त‍इरकर 8:7 - पुना गच्छरना NT (BSI)

⁷ नॆखा नॆखा नू मलदौ बॊलता गुट्ठी रस्‍सकीचा, अबड़ा आर ती जॊरसरिया चिच्चि‍यारनुम उरखा। अरा कैनो बग्‍गे लकवा बेमरहर अरा लेंगड़ा आलर कोड़े मंजर।

त‍इरकर 8:7 ပူးပေါင်းရင်းမြစ်များ

मत्तायोस 10:1

तहाँ येसुस तंग्‍है बारो चेलारिन मीख़ियस ती आर गे मलदौ बॊलता गुट्ठिन ओथ्र'आ गे अरा उर्मी रकम ही रोगेन दरा पयहा गुट्ठिन कोड़े नन्‍ना ही आकुस चिच्‍चस।

मत्तायोस 11:5

अन्‍धहर ऎरनर अरा लेंगड़र ऎकनर अरा खसरा रोगियर सफा नन्तारनर अरा भइरा आलर मेनालनर अरा केचका आलर उज्‍जतारनर अरा कीड़र गे दौ कत्‍था तेंगतार'आ लगी।

मत्तायोस 4:24

येसुसी पत्त ता कत्‍था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्‍द्र'आ लगियर। अरा आस आरिन उजग'आ लगियस।

मरकुस 9:26

ख़ने आ बॊलता चिच्चि‍यारा अरा कुक्‍कोसिन नगदे मुरकुटचा अरा आसिन ती उरखा बरचा। अरा आस केचका लेक्‍खा मंजस केरस। ख़ने असला बग्‍गे आलर एन्ने बाचर का ईस गा केच्‍चस केरस।

लू‍कस 10:17

अबड़ा बहत्तर आलर खुसमारनुम किर्रियर अरा ब'आ हेलरर, “अना उर्बायो, निंग्‍है नामे ती नाद गुट्ठी हूँ एमन पॆस्र'ई।”

यॊहनस 14:12

ऎन निमन मानिमन ब'अदन, नॆ एंग्‍है मइय्याँ पत्त'अदस, आस ऎन एका नलख गुट्ठिन नंजकादन अबड़न तान हूँ ननोस। अरा ऎन बंगस गुसन कालदन ई चड्डे आस अबड़ा ती हूँ कोहाँ नलख गुट्ठिन ननोस।

त‍इरकर 5:16

येरुसलॆम ही अड्डे-बेड्डे ता नगरे गुट्ठी ती हूँ बग्‍गे आलर रोगियारिन अरा मलदौ बॊलता गुट्ठी ती धरचका आलारिन ओन्‍द्र'आ लगियर, अरा आर ओर्मर कोड़े मना लगियर।

त‍इरकर 8:6

एकाबारी गोंहड़ा फिलिप्‍पोसी ब'अनन अरा आसी नंजका अजगुत नलख ही चिन्‍हा गुट्ठिन ईरियर ती आर आसी सिखाब'अनन चिहुंक लगे मेना लगियर।

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।