गे हॆल जेहेल नू पहाबाचकन‍, अरा कोर्रा ती बग्‍गे लौर मोक्‍कन, ऎन बग्गे हॆल खे'अना ती बछ्रकन।

2 कोरिन्‍थ 13:3

नीम गा इदही सबुती बेद्ददर का मसीस एंग्है त्रु ब'आलदस। अरा मसीस निम्है तरती पयहा मल्‍दस, लिकिन आस निम्है नू सवंगिय र'अस।

2 कोरिन्‍थ 5:9

औंगे नाम ई मॆद नू र'अदत मलता ई मॆद ती अम्बदत कालदत, उर्बासिन रिझ्रत'अना दिम नम्है मने र'ई।

2 कोरिन्‍थ 6:5

कोर्रा लौरना नू, जेहेल काना नू, हुलहुली गुट्ठी नू बझ्रना नू, कोड़हे अर्जाना नू, बिगर ख़न्द्रका नू, उबसना नू,

इफेसुस 1:19

अरा पत्त'ऊ आलर नमा गे आसी चि'अना मल जोक्खना तंग्है कोड़हे सवंग आबोन नीम अख़'ओर चि'ओर। ई सवंग आसी कोड़हे पया लेक्खम र'ई का धर्मेस मसीस नू ऎदस, एका बेड़ा आस मसीसिन केचका ती उज्‍जताचस चॊदस ती मेर्ख़ा नू तंग्‍है तीना चोक्‍ख ओक्‍ताचस।

इफेसुस 3:20

अक्कु नाम ने'अना ती महले सोचना ती कोड़हे बग्गे, नम्है नू नलख ननू आसी सवंग ही लेक्खा नमा गे नना गे सवंगिय र'अस, आस गे

इफेसुस 3:7

धर्मेसी सवंग एंग्हा नू नलख नन्ना ती एंगा चिच्का आसी मया ही इनाम ती ऎन ई दौ कत्‍था तेंगा गे सुसर'ऊ मंजकन।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

फिलिप्‍पी 1:30

अरा नीम एंग नू ईरकर, अरा एंगा गे अउर हूँ र'ई एन्ने अक्‍कु नीम मेन्दर, आ तिहा दिम निमा गे हूँ र'ई।

फिलिप्‍पी 2:13

एन्देरगेका धर्मेस निम्है नू नलख नन्दस, अरा तंग्‍है दौ चिताबुता ही लेक्खा नीम निम्है बॆस मने ती पॆस्र'आ गे अरा नना गे आस दिम सवंग चि'अदस।

फिलिप्‍पी 2:16

नीम उज्‍जना ही कत्‍थन धर'आ ती मेन्त'अना बारी नीम एन्नेम बिल्चोर। होले निम्है नू ता एंग्है कोड़हे चिहुट नन्ना महले अर्ज'अना अनभनियाँ मल मंजा एन्ने ऎन निम्है चड्डे मसीस ख़ॆख़ेल नू किर्रना उल्‍ला नू फुलई मनोन।

कोलोस्से 2:1

निमा गे अरा लवोदिकेया नगरे ता कलीसिया गे अरा एंगन मल ईरका अउर नन्ना ओर्मा पत्त'ऊ आलर गे ऎन एका कोड़हे चिहुट नन्दन एन्ने नीम अख़'आ गे ऎन बेद्ददन।

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

कोलोस्से 4:12

अरा मसी येसुसी जॊंख़स एपाफ्रास हूँ निमा गे मोंजरा नन्दस, आस हूँ निम्है आलस हिकदस। आस सगर घड़ी निमा गे गोहरारना गुट्ठी नन्तेम र'अदस का नीम पखड़ मनोर ती ओर्मा असरा गने धर्मेसी उर्मी मने नू बड़ियर इज्‍जका र'ओर।

1 थेस्‍सलोनिकॆयर 2:9

अना भईरो, नीम एम्‍है अर्जाचका अरा सस्‍तिन सुरत'अदर। ऎम नॆखा नू हूँ ओत्‍था अम्‍बोम मना, अदगेम ऎम उल्‍ला माख़ा नलख नंजकम ती निम्‍है नू धर्मेसी दौ कत्‍थन तिंकम।

2 थेस्‍सलोनिकॆयर 3:8

नॆख'आ गुसन हूँ ऎम सिथिया मंडी मल ओंडकम, ऎम उल्‍ला माख़ा कोड़हे नलख नंजकम ती ओंडकम ती ऎम निमा नॆका हूँ बोझा मल मंजकम।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

इब्रानी 12:4

नीम निम्है पाप ही बिड़दो ही तिहा नू निम्‍है जियन चि'अना गूटी हुरभेटा मल नंजकर।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।

दहदर मंजका कत्‍था 2:3

नीन खतिर नन्ना ती एंग्‍है नामे चड्डे दुक्‍खे चॊदकय, अन्नु हूँ हार मल मोक्‍कय।