त‍इरकर 9:16 - पुना गच्छरना NT (BSI)

¹⁶ ऎन आसिन तेंगोन का एंग्‍है नामे चड्डे आस गे एका बग्‍गे दुक्‍खे सारना र'ई।”

त‍इरकर 9:16 ပူးပေါင်းရင်းမြစ်များ

मत्तायोस 24:9

आर निमन सस्‍ती नना गे धर'ओर, अरा निमन पिटोर, अरा उर्मी राजी ता आलर नीम एंग्‍है गने चॊंख़्र'उर र'अना चड्डे निमन बिड़दो ननोर।

मत्तायोस 5:11

एकाबारी आलर नीम एंग्‍है गने चॊंख़्र'उर र'अना चड्डे निमन हींड़नर अरा दुक्‍खे सारत'अनर अरा दोस ठेकाबाच बाच उर्मी रकम ही मल दौ कत्था कछनख्रनर ख़ने, धर्मेस निमन आसीस ननोस।

यॊहनस 15:20

एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर।

त‍इरकर 14:22

अरा आर असन ता पत्त'ऊ आलारिन बड़ियर नंजर अरा पत्त'अना नू ठिमठिमने इज्जका र'आ गे रिझ्रताचर। अरा बाचर, “नमा नगदे खिलपत मॊख़रकी धर्मेसी राजी नू कोरना र'ई।”

त‍इरकर 21:11

आस एम्‍है गुसन बरचस ती पौलुसी कमरपटी आबोन होच्‍चस अरा तंग्‍है ख़ेड्डे ख़ेक्खा गुट्ठिन हॆंचस ती बाचस, “नेम्‍हा बॊलतस एन्ने ब'अदस का ई कमरपटी नॆख'आ हवे, आसिन येरुसलॆम नू यहूदी आलर एन्नेम हें'ओर ती नन-यहूदी आलर ही ख़ेक्खा नू सोंप'ओर।”

त‍इरकर 21:13

लिकिन पौलुस बाचस, “नीम एन्‍देर नन्‍दर, चींख़ा चींख़ा एंग्‍है जियन ख़ोदख़दर? ऎन गा येरुसलॆम नू हॆंर'आ गे लेका मला, लिकिन उर्बा येसुसी चड्डे खे'आ गे हूँ सपड़ारका र'अदन।”

त‍इरकर 21:4

असन ऎम पत्त'ऊ आलारिन ख़क्‍खकम ती सात उल्‍ला गूटी आर गने रहचकम। आर नेम्‍हा बॊलतासी कड़हाब'अना ती पौलुसिन, “नीन येरुसलॆम अमके काला” एन्ने तिंगियर।

त‍इरकर 9:14

आस इसन हूँ एकार निंगन ऒड़ लग्‍गनर आरिन हें'आ हो'आ गे मुध नैगर तरती अदिया ख़क्‍खकादस।”

त‍इरकर 9:6

अक्‍कु चो'आ ती नगरे नू कला, निंगा एन्‍देर नन्ना र'ई आद तेंगतार'ओ।”

2 कोरिन्‍थ 6:4

लिकिन ऎम धर्मेसी मानिम जॊंख़म एन्ने उर्मी मदहे नू एम्है उज्‍जना ओक्‍कना ती ऎद्ददम। कोड़हे खतीर नन्ना नू, कलपारना नू, कीड़ा नू, सस्ती नू,

1 थेस्‍सलोनिकॆयर 3:3

औंगे नॆ हूँ इबड़ा खिलपत चड्डे अम्‍बोर नुक्र'आ। लिकिन नीम गा अख़दर दिम ऎम ई खिलपत गेम उइरकादम।

2 तीमोथियुस 1:12

औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

2 तीमोथियुस 3:11

अन्‍तियोख़ेया अरा इकोनियोन अरा लुसत्रा नगरे नू एंग्‍है म‍इय्याँ ऎ बग्‍गे दुक्‍खे अरा सतारना मंजकिचा, अबड़ा उर्मी दुक्‍खेन ऎन एकासे सारचकन अदन नीन अख़दय। लिकिन इबड़ा उर्मी ती उर्बस एंगन बछाबाचस।

1 पतरस 4:14

नीम मसीसिन पत्त'ऊ र'अना चड्डे निम्है निंदा मनी होले, नीम धर्मेस ती आसिस ख़क्खुर दिम हिकदर। एन्देरगेका महबा ती निंद्रका धर्मेसी बॊलतस निम्है नू मड़दस।

दहदर मंजका कत्‍था 1:9

ऎन यॊहन निम्‍है भई हिकदन, अरा ऎन निम्है लेक्खा येसुस गने चॊख़रना नू अरा खिलपत चॊदना नू अरा धर्मेसी राजी ही आल मन्ना नू अरा खतिर गने दुक्खे सारना नू निम्है गने मेस्र'ऊ हिकदन। धर्मेसी कत्‍था तेंगना ही चड्डे अरा येसुसी गोवाह र'अना ही चड्डे दंडे ही रूपे नू ऎन पतमॊस नामे टापू नू रहचकन।