कोलोस्से 1:13 - पुना गच्छरना NT (BSI)

¹³ आसिम नमन ऊख़ा ही आकुस ती नाड़ियस ती तंग्‍हा चोन्‍हा ख़द्दासी राजी नू मंखियस।

कोलोस्से 1:13 ပူးပေါင်းရင်းမြစ်များ

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 25:34

तहाँ ऎन बॆलन एंग्‍‍है तीना पक्‍खे ता आलारिन ब'ओन, ‘अना एंग्‍है बंगासी आसीस ख़क्‍खका आलारो, बरा, आ राजी ही अदिया ननू मना कला, एकदा हुल्‍लो ती निमा सपड़ाचका र'ई।

मत्तायोस 3:17

अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”

लू‍कस 13:24

“हाँ, औंगे सकुड़ बली ती मेर्ख़ा कोर'आ गे चिहुट नना, ऎन निमन ब'अदन, बग्‍गे आलर गा कोर'आ बेद्दोर, लिकिन कोर'आ पोल्‍लोर।

लू‍कस 22:53

ऎन गा उर्मी उल्‍ला धर्मेसी मन्दिर नू निम्‍है गने रहचकन। आ बारी नीम एंगन मल धरचकर। लिकिन अक्‍कुन गा निमा गे धर्मेस एन्ने नना गे चिच्‍चस, अरा ऊख़ा ही आकुस राजी ननी।”

यॊहनस 17:24

अना बंगायो, ख़ॆख़ेल ही कम्रना ती मुन्‍द नीन एंगन चोन्‍हा नंजका ती नीन एंगा चिच्का एंग्‍है महबन ईर ऎरा बेद्दनर। औंगे नीन एंगा चिच्का आलर ऎन एक्‍सन र'अदन असन आर हूँ र'आ गे बेद्ददन।

यॊहनस 3:35

बंगस तंग्‍दासिन चोन्‍हा नन्‍दस, अरा उर्मिन आसी ख़ेक्खा नू सोंपचकादस।

यॊहनस 5:24

ऎन निमन मानिम ब'अदन, नॆ एंग्‍है कत्‍थन मेन्‍नर ती एंगन तइय्‍का धर्मेसिन पत्त'अनर, आर जनमजुग उज्‍जनन ख़क्‍खकानर। आर गे दंडे ही पॆसका इकला हूँ मल मनो। आर खे'अना ती कट्टियर अरा उज्‍जना नू कोरच ख़च्चकानर।

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

रोमी 14:17

एन्‍देरगेका धर्मेसी राजी ओन्ना-मॊख़ना ही पत्त ता मला, लिकिन ईद नेम्‍हा बॊलतस नू उजगो मन्ना अरा कोड़े अरा रिझ्रना ही पत्त नू र'ई।

2 कोरिन्‍थ 11:14

लिकिन ईद हैकट मन्ना ही कत्‍था मल्‍ली, एन्‍देरगेका सैतान हूँ गा बिल्‍चिना मेर्ख़ा पैकस लेक्खा भॆंस ननी।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

इफेसुस 1:6

अदगे नाम आसी महबा ही मया गे ओहमा नन्दत नेकअन, एकदा आसी चोन्हा ख़द्दस येसुस नू नमा गे सिथियम चिच्‍चस।

इफेसुस 4:18

आर मानिम कत्थन बुझुरना नू पैहा र'अनर, अरा आर धर्मेसी चि'अना उज्‍जना ती छिन्‍डरका केरका ती उज्जनर। ईद तम्है जिया बेड़हा चड्डे मंजका आर ही लूर मलका ती मंजा।

इफेसुस 5:5

नीम इदिन अख़ना दिम र'ई का पेहरन ही सोतरा नलख ननुस महले एकअम रकम ही सोतरा नलख ननुस महले मूर्तिन ऒड़ लग्गुसी जोक्खा लोभिया मसीसी अरा धर्मेसी राजी नू काना ही आसीस आबोन मल ख़क्खोस।

इफेसुस 5:8

एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

1 थेस्‍सलोनिकॆयर 2:12

ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

इब्रानी 2:14

एन्‍देरगेका धर्मेसी ख़द्दर अहड़ा अरा ख़ॆंस ती कम्रका मनवा आलॊ हिकनर, औंगे येसुस हूँ आर लेक्‍खा अहड़ा अरा ख़ॆंस नू मंजस। तंग्‍है खे'अना ती खे'अना ही अदिया उइय्यू सैतान आबोन नास नना गे आस एन्ने मंजस।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

2 पतरस 1:11

अरा नम्है उर्बस अरा नाड़ुस येसु मसीसी मुंजा मलका राजी नू कोड़हे परिघ'अना ती कोर'ओर।

1 यॊहन 2:8

अन्नु हूँ एका पॆसकन ऎन अक्कुन लिखदन, आद पुना हवे। ई पॆसका ही मानिम मसीस नू अरा निम्है नू हूँ ईथ्र'ई, एन्देरगेका ऊख़ा तरकूटी मनाली अरा मानी बिल्ली अक्कु बिल्चाली।

1 यॊहन 3:14

नाम अख़दत का नाम नम्है संगे मसी भईर गने चोन्हा नन्ना ही चड्डे खे'अना ती उरखकत ती उज्जना नू कोरचकत। लिकिन एका ओर्तस तंग्है संगे मसी भईर गने चोन्हा मल नन्दस, आस अक्कु गूटी खे'अना ही तबे नू र'अदस।

1 यॊहन 3:8

एका ओर्तस पाप नन्तेम र'अदस, आस नाद ही आलस र'अदस, एन्देरगेका नाद गा ऒड़ तिम पाप नन्तेम र'ई। लिकिन धर्मेसी ख़द्दस नाद ही नलख गुट्ठिन नठाब'आ गेम दहदर मंजस।