त‍इरकर 9:31 - पुना गच्छरना NT (BSI)

³¹ आ उल्‍ला सौंसे यूदेया गलिलेया अरा समारिया नू कलीसिया नू सान्‍ति ख़क्‍खरा अरा बड़ियर मन्नुम केरा। अरा पत्त'उर उर्बासी एल्‍चना नू उज्‍जा लगियर। अरा आर नेम्‍हा बॊलतासी जिया सालना ख़क्‍खियर ती गन्‍ती नू परदनुम काला लगियर।

त‍इरकर 9:31 ပူးပေါင်းရင်းမြစ်များ

त‍इरकर 12:24

धर्मेसी कत्‍था बढ़रनुम अरा बिंड़रनुम केरा।

त‍इरकर 16:5

औंगे कलीसिया गुट्ठी पत्त'अना नू बड़ियर मन्नुम केरा अरा अबड़र ही गनती बढरनुम काला लगिया।

त‍इरकर 2:47

अरा धर्मेसी ओहमा ननालियर ती उर्मी आलर ती मया ख़क्‍खियर। अरा नॆ नॆ नाड़र'आलियर आरिन उर्बस उर्मी उल्‍ला आर नू मेस'आलियस।

त‍इरकर 20:32

अक्‍कु ऎन निमन धर्मेस गे अरा आसी मया ही कत्‍था नू अम्‍बदन, आद निमन परद'आ उंगी, अरा धर्मेस नेम्‍हा मंजका उर्मी आलर नू मेस्र'अरकी आसीस चि'आ उंगी।

त‍इरकर 5:11

गोट्टा कलीसिया नू अरा एका बग्‍गे आलर इबड़ा कत्‍थन मेंजकाचर अबड़ा ओर्मर म‍इय्याँ इल्चका कोरचा केरा।

त‍इरकर 6:7

तहाँ धर्मेसी कत्‍था बिंड़रनुम केरा अरा येरुसलॆम नू पत्त'ऊ आलर ही गनती बग्‍गे मन्नुम केरा। अरा बग्‍गे यहूदी नैगर हूँ पत्ताचर अरा मनचर।

त‍इरकर 8:1

स‍उलस स्‍तेफनोसिन पिटना नू हुँकारी नंजकाचस। अउलम येरुसलॆम ता कलीसिया गे कोड़हे खिलपत बरचा। त‍इरकारिन अम्‍बर जम्मर गोट्टा यूदेया राजी अरा समारिया राजी नू बींड़रर केरर।

रोमी 14:17

एन्‍देरगेका धर्मेसी राजी ओन्ना-मॊख़ना ही पत्त ता मला, लिकिन ईद नेम्‍हा बॊलतस नू उजगो मन्ना अरा कोड़े अरा रिझ्रना ही पत्त नू र'ई।

रोमी 14:19

औंगे नाम एकदा कोड़े आबोन उन्‍द्र'ई अरा अपन ती नन्नर नू मेसरनन बड़ियर ननी अदिन नना गे चिहुट नन्‍दत नेकअन।

रोमी 15:13

धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्‍द'ओस, एन्‍देरगेका नीम आसिन पत्त'अदर। होले नेम्‍हा बॊलतासी सवंग ती निम्‍है असरा नीन्‍दनुम क'ओ।

रोमी 5:5

असरा ती लज्‍जे मॊख़रना मल मनी, एन्‍देरगेका धर्मेस नमा गे चिच्का नेम्‍हा बॊलतस ती तंग्‍है चोन्‍हा आबोन नम्‍है जिया नू चाचकादस।

1 कोरिन्‍थ 14:12

निमा गे हूँ अन्नेम हिके। नीम बॊलतासी इनाम गुट्ठिन ख़क्‍खा गे मने नन्‍दर ख़ने, अबड़ा ती कलीसियन बड़ियर नन्‍त'आ गे बेद्दा।

1 कोरिन्‍थ 14:26

तहाँ अना भ‍ईरो, नीम एन्‍देर नन्ना र'ई? नीम महबा नना गे ख़ॊंड़रदर ख़ने, ओर्तोस अस्सना-पाड़ना पाड़ोस, ओर्तोस सिखाब'ओस, ओर्तोस तंग्‍है नू दहदर मंजका कत्‍थन तेंगोस, ओर्तोस बलना भखा नू कछनख्र'ओस, ओर्तोस अदही मने तेंगोस। लिकिन इबड़ा ओर्मा कलीसियन बड़ियर मन्‍त'आ गे नन्ना र'ई।

2 कोरिन्‍थ 10:8

उर्बस एमा गे चिच्का अदिया ही पत्त नू ऎन कोड़हे फुलई मन्दन होले हूँ, आ फुलई मन्ना ही पत्त नू ऎन मल लज्रदन, एन्देरगेका निमन नठार'आ गे मला, निमन परद'आ गेम आस आ अदियन चिच्का र'अस।

2 कोरिन्‍थ 12:19

ऎम निम्है मुन्दहारे एमन बिगर बदी ही बॆस आलम ऎद'आ गे अक्कु गूटी चिहुट नन्दम एन्ने नीम सोचदर का? मला, ऎम धर्मेसी मुन्दहारे मसीस नू ब'आलदम। अना चोन्हा आलारो! नीम बॊलता नू परदा गेम ऎम उर्मिन नन्दम।

2 कोरिन्‍थ 13:10

ऎन निम्है ती गेच्छा नू र'अना बारी इबड़ा कत्थन इदगे लिखदन का, ऎन निम्है गुसन बर'ओन ख़ने, उर्बस एंगा चिच्का अदिया ती निम्है गने सकत गने इन्द्रिइम नन्ना मल मनो। एन्‍देरगेका एंगा ई अदिया निमन बगड़'आ गे मला कम'आ गे चीतारकी र'ई।

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

इफेसुस 4:12

सुसर नलखन नना गे नेम्हा आलारिन सपड़'आ गेम आस ई इनाम गुट्ठिन चिच्चस, होले मसीसी मॆद कलीसिया बड़ियर मन्नुम क'ओ।

इफेसुस 4:16

आसी तबे नू सौंसे मॆद ओन संगे पखड़ जोड़र'ई। अरा उर्मी अंग तंग्है तंग्है मुध नलखन ननी, इत्रु ती नन्ना अंग गुट्ठी हूँ पर्दी क'ई। होले सौंसे मॆद कोड़ेम पर्दी अरा चोन्हा नू निन्दनुम क'ई।

इफेसुस 4:29

एकअम मलदौ कत्‍था निम्है बई ती मल उरखना र'ई। लिकिन मिनुर गे दौ ख़क्खा गे, आर ही चाड़ ही लेक्‍खा आरिन परदना ही संगरा ननू कत्था गुट्ठिन लेका ब'आ।

इफेसुस 5:21

अरा मसीसी मइय्याँ ता निम्है मईन ती नीम ओर्त ओर्तोसी तबे नू र'आ।

फिलिप्‍पी 2:1

औंगे नीम मसीसी र'अना ती जिया सालना, अरा चोन्‍हा ती डिढ, अरा नेम्हा बॊलतासी गने मेस्रका अरा दया अरा सोग्‍गे ऎरना र'अना ती,

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

1 थेस्‍सलोनिकॆयर 5:11

औंगे नीम अक्‍कुन नना लगदर अन्नेम ओर्त ओर्तोरिन रिझाब'आ अरा ओर्त ओर्तोरिन परदा गे संगरा नना।

1 तीमोथियुस 1:4

अरा तेंगना ख़ीरी गुट्ठी नू अरा मल मुंज्रना खुटी गुट्ठी नू तंम्‍‍है बेड़न अनभनियाँ मुंजनन अम्‍बा गे आना। इत्रु ती आनानखरना गुट्ठी लेका मनी, अरा धर्मेस नू आलर गे पत्त'अना ही उज्‍जना उज्‍जा गे संगरा मल मनी।

इब्रानी 4:9

औंगे ईद ईद'ई का धर्मेसी आलर गे ओन्‍टा मुद्ध ख़न्न ऎख़्रना बेड़ा धर्मेस ती उइर ख़च्चरकी र'ई।

यहूदा 1:20

लिकिन अना दुलारो, नीम गा निम्है कोड़हे नेम्हा पत्त'अना नू निम्है उज्जनन परद'आ, अरा नेम्हा बॊलतस नू गोहरारते र'आ।