त‍इरकर 9:23 - पुना गच्छरना NT (BSI)

²³ एन्ने एन्ने नू नगदे उल्‍ला मंजका ख़ॊख़ा, यहूदी आलर आसिन पिटा गे चिताबुता ओड्डर।

त‍इरकर 9:23 ပူးပေါင်းရင်းမြစ်များ

त‍इरकर 13:50

लिकिन यहूदीर जोक्‍क म‍ईन जॊगे धर्मेसी इल्‍चू नन-यहूदी मुक्‍कारिन अरा नगरे ता मुद्धारिन पौलुस अरा बरनबासी बिड़दो इज्‍जताचर ती आरिन सस्ती नंजर। अरा आरिन तम्‍है चक ती बहरी ओथ्रर चिच्‍चर।

त‍इरकर 14:19

इदही ख़ॊख़ा जोक्‍क यहूदीर अन्‍तियोख़ेया अरा इकोनियोन नगरे ती बरचर। अरा आर गोंहड़ा आबोन तम्‍है गने भिड़ाबाचर। अरा आर पौलुसिन पखना ती लोड़गर ती लौचर अरा आस केच्‍चस बाचर ती आसिन नगरे ती बहरी घिड्राचर होच्‍चर।

त‍इरकर 14:2

लिकिन एका यहूदीर मल पत्ताचर आर नन-यहूदीरिन तकाबाचर ती पत्त'ऊ आलर ही बिड़दो नू नन्‍ताचर।

त‍इरकर 15:26

ईर इरबारिम एन्ने आलर हिकनर का तम्‍है उज्‍जनन हूँ मल ऎररकी उर्बस येसु मसीस गे सुसर ननू आलर हिकनर।

त‍इरकर 20:3

असन तीन महिना पहाबाचस ती समुदर डहरे मन्नुम आस सीरिया राजी कालू रहचस। आ बारी आस गे खभर मंजा का यहूदी आलर आसिन पिटा गे चिताबुता कम'आ लगनर। ख़ने आस मकेदोनिया मन्नुम किर्रा गे तिगचस।

त‍इरकर 23:12

बिज्‍जिया ख़ने, जोक्‍क यहूदी आलर चिताबुता नंजर अरा किरया मोक्‍खर पौलुसिन पिटना गूटी ओनोत मला अरा मॊख़ोत मला।

त‍इरकर 9:16

ऎन आसिन तेंगोन का एंग्‍है नामे चड्डे आस गे एका बग्‍गे दुक्‍खे सारना र'ई।”

त‍इरकर 9:22

लिकिन स‍उलसी पया बड़ियर मन्नुम काला लगिया। अरा सबुती ती येसुस दिम मसी हिकदस एन्ने ब'अरकी दमसकोस ता यहूदी आलर ही ब‍इय्यन खप्‍पा बाचस चिच्‍चस।

2 कोरिन्‍थ 11:26

खनिम खनिम ऎन डहरे इक्‍कन। ऎन ख़ाड़ गुट्ठी ही अपलोक नू रहचकन। एंगा गे बच्चुर ती हूँ अपलोक बरचा, अरा यहूदीर ती हूँ अपलोक बरचा, अरा नन-यहूदीर ती हूँ अपलोक बरचा, अरा नगरे नू हूँ अपलोक बरचा, अरा टोड़ंग नू हूँ अपलोक बरचा, अरा समुदर नू हूँ अपलोक बरचा, अरा कसरहा भईर ती हूँ अपलोक बरचा।