त‍इरकर 8:20 - पुना गच्छरना NT (BSI)

²⁰ लिकिन पतरस आसिन बाचस, “निंग्‍है रुपिया निंग्‍है गने नठार'आ नेक‍अन, एन्‍देरगेका नीन धर्मेसी इनाम आबोन रुपिया ती ख़क्‍खा गे सोचकय।

त‍इरकर 8:20 ပူးပေါင်းရင်းမြစ်များ

मत्तायोस 10:8

अरा रोगियारिन उजग'आ अरा केचकारिन उज्‍जत'आ अरा खसरा रोगियारिन कोड़े नना अरा आलर ती नाद गुट्ठिन ओथ्र'आ। नीम एंग्‍है ती इबड़ा सवंगन सिथिया ख़क्‍खकादर, नीम हूँ आलारिन सिथियम ती संगरा नना।

मत्तायोस 15:19

एन्‍देरगेका मलदौ सोच, आल पिटना, नन्ना आली गुसन काना, पेहरन ही सोतरा नलख, ख़ड़ना, ठकवा गोवाह चि'अना अरा निंदा नन्ना जिया तिम उरखी।

त‍इरकर 1:18

(यूदस तंग्‍है मलदौ नलख ही अर्जाचका ती ओन्‍टा ख़ल्ल ख़ीन्‍दियस, अरा आस अइय्या कुक्‍कु भरसा खत्रस, अरा आसी कूल बिदिगरा केरा, अरा आसी पोट्टा बहरी उरखा केरा।

त‍इरकर 10:45

ख़ने पतरस गने बरचका यहूदी पत्त'ऊ आलर इदिन ईरियर ती अनचकरर केरर, एन्‍देरगेका नन-यहूदीर गे हूँ नेम्‍हा बॊलतासी इनाम ख़क्‍ख्रकी रहचा।

त‍इरकर 11:17

धर्मेस गा आर गे एन्ने इनाम चिच्‍चस एकदन नमा गे चिच्‍चस इकला नाम उर्बस येसु मसीस नू पत्ताचकत। होले ऎन एका ओर्तन धर्मेसी नलखन छेंका ओंग्दन?”

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

त‍इरकर 8:19

अरा बाचस, “एंगा हूँ ई सवंग आबोन चि'आ का ऎन नॆख'आ म‍इय्याँ ख़ेक्खा उइय्योन आर नेम्‍हा बॊलतासिन ख़क्‍खनर नेक‍अन।”

त‍इरकर 8:22

नीन निंग्‍है ई पाप गे जियन किर्त'आ अरा उर्बासिन गोहरार'आ होले, आस निंग्‍है ई मलदौ सोच आबोन छमा ननोस।

1 तीमोथियुस 6:9

लिकिन नॆ उरुब मना बेद्दनर आर एन्ने बिढ़्रना अरा फंदा अनभनियाँ अरा बगड़ारना चिबाख़ारना नू बझरनर। एकदा आलारिन बगड़'ई चि'ई अरा बुडरना ही समुदर नू मूलख़'ई चि'ई।

याकॊब 5:3

निम्‍है सोना अरा चांदी मुरछारा केरा। अरा इदही मुरछा निम्है बिड़दो नू गोवाह चि'ओ, अरा ई मुरछा चिच्ची लेक्खा निम्है मॆदन मॊख़ो चि'ओ, एन्देरगेका नीम निम्है खुर्जिन दौ गे मल बउराचकर। ईद ई जुग ही मुंजुरना उल्ला एन्ने अख़ना ती हूँ नीम खुर्जी बॆन्दका र'अदर।

दहदर मंजका कत्‍था 18:15

आ नगरे गने ख़ीन्दका-पिटका ती उरुब मंजका इबड़ा आलॊ ही ख़ीन्दु-बीसुर अदही सस्ती ही इल्चिक'आ ती गेच्‍छम इज'ओर ती चींख़नुम ओलख़नुम ब'ओर,