त‍इरकर 9:41 - पुना गच्छरना NT (BSI)

⁴¹ पतरस तंग्‍है ख़ेक्खा ती अदिन चॊदस। अरा आस पत्त'ऊ आलारिन अरा रड़ियाहीरिन मीख़ियस ती अदिन आर गे उज्‍जना ऎदस।

त‍इरकर 9:41 ပူးပေါင်းရင်းမြစ်များ

मरकुस 1:31

ख़ने आस अदही गुसन कालरकी अदिन ख़ेक्खन धर'अरकी चॊदस। लॆम अदही नाड़ी तम्मिया केरा। तहाँ आद चॊचा ती आर गे ओन्ना-मॊख़ना चिच्‍चा।

लू‍कस 7:12

आस नगरे ही फाटक गुसन अंड़सियस ख़ने, आलर ओन्‍टा केचका ‍आलासिन चेड़'अरकी बहरी हो'आ लगियर। आस तंगियो ही ओन्‍टे लेका ख़द्दस रहचस। अरा आद रड़ीयाही रहचा। अरा आ नगरे ता ढ़ॆर आलर अदही गने रहचर।

लू‍कस 7:15

ख़ने केचका आलस चॊचस, अरा ब'आ हेलरस। अरा येसुस आसिन तंगियो गे चिच्‍चस।

त‍इरकर 20:12

अरा आर आ जॊंख़ासिन उज्‍जना एड़पा होच्चर केरर अरा आर खुसमारर।

त‍इरकर 3:7

अरा पतरस आसी तीना ख़ेक्खन धरचस ती चॊदस। आ बारिम लेंगड़ासी ख़ेड्डे अरा मूका गुट्ठी नू पैया बरचा केरा।

त‍इरकर 6:1

अबड़ा उल्‍ला नू पत्त'ऊ आलर बग्‍गे मन्नुम कालालियर ख़ने, युनानी भखा कछनख्र'ऊ यहूदी पत्त'ऊ आलर इब्रानी भखा कछनख्र'ऊ यहूदी पत्त'ऊ आलारिन कुटमुटर'आ हेलरर, एन्‍देरगेका एम्‍है रड़ियाहीर गे उर्मी उल्‍ला ता मंडी बटा बॆस लगे मल ख़क्‍ख्र'ई।

त‍इरकर 9:13

लिकिन हनानियास आनाकिर्ताचस, “उर्बायो! ऎन कैनो बग्‍गे आलर ती मेंजकादन का ईस येरुसलॆम नू निंग्‍है नेम्‍हा आलारिन नगदे डाहचकाचस।

त‍इरकर 9:32

पतरस जम्मा अड्डा नू कुद्दनुम कुद्दनुम उन्‍दुल लुद्दा नगरे नू र'ऊ नेम्‍हा आलर गुसन हूँ केरस।

1 तीमोथियुस 5:3

रड़ियाहीर नू नॆखा संगरा ननू नॆ हूँ मलकर आर गे संगरा नना।

1 तीमोथियुस 5:5

एका रड़ियाही मानिम नू संगरा ही जॊगे र'ई अरा तान लेका र'ई, होले आद धर्मेस म‍इय्याँ असरा उइय्यी अरा उल्‍ला माख़ा ने'अना अरा गोहरारना नू बुथरकी र'ई।