त‍इरकर 8:17 - पुना गच्छरना NT (BSI)

¹⁷ तहाँ पतरस अरा यॊहनस आर ही म‍इय्याँ ख़ेक्खा उइय्यर अरा आर नेम्‍हा बॊलतासिन ख़क्‍खियर।

त‍इरकर 8:17 ပူးပေါင်းရင်းမြစ်များ

मरकुस 5:23

अरा गोहर'अरकी आसिन बाचस, “सन्नी एंग्‍दा खे'आ बेद्दाली, नीन बर'अरकी अदही म‍इय्‍याँ ख़ेक्खा उइय्‍या अरा कोड़े नना, होले आद मल खे'ओ।”

त‍इरकर 13:3

तहाँ गोहरारना अरा उपास नन्ना ही ख़ॊख़ा आर स‍उल अरा बरनबास म‍इय्याँ ख़ेक्खा उइय्यर ती आरिन त‍इय्यर।

त‍इरकर 19:6

अरा पौलुस आर ही म‍इय्याँ ख़ेक्खा ओक्‍ताचस ख़ने, आर ही म‍इय्याँ नेम्‍हा बॊलतस इत्तियस, अरा आर नन्ना नन्ना भखा कछनख्र'आ हेलरर अरा धर्मेसी कत्‍थन मुन्द तेंगा हेलरर।

त‍इरकर 2:4

अरा अबड़ा ओर्मर नेम्‍हा बॊलतस नू निन्‍दियर केरर, अरा बॊलतस एकासे कछनख्र'आ गे सवंग चिच्‍चस अबड़ा ओर्मर नन्ना नन्ना भखा कछनख्र'आ हेलरर।

त‍इरकर 6:6

ईरिन त‍इरकर ही मुन्‍दहारे ओन्द्रर। अरा आर गोहरारर ती आर ही म‍इय्याँ ख़ेक्खा ओक्‍ताचर।

त‍इरकर 8:18

सिमॊनस ईरयस का त‍इरकर तम्‍है ख़ेक्खन आलर म‍इय्याँ उइय्नर ख़ने नेम्‍हा बॊलतासिन ख़क्‍खनर। ख़ने आस आर ही गुसन रुपिया ओन्‍द्रस,

त‍इरकर 9:17

तहाँ हनानियास उरखस ती यूदसी एड़पा कोरचस। अरा आस स‍उलसी म‍इय्याँ ख़ेक्खन उइय्यस ती बाचस, “अना भई स‍उल, उर्बा येसुस नॆ निंगन इसन बर'ओ बारी डहरे नू ऎथ्रकाचस, आस एंगन त‍इय्कादस का नीन अउर ऎरा ओंगोय, अरा नीन नेम्‍हा बॊलतस ती नीन्‍द'ओय क'ओय।”

रोमी 1:11

एन्‍देरगेका एंगा निम्‍है गने भेंटार'आ तुक्‍काली का ऎन निमन धर्मेसी बॊलता ती ख़क्ख्रका आसीस आबोन ख़ट्टा बेद्ददन का नीम निम्है पत्त'अना नू बड़ियर मना ओंगोर।

1 तीमोथियुस 4:14

कलीसिया ही सेयान आलर निंग्‍है म‍इय्याँ तम्‍है ख़ेक्खन उइय्यो बारी धर्मेस ती निंग्‍है ख़क्ख्रका सवंग आबोन अमा ख़ाँड़'आ।

1 तीमोथियुस 5:22

तिर्री बिर्री नू नेकअनिम सेयान अमके उइय्या। अरा नन्नर ही पाप गुट्ठी ही बटा अमके मना। नीन निंगन निमन उइय्‍के।

2 तीमोथियुस 1:6

ऎन निंगन सोचत'अदन का ऎन निंग्‍है म‍इय्याँ ख़ेक्खा उइय्यो बारी धर्मेस ती निंगा ख़क्ख्रका सवंग आबोन बॆस बड़ियर लगे ब‍उर'आ।

इब्रानी 6:2

अरा नॊड़ना मंजना गुट्ठी ही पत्त ता सिखाब'अना, अरा पत्त'ऊ आलर ही म‍इय्याँ ख़ेक्खा गुट्ठी उइय्ना, अरा केच्‍कर ही उज्‍जा चो'अना, अरा धर्मेसी रायबड़ी ती जनमजुग ख़क्‍ख्रना ही पत्त ता कत्‍था।