कोलोस्से 1:10 - पुना गच्छरना NT (BSI)

¹⁰ होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

कोलोस्से 1:10 ပူးပေါင်းရင်းမြစ်များ

यॊहनस 15:16

नीम एंगन मल चज्‍जकर, लिकिन ऎन निमन चज्जिकादन, अरा नीम कालरकी ख़जपा चि'आ गे अरा निम्‍है ख़ंजपा बन्चका र'आ गे निमन ओक्‍ताचकादन। होले नीम एंग्‍है नामे ती बंगस गुस्ते इन्द्रिइम हूँ ने'ओर, अदन आस निमा गे चि'ओस।

यॊहनस 15:8

नीम कोड़हे ख़ंजपा चि'अदर ती एंग्‍है चेलर एन्ने ऎद'आ। इत्रुतिम एंग्‍है बंगस महबा ख़क्खोस।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

रोमी 1:13

अना भ‍ईरो! ऎन निमन अख़त'आ बेद्ददन का ऎन घड़ी घड़ी निम्‍है गुसन बर'आ गे चिता बुता नंजकन का निमन बॊलता ही उज्‍जना नू परदा गे सहाड़ा नना ओंगोन एकासे ऎन नन्ना नन-यहूदी आलर गे सहाड़ा नंजकन, लिकिन ऎन बर'आ पोलकन।

रोमी 4:12

अरा अब्राहमस खतना मंजका आलर ही हूँ बंग र'अदस, एका ओर्तर खतना लेका मल मंजका र'अनर, लिकिन अब्राहमसी पत्त'अना लेक्‍खा ऎकनर एकासे आस खतना मंजका ती मुन्द पत्ताचस।

रोमी 6:4

इकला नाम नॊड़रकत नाम मसीस गने माड़रकत अरा आसी खे'अना नू मेसरकत। होले एकासे मसीस बंगासी महबा ती निन्‍द्रका कोड़हे सवंग ती केचका ती उज्‍जा चॊचस, अन्नेम नाम हूँ ओन्टा पुना उज्‍जना उज्‍जा ओंग्‍दत।

2 कोरिन्‍थ 2:14

लिकिन धर्मेसी धन्‍यावाद मनन, आस सगरो जित'आ गे मसीस नू नमन कड़हाब'अदस, अरा आसी पत्त ता लूरन एम्‍है ती गोट्टा अड्डा नू महकारना लेक्खा बींड़दस।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

2 कोरिन्‍थ 5:9

औंगे नाम ई मॆद नू र'अदत मलता ई मॆद ती अम्बदत कालदत, उर्बासिन रिझ्रत'अना दिम नम्है मने र'ई।

2 कोरिन्‍थ 9:8

धर्मेस उर्मी बरकतन निन्दका ती निमा चि'आ गे उंगू र'अस। औंगे निमा चाड़ र'ई अबड़ा उर्मिन उर्मी उल्ला ख़क्खोर, अरा उर्मी दौ नलख नू नीन्द्र'ओर क'ओर।

इफेसुस 1:17

अरा नीम धर्मेसिन अउरिम कोड़हे अख़'आ गे, आस निमन लूर अरा चलख़रनन चि'ऊ नेम्हा बॊलतस ती नीदा गे गोहरारदन। इदगे नम्है उर्बस येसु मसीसी धर्मेस महबा ही बंगस गुसन गोहरारते र'अदन।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

इफेसुस 4:13

एका गूटी नाम पत्त'अना नू अरा धर्मेसी ख़द्दासी लूर नू ओन्टे मंज ख़च्‍चोत आ गूटी ईद मन्तेम र'ओ का, नाम मसीस नू पखड़ आल मनोत, अरा उर्मी रकम नू मसीस लेक्खा मनोत क'ओत।

इफेसुस 5:10

औंगे उर्बासिन एन्देर रिझ्रत'ई अदिन नीम अख़'आ हो'आ।

इफेसुस 5:15

औंगे नीम एकासे उज्जदर अदही पत्त नू चिहुंक र'आ। लूर मलका आलर बेसे अमा उज्जा, लिकिन लूरगर बेसे उज्जा।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

फिलिप्‍पी 4:18

ऎन नीम तइय्का उर्मिन ख़क्खकन, ईद एंग्है चाड़ ती बग्गे र'ई। नीम एपाफ्रोदितोस ती तइय्का इनाम गुट्ठिन ख़क्‍खकन ती ऎन उड़चकन केरकादन। आद गा महकारना दान अरा इंझ्रना जॊगे दाँड़े बेसे हवे, एकदा धर्मेस गे दौ लग्‍गी।

कोलोस्से 2:19

अरा आस सौंसे मॆद ही कुक्कु मसीस नू जोड़रका मल र'अदस। मसीस तिम सौंसे मॆद ओट्टा ओट्टा अरा अंग अंग जोड़र'ई ती पॊसर'ई ती ओन संगे गुंथर'ई ती धर्मेसी चि'ऊ पर्दना ती पर्दनुम क'ई।

कोलोस्से 2:6

औंगे नीम एकासे मसी येसुसिन निम्है उर्बस एन्ने इंझ्रकादर, अन्नेम आसी गने मेस्रका ती उज्जते र'आ।

कोलोस्से 3:20

अना ख़द्दारो, उर्मी कत्‍था नू तम्है तम्है अयंग बंगर ही पॆसकन मेना, एन्‍देरगेका ईद उर्बस गे दौ लग्‍गी।

कोलोस्से 4:5

नॆ पत्त'ऊ मलनर आर गने लुरगर गने ओक्‍का इज'आ, अरा उर्मी मोका आबोन दौ गने बउर'आ।

1 थेस्‍सलोनिकॆयर 2:12

ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

2 तीमोथियुस 2:4

एका ओर्तस सैनस र'अदस, आस तंगन ख़ॆख़ेल ता नलख गुट्ठी नू मल बझाब'अदस, लिकिन आस फउद मुद्धासिन खुसमारत'आ गे बेद्ददस।

तीतुस 3:1

पत्त'ऊ आलारिन सुरता नन्‍त'आ का आर गे राजी ननुर अरा अक्‍स'उर ही आकुस नू र'अना र'ई। अरा आरहीन पॆस्रना ती उर्मी दौ नलख गे सपड़ारका र'अना र'ई।

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

इब्रानी 11:5

पत्त'अना ती हेनॊख़स अम्‍बोस खे'आ बाचस ती उज्‍जना मेर्ख़ा चॊदस होच्‍चस। धर्मेस आसिन होच्‍चस ख़ने आस मल ख़क्‍खरस। आस धर्मेस ती होच्‍का ती मुन्‍द आस धर्मेस गे पत्तार'ऊ आलस एन्ने बॆस गोवाह ख़क्‍खियस।

इब्रानी 13:16

अरा दौ नना गे अरा निम्‍है जिनिसन चाड़ नू र'उर गे ख़ट्टा गे अमा मोध्र'आ, एन्‍देरगेका एन्ने लेक्‍खा दाँड़े गुट्ठी तिम धर्मेस रिझ्रदस।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।

2 पतरस 1:8

एन्देरगेका इबड़ा उर्मी गुन्न गुट्ठी नू नीम बड़ियर मन्नुम परदनुम क'ओर होले, नम्है उर्बस येसु मसीसिन अख़ना लूर नू नीम परदा गे अरा ख़ंजपा ओन्द्र'आ गे इबड़ा सहाड़ा ननो।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।

1 यॊहन 3:22

नाम आसी पॆसका गुट्ठिन पॆस्रना ती, अरा आसिन एन्देर खुसमारती अदिन नन्ना ती, नाम एन्देर एन्देर आसिन ने'अदत अदिन नाम आस ती ख़क्खदत।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

3 यॊहन 1:6

आर निंग्है चोन्हा ही पत्त नू इय्या ता कलीसिया ही मुन्दहारे गोवाह चिच्चर। धर्मेसिन खुसमारत'अना ही लेक्खा नीन अउरिम एन्ने आलर गे आर ही डहरे ऎकना नू संगरा नन्नुम र'अना र'ई।