कोलोस्से 1:2 - पुना गच्छरना NT (BSI)

² कोलोस्से नगरे नू मसीसी चड्डे नेम्‍हा अरा पत्त'अना जॊगे र'अना धर्मेसी आलर गे ई चिठिन लिखदम। नम्‍है धर्मे बंगस ती निमा गे मया अरा सान्‍ति मनन नेकअन।

कोलोस्से 1:2 ပူးပေါင်းရင်းမြစ်များ

त‍इरकर 9:13

लिकिन हनानियास आनाकिर्ताचस, “उर्बायो! ऎन कैनो बग्‍गे आलर ती मेंजकादन का ईस येरुसलॆम नू निंग्‍है नेम्‍हा आलारिन नगदे डाहचकाचस।

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

1 कोरिन्‍थ 1:2

कोरिन्‍थ नगरे नू मसी येसुस नू नेम्‍हा मन्तारका अरा नेम्‍हा मना गे मॆख़्रका धर्मेसी कलीसिया गे अरा नमा अरा आर ही उर्बस नम्‍है येसु मसीसी नामेन उर्मी अड्डा नू ऒड़ ननू ओर्मर गे ऎम लिखदम।

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

गलातिया 1:3

नम्‍है धर्मे बंगस अरा उर्बस येसु मसीस निमा मया अरा कोड़े चि'अदस नेकअन।

गलातिया 3:9

औंगे नॆ पत्त'अना नू र'अनर, आर पत्त'ऊ अब्राहमस संगे आसीस ख़क्‍खनर।

इफेसुस 1:1

धर्मेसी मने ती मसी येसुसी तइरकन पौलुस [इफेसुस नगरे ता] मसी येसुसिन पत्त'ऊ नेम्‍हा आलर गे ई चिठिन लिखदन।

इफेसुस 6:21

अक्कु एम्है चोन्हा भईस उर्बस नू पत्त'अना जॊगे जॊंख़स तुख़िखोस एंग्है पत्त नू उर्मिन निमा गे तेंगोस। होले नीम हूँ ऎन एकासे र'अदन अरा एन्देर ननालदन उर्मिन अख़'आ ओंगोर।

फिलिप्‍पी 1:1

मसी येसुसी जॊंख़म पौलुस अरा तीमोथियुस फिलिप्‍पी नगरे नू मसी येसुसी र'अना उर्मी नेम्‍हा आलर‍ गे अरा आर ही गने कलीसिया ही ईरु-ख़ूजू मुद्धर गे अरा कलीसिया ही ईरू-ख़ूजुर गे ई चिठिन लिखदम।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।

2 पतरस 1:2

धर्मेसिन अरा नम्है उर्बा येसुसिन अख़ना लूर ती निमा गे मया अरा कोड़े बग्गे ती बग्गे मन्नुम कालन नेकअन।

यहूदा 1:2

धर्मेस निमा गे सोग्गे अरा सान्ति अरा चोन्हा कोड़हे ती कोड़हे चि'अदस नेकअन।

दहदर मंजका कत्‍था 1:4

ऎन यॊहन आसिया देस ता अबड़ा सतियो कलीसिया गुट्ठी गे एन्देर लिखदन का: नॆ र'अदस, अरा रहचस, अरा बर'ऊ र'अदस आ धर्मेस ती निमा मया अरा कोड़े बर'अन नेकअन। अरा आसी बॆल-गदिया मुन्दहारे र'ऊ सतियो बॊलता गुट्ठी ती,