कोलोस्से 1:17 - पुना गच्छरना NT (BSI)

¹⁷ अरा उर्मी आलॊ गुट्ठी गढ़्रका ही मुन्द आस र'अदस, अरा उर्मी आलॊ गुट्ठी आस नुम तम्है तम्है अड्डा नू बन्चकी र'ई।

कोलोस्से 1:17 ပူးပေါင်းရင်းမြစ်များ

यॊहनस 17:5

अरा अना एंग्‍है बंगायो, ख़ॆख़ेल ही मन्‍ना ती मुन्‍द निंग्‍है गने एंगा गे रहचका महबा ती अक्‍कु निंग्‍है मुन्दहारे एंगन महबा नना।

यॊहनस 8:58

येसुस बाचस, “ऎन निमन मानिम ब'अदन, अब्राहमस कुन्‍द्रस ती मुन्‍द तिम ऎन र'अदन।”

त‍इरकर 17:28

एन्‍देरगेका नाम आसी नू उज्‍जदत अरा कुद्दत नुंगदत अरा बड़ियर र'अदत। एकासे का निम्‍है जोक्‍क डंडी लिख'उर बाचकानर, ‘ऎम गा आसी ख़द्दम हिकदम।’

1 कोरिन्‍थ 8:6

अन्नु हूँ नमा गे ओन्‍टे लेका धर्मे बंगस र'अस, आस तिम उर्मी गढ़रा, अरा आस गेम नाम उज्‍जा लगदत। अरा नमा गे ओन्‍टे लेका उर्बस र'अस, आस दिम येसु मसीस, आस तरतिम उर्मी गढ़रा, अरा आस तरतिम नाम उज्‍जा लगदत।

कोलोस्से 1:15

मसीस गा मल ईथ्र'ऊ धर्मेसी रूपे नू र'अदस, अरा सौंसे गढ़्रका ही कोहाँ हिकदस, अरा धर्मेसी जेट्ठा ख़द्द हिकदस।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

इब्रानी 13:8

येसु मसीस केरका उल्‍ला अरा इन्ना अरा उर्मी उल्‍ला ओन्‍टम र'अस, आस इकला हूँ मल बदलार'ओस।

दहदर मंजका कत्‍था 1:11

आ सड़ा एन्ने बाचा का, “एन्‍देर एन्‍देर नीन ऎरदय, अदिन ओन्टा पुथी नू लिख'आ ती, इफेसुस, स्मुरना, पेरगमोन, थुअतीरा, सरदीस, फिलदेलफिया, अरा लवोदिकेया नगरे ही सतियो कलीसिया गे तइय्या चि'आ।”

दहदर मंजका कत्‍था 1:17

आसिन ईरकन ख़ने, ऎन आसी ख़ेड्डे नू केचका लेक्‍खा खत्रकन केरकन। ख़ने आस तंग्है तीना ख़ेक्खन एंग्है मइय्याँ नंजस ती बाचस, “अमा एल्‍चा, ऎन मुन्द ता अरा ख़ॊख़ा ता हिकदन।

दहदर मंजका कत्‍था 1:8

नॆ र'अदस, अरा रहचस, अरा बर'ऊ र'अदस, अरा उर्मी ती सवंगिय र'अस, आ धर्मे उर्बस ब'अदस, “ऎन अल्‍फा अरा ओमेगा हिकदन।”

दहदर मंजका कत्‍था 2:8

स्मुरना नगरे ता कलीसिया ही पैकस गे नीन एन्ने लिख'आ का: नॆ मुन्द ता अरा ख़ॊख़ा ता र'अदस, अरा नॆ केच्‍चस केरस, लिकिन उज्‍जा चॊचस, आस इबड़ा कत्थन ब'अदस का: