त‍इरकर 8:1 - पुना गच्छरना NT (BSI)

¹ स‍उलस स्‍तेफनोसिन पिटना नू हुँकारी नंजकाचस। अउलम येरुसलॆम ता कलीसिया गे कोड़हे खिलपत बरचा। त‍इरकारिन अम्‍बर जम्मर गोट्टा यूदेया राजी अरा समारिया राजी नू बींड़रर केरर।

त‍इरकर 8:1 ပူးပေါင်းရင်းမြစ်များ

मत्तायोस 22:6

लिकिन नन्‍नर एंगरका रहचर आर आसी जॊंख़ारिन धरचर ती कांड़चर अरा पिटियर।

मत्तायोस 23:34

औंगे मेना! ऎन निम्‍है गुसन धर्मेसी कत्‍था तिंगुरिन अरा लुरगर आलारिन अरा नॆग सिखाब'उरिन तइय्यालदन। आर ती जोक्‍कोरिन नीम पिटोर अरा क्रुस नू ठोक'ओर, अरा जोक्‍कोरिन गोड़हा एड़पा नू कोर्रा ल'ओर अरा ओन्‍टा नगरे ती नन्ना नगरे खेच्का कुद्दोर।

मत्तायोस 5:13

नीम ख़ॆख़ेल नू बॆक लेक्‍खा र'अदर। लिकिन बॆक ही तीनना मेटर'ओ कालो होले, आद अउरिम अदही तीनना मल कमर'ओ। आद इन्द्रिइम नलख गे मल र'ई, अदिन बहरी हेबड़तार'ई अरा आलर ती तिर्ख़र'ई नाब्र'ई।

यॊहनस 15:20

एका कत्‍थन ऎन निमन तिंकन अदिन सुरता नना। जॊंख़स तंग्‍है उर्बस ती कोहँस मलदस। आर एंगन सताबाचर होले, निमन हूँ सताब'ओर। अरा आर एंग्‍है कत्‍थन पॆस्रर होले, निम्‍है कत्‍थन हूँ पॆस्र'ओर।

यॊहनस 16:2

आलर निमन आर ही गोड़हा एड़पा गुट्ठी ती ओथ्र'ओर चि'ओर। मानिम नू ओन्‍टा बेड़ा बर'आ लगी, नॆ निमन पिटोर आर सोच'ओर का आर इदन नन्ना ती धर्मेसी सुसर नन्‍नर।

त‍इरकर 1:8

लिकिन इकला नेम्‍हा बॊलतस निम्‍है म‍इय्याँ एत्तोस, नीम सवंग ख़क्‍खोर अरा येरुसलॆम नू अरा गोट्टा यूदेया अरा समारिया नू अरा ख़ॆख़ेल ही ठुट्ठु गूटी नीम एंग्‍है गोवाह मनोर।”

त‍इरकर 13:1

अन्‍तियोख़ेया कलीसिया नू कैनो बग्‍गे धर्मेसी कत्‍था तिंगू अरा सिखाब'ऊ आलर रहचर। इबड़र बरनबास अरा नीगेर बारना सिमॊन अरा कुरॆनॆ नगरे ता लूकियोस अरा बॆलस हॆरॊदॆस अंटिपसी संगे परदका मनायॆन अरा स‍उल हिकनर।

त‍इरकर 13:36

दाऊदस गा तंग्‍है उज्‍जना ही बेड़ा नू धर्मेसी मने लेक्‍खा नंजस ती केच्‍चस। अरा आसिन तंग्‍है पूरखर हेद्दे मंडियर। अरा आसी मॆद मसड़ा नू कित्तिया।

त‍इरकर 2:47

अरा धर्मेसी ओहमा ननालियर ती उर्मी आलर ती मया ख़क्‍खियर। अरा नॆ नॆ नाड़र'आलियर आरिन उर्बस उर्मी उल्‍ला आर नू मेस'आलियस।

त‍इरकर 22:20

अरा निंग्‍है गोवाह स्‍तेफनोसिन पिटा लगियर ख़ने, ऎन हूँ असन रहचकन, अरा ई कत्‍था नू संगे मंजकन, अरा आसिन पिटू आलर ही किचरिन ख़ापा लिक्‍कन।’

त‍इरकर 26:10

अरा ऎन येरुसलॆम नू एन्ने नंजकन हूँ, ऎन मुध नैगर ती अदिया ख़क्‍खकन ती अजम बग्‍गे नेम्‍हा आलारिन जेहेल नू सज्‍जकन। अरा आर पिटर'आ लगियर ख़ने, आर ही बिड़दो नू हुँकारी चिच्का र'अदन।

त‍इरकर 5:18

अरा त‍इरकारिन धरचर ती जेहेल नू मुच्‍चियर चिच्‍चर।

त‍इरकर 5:20

“कला, धर्मेसी मन्दिर चाली नू इज'आ ती ओर्मा आलर गे पुना उज्‍जना ही पत्त ता उर्मी कत्‍थन तेंगा।”

त‍इरकर 5:33

इदिन मेंजर ती आर कैर ती निन्‍दियर केरर अरा आर त‍इरकारिन पिटा ख़च्‍चा गे अंगियाचर।

त‍इरकर 5:40

आर आसी कत्‍थन इंझ्रर अरा त‍इरकारिन मीख़ियर अरा आरिन कोर्रा ती लौताचर। अरा आरिन चेताबाचर का नीम येसुसी नामे ती आलारिन अमके तेंगा ब'अरकी अम्‍बियर चिच्‍चर।

त‍इरकर 7:38

ई मूसस दिम इस्राऎल खोंड़हा गने टोड़ंग नू रहचस। अरा सीनाय परता नू तंग्‍है गने कछनख्रका मेर्ख़ा पैकस गने रहचस अरा नम्‍है पूरखर गने रहचस। आस उज्‍जनन चि'अना पॆसकन धर्मेस ती ख़क्‍खियस अरा आ पॆसकन नमा चिच्‍चस।

त‍इरकर 7:54

स्‍तेफनोसी इबड़ा कत्‍थन आर मेंजर ती कैर ही मारे उड़तरर केरर अरा आसी बिड़दो नू पल्‍ल चब्र'आ हेलरर।

त‍इरकर 7:58

अरा आर आसिन नगरे ती बहरी ओथ्रर ती आसिन पखना ती लोड़गाचर। अरा नॆ आसी बिड़दो नू गोवाह रहचर, आर तम्‍है किचरिन स‍उल नामे ओन्‍टा जॊंख़ासी ख़ेडमूली ओक्‍ताचर चिच्‍चर।

त‍इरकर 8:14

तहाँ येरुसलॆम नू र'ऊ त‍इरकर मेंजर का समारिया ता आलर धर्मेसी कत्‍थन इंझ्रर ख़ने, आर पतरस अरा यॊहनसिन आर ही गुसन त‍इय्यर।

त‍इरकर 8:2

भगतर स्‍तेफनोसिन मंडियर चिच्‍चर अरा आस गे कोड़हे खोबरारर।

त‍इरकर 8:4

एकार छितिर बितिर मंजका रहचर आर एसन एसन केरर असन दौ कत्‍था तेंगा लगियर।

त‍इरकर 8:5

तहाँ फिलिप्‍पोस समारिया ता ओन्‍टा नगरे नू केरस ती अइय्या ता आलारिन मसीसी पत्त नू तेंगा लगियस।

त‍इरकर 9:31

आ उल्‍ला सौंसे यूदेया गलिलेया अरा समारिया नू कलीसिया नू सान्‍ति ख़क्‍खरा अरा बड़ियर मन्नुम केरा। अरा पत्त'उर उर्बासी एल्‍चना नू उज्‍जा लगियर। अरा आर नेम्‍हा बॊलतासी जिया सालना ख़क्‍खियर ती गन्‍ती नू परदनुम काला लगियर।

रोमी 1:32

आर गा धर्मेसी ई नॆगन अख़नर का एन्ने एन्ने नलख ननुर खे'अना दंडे ही जॊगे र'अनर। अन्नु हूँ आर ताम लेका एन्ने मल नन्नर, लिकिन एन्ने नलख ननू आलर ती हूँ रिझ्रनर।

फिलिप्‍पी 1:12

अना भईरो! ऎन इदन नीम अख़'आ बेद्ददन का इय्या एंग्‍है नू मंजा अबड़ा उर्मी दौ कत्‍थन बींड़'आ गेम संगरा नंजा।

इब्रानी 11:27

पत्त'अना ती आस बॆलासी खींस ती मल इल्‍चियस ती मिसर राजिन अम्‍बियस ती उरखस केरस। अरा आस मल ऎथ्र'ऊ धर्मेसिन ईरका बेसे ठिमठिम ने रहचस।