त‍इरकर 9:20 - पुना गच्छरना NT (BSI)

²⁰ आस लॆम गोड़हा एड़पा गुट्ठी नू येसुसी पत्त नू तेंगा हेलरस का, “येसुस धर्मेसी ख़द्दस हिकदस।”

त‍इरकर 9:20 ပူးပေါင်းရင်းမြစ်များ

मत्तायोस 27:43

ईस तान धर्मेसी ख़द्दन बाचस ती धर्मेस मइय्याँ असरा नंजकादस। धर्मेस ईसिन पत्तारदस होले अक्‍कु आस ईसिन नाड़दस नेक‍अन।”

मत्तायोस 27:54

रोमी सैनर ही मुद्धस अरा आसी गने र'अरकी येसुसिन ख़ापा लगियर आर ख़ॆख़ेल नुक्रनन अरा अबड़ा मंजकन ईरियर ख़ने, आर नगदे इल्‍चियर अरा अनचकरर, अरा बाचर, “ईस मानिम नू धर्मेसी ख़द्दस रहचस।”

मत्तायोस 4:3

आ बेड़ा नू नाद बिढ़'आ गे येसुसी गुसन बरचा ती बाचा, “नीन धर्मेसी ख़द्दय होले इब़डा पखनन ब'आ का इबड़ा ओन्ना-मॊख़ना मनो क'ओ।”

यॊहनस 1:49

नतनऎलस आसिन आनाकिर्ताचस, “अना गुरु! नीन धर्मेसी ख़द्दय! नीन इस्राऎल ही बॆलय!”

यॊहनस 19:7

ख़ने यहूदीर आसिन आनाकिर्ताचर, “एमा गे नॆग र'ई, अरा आ नॆग ही लेक्‍खा ईस पिटना जॊगे र'अस, एन्‍देरगेका ईस तंगन धर्मेसी ख़द्दस ब'अदस।”

यॊहनस 20:28

ख़ने तॊमस आसिन बाचस, “अना एंग्‍है उर्बायो! अना एंग्‍है धर्मे!”

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

त‍इरकर 13:14

पौलुस दरा बरनबास पेरगॆ ती उरखर ती पिसिदिया राजी ही अन्‍तियोख़ेया बरचर। अरा आर ख़न्न ऎख़्रना उल्‍ला नू गोड़हा एड़पा नू केरर ती उक्‍कियर।

त‍इरकर 13:33

आस येसुसिन केचका ती उज्‍जताचस चॊदस ती आसी ख़द्दर नमा गे आ गच्‍छरकन मानिम नंजस। एकासे का दाऊदसी दोसर डंडी नू लिख्रकी र'ई, ‘नीन एंग्‍है ख़द्दय, इन्ना ऎन निंग्‍है बंग मंजकादन।’

त‍इरकर 13:46

पौलुस दरा बरनबास बिगर एल्‍चम बाचर, “ईद चाड़ रहचा का मुन्‍द निमा गे धर्मेसी कत्‍था तेंगना रहचा, लिकिन नीम इदिन मल इंझ्रदर, अरा नीम निमन मुंजा मलका उज्‍जना ख़क्‍खना जॊगे मल बुझुरदर। औंगे ऎम अक्‍कु इदिन नन-यहूदीरिन तेंगदम।

त‍इरकर 13:5

अरा आर सलामिस नगरे अंड़सियर ती यहूदीर ही गोड़हा एड़पा गुट्ठी नू धर्मेसी कत्‍था तिंगियर। यॊहन मरकुस आर ही गने रहचस ती आर ही सहाड़ा नना लगियस।

त‍इरकर 14:1

अक्‍कु इकोनियोन नगरे नू हूँ पौलुस दरा बरनबास यहूदी गोड़हा एड़पा नू कोरचर अरा एन्ने कत्‍था बाचर का यहूदीर अरा युनानी आलर इरिब जातियर बग्‍गे आलर पत्त'ऊ आल मंजर केरर।

त‍इरकर 16:13

ख़न्न ऎख़्रना उल्‍ला ऎम नगरे ही फाटक ती बहरी ख़ाड़ ही पिंडी नू गोहरारना अड्डा र'ई बाचकम ती केरकम। अरा ऎम असन उक्‍कम ती असन ख़ॊंड़रका जोक्‍क मुक्‍कर गने कछनख्र'आ हेलरकम।

त‍इरकर 17:10

पत्त'ऊ भइय्योर लॆम पौलुस दरा सीलासिन माख़ेच माख़ा बेरोया नगरे त‍इय्यर चिच्‍चर। अरा आर असन अंड़सियर ती यहूदीर ही गोड़हा एड़पा नू केरर।

त‍इरकर 17:17

औंगे आस गोड़हा एड़पा नू यहूदीर गने अरा धर्मेसी इल्‍चू नन-यहूदीर गने अरा बजार टोंका नू आलर ख़क्‍ख्र'आ लगियर आर ही गने उर्मी उल्‍ला कत्‍था बरता ननालियस।

त‍इरकर 17:2

पौलुस तंग्‍है चाल लेक्‍खा आर ही गुसन केरस अरा तीन ख़न्न ऎख़्रना उल्‍ला गूटी आर ही गने नेम्हा पुथी ती तिंगियस।

त‍इरकर 18:19

आर इफेसुस नगरे अंड़सियर। फिन पौलुस प्रिसका अरा अकुलासिन असानिम अम्‍बियस। अरा तान यहूदीर ही गोड़हा एड़पा नू केरस ती यहूदीर गने कत्‍था बरता ननालियस।

त‍इरकर 18:4

पौलुस उर्मी ख़न्न ऎख़्रना उल्‍ला गोड़हा एड़पा नू यहूदीर अरा युनानी आलर गने कत्‍था बरता ननालियस ती येसुसिन पत्त'आ गे बुझाब'आ गे चिहुट ननालियस।

त‍इरकर 19:8

फिन पौलुस तीन महिना गूटी गोड़हा एड़पा काला लगियस ती धर्मेसी राजी ही प‍त्त नू डिड़गर गने यहूदी आलारिन बुझाब'आ लगियस।

त‍इरकर 8:36

आर कानुम कानुम ओन अड्डा नू अम्मु गुसन अंड़सियर। ख़ने मंत्रीस बाचस, “ऎरा, इसन‍ अम्मु र'ई, एंगा नॊड़र'आ गे एन्‍देर बधा र'ई?”

त‍इरकर 8:37

[फिलिप्‍पोस बाचस, “नीन सौंसे जिया ती पत्त'अदय होले नीन नॊड़र'आ ओंग्दय।” मंत्रीस बाचस, “ऎन पत्त'अदन का येसु मसीस धर्मेसी ख़द्दस हिकदस।”]

त‍इरकर 9:22

लिकिन स‍उलसी पया बड़ियर मन्नुम काला लगिया। अरा सबुती ती येसुस दिम मसी हिकदस एन्ने ब'अरकी दमसकोस ता यहूदी आलर ही ब‍इय्यन खप्‍पा बाचस चिच्‍चस।

रोमी 1:4

आस नेम्‍हा बॊलतासी सवंग ती केचका ती उज्‍जा चो'अना ती धर्मेसी ख़द्दस नंज ऎदस। आसिम नम्‍है उर्बस येसु मसीस हवे।

गलातिया 1:16

अरा आस एग्‍है नू अरा एंग्‍है ती तंग्दासिन दहदर नना गे हुकमारस। एकत्रु ऎन नन-यहूदीर नू तंग्‍दासी दौ कत्‍थन तेंगा कुद्दोन। इदही ख़ॊख़ा ऎन एक‍अम आलर ती सलहा मल्‍ला मंजका।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

दहदर मंजका कत्‍था 2:18

थुअतीरा नगरे ता कलीसिया ही पैकस गे नीन एन्ने लिख'आ का: गौंगौंरना चिच्‍ची लेक्‍खा ख़न्न अरा पान्ताचका पितल लेक्‍खा ख़ेड्डे र'अना धर्मेसी ख़द्दस इबड़ा कत्था गुट्ठिन ब'अदस।