त‍इरकर 8:12 - पुना गच्छरना NT (BSI)

¹² लिकिन धर्मेस आलारिन राजी नन्ना ही पत्त नू अरा येसु मसीसी नामे ही पत्त नू फिलिप्‍पोस दौ कत्‍था मेन्त'आ लगियस ख़ने, आर आसी कत्‍थन पत्ताचर ती मॆतर मुक्‍कर ओर्मर नॊड़रर।

त‍इरकर 8:12 ပူးပေါင်းရင်းမြစ်များ

मत्तायोस 28:19

औंगे नीम कला अरा उर्मी राजी ता आलारिन चेला कम'आ अरा आर गे धर्मे बबस अरा ख़द्दस अरा नेम्‍हा बॊलतासी नामे ती नॊड़रत'आ,

लू‍कस 9:2

अरा आरिन धर्मेसी राजी ही पत्त नू तेंगा कुद्दा गे अरा बेमार गुट्ठिन उजग'आ गे तइय्यस।

लू‍कस 9:60

लिकिन येसुस आसिन बाचस, “केचकारिन तम्‍है बॊलता नू केचका आलर माड़नर नेकअन। लिकिन नीन कला ती धर्मेस आलर ही उज्‍जना नू राजी नन्ना ही पत्त नू मेन्‍त'आ।”

त‍इरकर 1:3

येसुस दुक्‍खे भोगचका अरा केचका ख़ॊख़ा आर गे कोड़हे सबुत ऎदस का तान उज्‍जालदस। अरा आर गे बग्गे हॆल चालीस उल्‍ला गूटी ऎथ्रते रहचस अरा धर्मेसी राजी ही पत्त नू कछनख्रते रहचस।

त‍इरकर 11:20

लिकिन अबड़र नू जोक्‍कोर कुप्रोस टापू अरा कुरॆनॆ नगरे ता आलर रहचर। अरा अबड़र अन्‍तियोख़ेया अंड़सियर ती नन-यहूदी आलारिन हूँ उर्बा येसुसी दौ कत्‍था तेंगा लगियर।

त‍इरकर 18:8

गोड़हा एड़पा ता मुद्धस क्रिसपोस तंग्‍है एड़पातर गने उर्बासिन पत्ताचस। अरा कोरिन्‍थ ता बग्‍गे आलर हूँ पौलुसी कत्‍थन मेंजर ती पत्ताचर अरा नॊड़रर।

त‍इरकर 19:5

अबड़र इदिन मेंजर ती उर्बा येसुसी नामे ती नॊड़रर।

त‍इरकर 2:38

पतरस आरिन बाचस, “नीम जियन किर्त'आ, अरा नीम ओर्मा आलर निम्‍है पाप गुट्ठी ही छमा गे येसु मसीसी नामे ती नॊड़र'आ। होले नीम इनाम नू नेम्‍हा बॊलतासिन ख़क्‍खोर।

त‍इरकर 2:41

एकार पतरसी कत्‍थन पत्ताचर आर नॊड़रर। अउलम तीन हजार केम आलर चेलर गने मेसरर।

त‍इरकर 20:21

अरा यहूदी अरा नन-यहूदी आलारिन चेताबचकन का आर जियन किर्त'अना र'ई अरा नम्‍है उर्बस येसु मसीसिन पत्त'अना चांड़ र'ई।

त‍इरकर 20:25

अक्‍कु ऎरा, ऎन अख़दन का निम्‍है ओर्मर नू नॆख'आ मझी नू ऎन धर्मेसी राजी ही कत्‍था तेंगा कुद्दकन, निम्है ती नॆ हूँ एंग्‍है मुंहिन फेन मल ऎरोर।

त‍इरकर 28:31

अरा आस बिगर छेके-रुके ती डिढ गने धर्मेसी राजी ही पत्त नू तेंगा कुद्दा लगियस अरा उर्बस येसु मसीसी पत्त नू सिखाब'आ लगियस।

त‍इरकर 5:14

अरा नगदे बग्‍गे मॆतर अरा मुक्‍कर उर्बा येसुसिन पत्त'आ लगियर। अरा आर पत्त'ऊ आलर ही खोंड़हा नू मेसर'आ लगियर।

त‍इरकर 8:4

एकार छितिर बितिर मंजका रहचर आर एसन एसन केरर असन दौ कत्‍था तेंगा लगियर।

रोमी 10:10

एन्‍देरगेका जिया ती पत्त'अना चड्डे आलस उजगो मन्‍दस अरा ब‍ई ती तंग्‍है पत्त'अनन तेंगरना चड्डे नाड़रदस।

1 कोरिन्‍थ 11:11

अन्नु हूँ उर्बस नू मुक्‍का बिगर मॆतस मलकस, अरा बिगर मॆतस ती मुक्‍का मलकी।

गलातिया 3:28

अक्‍कु नॆ हूँ यहूदी मला महले नन-यहूदी मला, बिट्ठी ननू जॊंख़ मला महले छछेम मला, नॆ हूँ मॆत मला महले मुक्‍का मला। अक्‍कु नीम ओर्मर मसी येसुस नू ओन्‍टा मंजकर केरकर।

1 पतरस 3:21

ई अम्मु अक्कु निमन नाड़र'ऊ नॊड़रना ही चिन्हा हवे। ई नॊड़रना मॆद ही कस्‍सन ओथ्र'आ गे मला, लिकिन आद धर्मेसी मुन्दहारे मानिम लखना गने नन्ना गच्छरना हवे। ई नॊड़रना इदन ईद'ई का, येसु मसीसी उज्‍जा चो'अना ही चड्डे निमा गे नाड़रना ख़क्ख्रकी र'ई।