त‍इरकर 8:30 - पुना गच्छरना NT (BSI)

³⁰ ख़ने फिलिप्‍पोस बुंगनुम आसी गुसन अंड़सियस अरा आसिन धर्मेसी कत्‍था तिंगू यसायासी पुथी पढ़नन मेंजस ती आसिन मेंजस, “नीन पढ़'आ लगदय अदिन बुझ्रदय का?”

त‍इरकर 8:30 ပူးပေါင်းရင်းမြစ်များ

मत्तायोस 13:19

एका ओर्तस मेर्ख़ा राजी ता कत्‍थन मेन्‍दस ती अदिन मल बुझ्रदस, आसी जिया एन्द्रा चाँख़्रकी रहचा अदिन नाद बर'ई ती बच्‍ची हु'ई क'ई, ईद आद दिम हवे एकदा डहरे पिंडी नू चाँख़्रकी रहचा।

मत्तायोस 13:23

अरा एकदा उबजा ख़ॆख़ेल नू चाँख़्रा, आद ईद हवे, एकास कत्‍थन मेन्‍दस ती बुझ्रदस, अरा ख़ंजपा ओन्‍द्रदस, नॆ सौ गुना महले साठ गुना महले तीस गुना ख़ंजपा चि'अदस।”

मत्तायोस 13:51

येसुस तंग्‍है चेलारिन बाचस, “एन्‍देर नीम इबड़ा उर्मी कत्‍थन बुझ्रकर का?” आर आनाकिर्ताचर, “हाँ, ऎम बुझ्रकम।”

मत्तायोस 15:10

तहाँ येसुस गोंहड़ा आबोन तंग्‍है गुसन मीख़ियस ती बाचस, “एंग्‍है कत्‍थन मेना ती बुझ्र'आ

मत्तायोस 24:15

धर्मेसी कत्‍था तिंगुस दानियॆलसी बाचका लेक्‍खा, ‘नीम इकला आ उझड़'अना भंगड़भट्ठ ख़ाँड़ना आलॊन धर्मेसी मन्दिर ही नेम्‍हा अड्डा नू इज्‍जका ऎरोर’ (पढ़'उर बुझुर'आ हो'आ),

मरकुस 13:14

(पढ़'उर बुझुर'आ हो'आ ऎन एन्‍देर लिख'आलदन) नीम इकला आ उझड़'अना भंगड़भट्ठ ख़ाँड़ना आलॊन धर्मेसी मन्दिर ही नेम्‍हा अड्डा नू इज्‍जका ऎरोर एसन अदगे मल इजना रहचा। ई चड्डे आलर धर्मेसी मन्‍दिरन अम्‍बोर चि'ओर। अउलम यूदेया जिला नू र'उर परता म‍इय्याँ बोंके कालके।

यॊहनस 4:34

ख़ने येसुस बाचस, “नॆ एंगन तइय्‍कादस आसी मने लेक्‍खा नन्ना, अरा आसी नलखन मुंजना ईदिम एंग्‍है ओन्ना-मॊख़ना हवे।

यॊहनस 5:39

नीम नेम्‍हा पुथी ही कत्‍था गुट्ठिन चिहुंक ती पढ़'आ, एन्‍देरगेका अबड़ा नू ती जनमजुग उज्‍जनन ख़क्‍खोर एन्ने सोचदर। अबड़ा दिम एंग्है पत्त नू गोवाह चि'ई।

त‍इरकर 8:27

ख़ने आस चॊचस ती केरस। डहरे नू आस ओन्‍टा एथियोपिया ता करबेलवसिन ईरियस। आस एथियोपिया रानी कनदाकॆ ही मं‍त्री अरा खजानजी रहचस। आस येरुसलॆम महबा नना गे केरका रहचस।

त‍इरकर 8:29

बॊलतस फिलिप्‍पोसिन बाचस, “कला ती रन्‍‍थ गने ऎका।”

त‍इरकर 8:31

ख़ने आस बाचस, “नीक‍इम एंगन मल बुझाब'ओर होले ऎन एकासे बुझ्र'ओन?” तहाँ आस फिलिप्‍पोसिन अरगा ती तंग्‍है गने ओक्‍का गे मीख़ियस।

त‍इरकर 8:5

तहाँ फिलिप्‍पोस समारिया ता ओन्‍टा नगरे नू केरस ती अइय्या ता आलारिन मसीसी पत्त नू तेंगा लगियस।

1 कोरिन्‍थ 14:19

अन्नु हूँ कलीसिया नू बलना भखा नू दस हजार कत्‍था कछनख्रना ती नन्‍नारिन सिखाब'आ गे बुझुरना बेसे पाँच गोटंग कत्‍था तेंगनन दिम ऎन कोड़हे पत्तार'ओन।

इफेसुस 5:17

औंगे नीम बोया अमा मना, लिकिन बुझुर'आ का नीम नना गे उर्बासी मने एन्‍देर र'ई।

दहदर मंजका कत्‍था 13:18

इदन बुझ्र'आ गे लूर ही चाड़ र'ई। नॆका लूर र'ई आस ई मेक्‍खो ही गनतिन बेद्द ऎरोस नेकअन, एन्‍देरगेका आद आलासी गनती दिम हवे। अरा अदही गनती छै सौ छियासट हवे